價值觀唔夾，應唔應該分手

樓主你唔亂買嘢，都算乖。證明你都唔係虛榮。
不過20歲頭，唔需要用咁多錢去美容，其實美容好多時候都係呃錢。
你同朋友去食飯， 20歲頭識多啲朋友，擴闊自己生活圈子，我都好贊成。20歲頭就做返20歲嘅頭嘢啦，同朋友出街食飯，儲多啲錢去旅行，同埋記住去進修。而家有持續進修基金，你不如諗吓讀啲乜嘢。
好好享受你嘅成長階段，當你眼界闊咗，學歷高咗，就自然會吸引到高層次嘅異性。就算係單身都要咁做㗎。當你到一個位，你會知道幾萬蚊根本唔係乜嘢錢。何必20歲頭為咗依啲嘢去煩惱。
過多幾年你大d，你同你身邊嘅人都會成熟啲，到時先考慮人生大事可能更加好。
你只能同你男朋友講，對唔住，同你嘅期望有落差。
但係我覺得你要搵返你自己想行嘅路。

我以為係 價值觀無話啱唔啱 , 係睇大家夾唔夾

手頭上呀，點樣7皮野一個月呀？

同意自己嘅問題自己去解決
但係都要雙方都肯咁樣諗先可以架

其實做咩洗左D錢唔重要，最重要係值唔值得洗，同洗嘅比例係幾多，如果你人工15K，用1/3去美容，又用1/3去同朋友食同玩，咁呢D錢係咪非洗不可？如果唔係，朋友可能好難推，咁美容可唔可以做少D，由一個月做幾次，變一個月做一次，再兩個月做一次咁？

生活上好多野都係錢嘅問題，所以學識草錢的確係可以減輕未來嘅負擔，但每個人追求嘅野都唔同，你可以選擇享受當下，但最緊要你捫心自問自己接唔接受到而家月月清咁滯，到將來要用錢嘅時候你又處唔處理到？

同埋你都要諗下「移民」係咪都係你想要嘅野，如果係，即係你地有共同目標，有共同目標就要計劃點樣執行，唔好一方面話想移民，另一方面又唔願意努力草錢實現計劃

如果你唔想移民，咁只係男朋友單方面嘅理想，某程度上係佢強加自己嘅意願落你身上，而如果是但一方都覺得冇辦法遷就對方，一個死都要移民，一個死都唔要，咁應該都係分手會好D

唔好意思喎得你自己先係咁，自己衰就唔好賴晒所有女人

似係樓主身邊出現過第2個男人先會爆

比個建議你
一齊得就預左日後少交流少干涉
就相安無事
如果唔係會眼火爆
特別係家庭有大改變
例如搞移民，生仔咁，你最近交晒比佢聽佢吩咐，因為呢d需要planning既，及時行樂係會累死人
但如果去個5日旅行，就要交晒比你

感情問題XXXXXX

兩個性格相近, 價格觀相同既人我覺得做知己好過伴侶
伴侶係互補長短至行得長久

樓主指既"睇小事" 係嫌BF日常唔夠細心
唔會時刻關心佢心情果隻呀

淨係睇左樓主第一段就留言了

不過樓主都要諗諗 自己係咪適合移民
見你話多朋友多聚會 應該鍾意熱鬧既活動同環境
一旦移民 就算去當地識左新朋友
都未必係你嚮往果種熱鬧同充實
我覺得呢個比儲錢儲得慢仲大鑊
之後日子嫌悶 怪男朋友"迫"你移民 好易成日嗌交

好好珍惜你男友, 會規劃未來既男人真係好少, 細心呢家野呢永遠都係女人優勝d
美容我都會花好多錢落去, 但如果皮膚唔係差,夠後生 不如平時夫下保濕mask算啦

留個名

衰啲講 啲女既及時行樂既諗法
基本上都係啲無計畫
成世顧住玩果啲人黎
到玩到咁上下
又要求男友儲夠錢結婚買樓
其實好自私

有乜所謂，到時覺得條仔窮咪come on james, 搵下個

你自己問心
你搵到個同你一樣及時行樂既男人一齊
你會唔會願意將來幾十年都係租樓
同埋因無儲存限制左你做好野先
定係你打算到到咁上下年紀就搵個有儲錢有計畫既男人同你結婚？

所以對擇偶既條件唔同哂
唔係同我一齊儲錢
而係想同我一齊洗錢happy果啲一律next

到時唔係搵第二個 就係日日怨啦
唔好對啲咁自私既人太高期望

最憎啲人係到包裝自己
事實上就係想自己唔洗努力同付出
可以坐享其成 日日出去玩
無憂無慮 要人地做埋佢果份

真 講到個個同佢一樣老奉要男人carry曬自己咁

我幾時都話
嗰啲人實牙實齒講「一定唔會出軌/背叛」
係因為佢哋冇遇到「選擇」
有陣時「選擇」唔洗你主動去搵架
係個「選擇」親自嚟搵你！
For example, 突然間有個條件比你現任好極多嘅人嚟approach 你， 如果你都仲可以堅守自己現任嘅，嗰啲先叫做忠誠。
你哋嘅愛先至係真正受得起考驗。

如果你想搵個相處舒服嘅人至少大家要聽得明大家講咩。結婚前好多嘢要夾，同居又好多嘢要夾，到咗生仔所有嘢又再夾過。

所以你覺得愛可唔可以抵消到咁多唔夾？