slipper clutch主要係幫你無補油/補唔夠油拖波無咁容易鎖轆,另一個好處係輕左,其實錯唔哂
學牌唔建議25r同250rr呢種啡呤車唔係因為滑離同快排,而係座姿同視野同考試車好唔一樣,引擎發力偏向高轉,車重啲,架車好力過學牌車好多好多,呢幾樣野都會令你偏向習慣揸啡呤車嘅狀態,而唔適合去考路試,因為你會培養左好多唔應該出現係考試期間嘅駕駛習慣
我係過來人,學牌出啡呤,臨考路試前兩個禮拜都無揸架啡呤剩係揸學院車,都覺得有啲習慣未戒得哂,拖波補油呀攝車呀瞓彎呀統統都要戒,出架25r你無可能長行50㗎啦問心。學牌出車係開心嘅,我20年出啡呤21年中先拎P,期間keep住有車揸係爽,但係大多數人根本分唔清平日揸車同考試模式,結果就係兩三take先pass,或者學牌已經炒鑊甘嘅。我自己咁做,但係真係唔會建議人地咁做,學牌炒車真係好徬徨無助㗎,又要驚唔好on99上高速,啲人揸得快未慣又要迫自己跟人地速度,蕩失路又唔識處理,架車趴住U turn又驚跌車,仲未計學保幾貴
你要出無人阻到你嘅,我地網民可以做嘅唯有分享親身經驗,成年人自己諗啦