"框架"就係用咩角度去解釋一句句子/文章/事件, 而5毛手法係格硬迫你用佢地個角度去睇野, 唔理你同意唔同意.
佢地既框架係計過, 5毛係框架入面有好大優勢
例子A: 某某手足成功離開香港
正常框架: 手足已經安全, 又成功走左個
5毛框架: 條友背叛手足, 自己走左去呃錢
見到5毛係另開一個戰場去解讀"手足成功離開香港"呢件事, 將原本對共產黨不利既解釋解讀為有利/手足侮辱緊自己
5毛之後迫大家係呢個框架下討論, 佢地知你地係100%唔同意, 但佢地就係令你地由呢個框架出發, 搞到成版個主旨變為:討論手足有無背叛/呃錢呢?
例子B: 移民英國
移唔移民有4個框架:
移民: 1. 英國有咩好2. 香港有咩唔好
唔移民: 3. 英國有咩唔好4. 香港有咩好,
你會發現5毛係一面倒用"英國有咩唔好"呢個框架, 因為呢個呢個框架最易吹: 歧視/搵工/語言, 連天氣唔好都可以講一輪, 係呢個框架下5毛完全唔介意同你泥漿摔角, 因為呢個係佢地既戰場,
如果你將重點放係另一個框架"要移民係因為香港有咩唔好", D5毛會嘗試拉你返去佢地個框架, 要你討論"英國有咩唔好" , 一係直接唔回你
點解唔會回呢? 因為大家都知要討論"香港有咩唔好"5毛完全劣勢,
呢個就係5毛既弱點: 只要唔比5毛拖入佢地預先SET好既框架/戰場, 佢地係做唔到野
如果格硬將佢地個框架改成"反共撐手足", 佢地係掂都唔敢掂
好似呢個框架, 2 3月成日見但近排已經消失左, 因為愈來愈多人第二個框架去睇
例子C:5毛: D死黃屍成日話"今日烏克蘭, 明日香港wo", 睇下烏克蘭變左咩樣
回: 無錯呀, 而家烏克蘭成地都係俄佬屍體, 坦克日日比人開罐, 期待香港有日成街都係解放軍死屍
呢個就係"今日烏克蘭, 明日香港"呢句句子2個唔同框架解讀
第二個框架下5毛可以點回? 唔通論證解放軍傷亡會唔會有俄佬咁多? 5毛夠膽討論"解放軍係香港既傷亡"咩? 呢個風向對5毛來講好危險, 所以已經好少5毛再講"今日烏克蘭, 明日香港/台灣"
言歸正傳, 對抗5毛只要用返佢地個隻改變框架手法, 佢地好快唔敢回
1. 你見到5毛打既野, 第一個冒出來直覺反應通常就係佢地想要既框架 (例如: 移民手足係背叛)
2. 忍住! 唔好比5毛拖入佢地設計好既伏 (係佢地框架反駁, 例如話移民手足唔係背叛)
3. 另開戰場, 諗下點樣將5毛句野解釋為1. 佢地係撐緊手足 2. 佢地侮辱緊佢自己/共產黨" (我通常用"無錯呀"做開頭)
例子: 布林肯加返"一個中國政策無變"落外交部文件
5毛: 中美已和好, 手足係condom (框架=美國奶返共)
回: 加返句野就咁多FF
, 美國又有個參議員去左台灣, 連日本都準備註軍 (框架=5毛比人玩緊)回: 無錯呀, 快D收服台灣啦 (框架=共產黨廢, 和好左都只會ATNA)
例子: 移民外國創新高
5毛: 賺夠錢就走/手足condom...之類(框架=挑撥, 手足被背叛)
回: 點睇你地D5毛完全無撚用, 搞咁多野D人反而愈走愈多? (框架=5毛係廢既)
回: 無錯呀, 習種個女根本係叛徒來 (框架=condom嘛, 習種咪condom)
個原理就係咁
框架呢D野千變化, 大家創意一流, 一定會諗到比小弟好既回應方式
必須先自我滿足
