價值觀唔夾，應唔應該分手

老實講
如果你有咁嘅諗頭就要分手
拖多幾年你仲後悔況且你係女仔

想知你地幾歲，20頭就冇乜所謂啦，正常都唔會有d咩積蓄，遲d香港呢個現實既社會會教你做人，20中到尾都係自已自足，得過且過咁，大概呢一世就係咁架啦，改變唔到。
你男朋友性格果度都係變唔到架啦，大男人性格，將對自已既要求強加落你度，而並冇想過你其實唔係咁中意佢，寧願分手都唔願儲半個錢。

就咁聽落，佢係為大家既生活着想，你係為自已既生活着想，諗野既層次唔同，協調唔到架啦，分手啦

佢都冇打算嫁我

唔好分, 俾你條仔捉實

唔好放出嚟市場

咁如果佢同你一樣係及時行樂
有錢周身痕要洗晒嘅月光族
冇諗過結婚定唔結婚
同佢吃喝玩樂又一日
你會開心啲？

咁你地一齊係for fun
時候到就分手？

十萬又好
幾萬又好
其實咁少錢都冇咩分別
問題唔係錢個銀碼上
而係心態上跟唔上佢進度

兩個人
一齊走落去
生活一定會遇到好多現實問題
經濟上一早準備好會容易解決好多

佢見到嗰啲問題
想預早準備

你可能見唔到嗰啲問題
或者你都見到嗰啲問題，不過唔想去準備
又或者你未玩夠呢

佩服咁都拍到5年
我個ex keep左四年半就散左了
雖然只係好少既價值觀不一
更多原因係拍耐左佢覺得感情淡左

分手啦唔好害人

人地注重未來

你啲性格拍拖就無問題 結婚真係柴米油鹽

無謂迫唔開心未換唔洗諗 換到諗通先搵人埋單

除咗價值觀唔同
性格上都唔係好夾
雖然一齊咗5年
不過20頭拍拖通常未係好知自己要咩
先唔講對將來目標一唔一致
你都係到而家先發現自己對於佢大男人一面覺得攰
同埋好明顯大家呢一刻想要嘅嘢唔同
其實冇對錯
20頭係大家對將來睇法慢慢成形嘅時期
有分歧而分開都好正常
你自己都思考下想要咩先

呢啲其實先係正確嘅愛情觀
大部分人講嘅「價值觀唔同」其實好大程度只係情侶間嘅摩擦。
真正嘅「價值觀唔同」係講緊「大是大非」嘅問題上。
好多人唔成熟嘅時候都成日將「價值觀」「三觀」「性格不合」掛係嘴邊，但當你真係成長咗，成熟咗，你就會發現過往同舊情人之間嘅摩擦，其實大部分都係好小事，甚至乎談不上「價值觀」，不過早當你發現啲時候早已「蘇州過後冇艇搭」。

諗少啲「夾唔夾」
諗多啲「點解決問題」
重點係「解決問題」
唔係「解決有問題嘅人」

唔好拉女人落水 得你係咁

一律建議分手

幾多歲

其實世界上無兩個一模一樣嘅人
就算有，佢兩個都唔會係天生一對

因為性格問題引致嘅優缺點其實係要互補
試想像如果兩個都鍾意計畫嘅人，一齊去旅行應該跟邊個人嘅計畫？

佢可以幫手plan未來，你可以帶佢享受現在，其實係無問題。

你哋嘅問題係缺乏有質素，互相尊重嘅溝通，同埋適當嘅妥協同體諒，而唔係價值觀唔同。

分手啦 做咩揀個要plan要儲錢 成日煩未來
緊係到時揀個現成既咪得
或者揀本身屋企有錢