其實Stephy 係咪香港偶像派嘅典範

男孩子挑選哪位

我而家開始懷疑Cookies單飛發展都係因為Gary Chan提議幫Stephy做solo album而起
段訪問話當初成間公司冇人睇好

最欣賞Stephy係佢有嗰種唔服輸嘅鬥心

講真，當年yes出嚟，冇學過唱歌冇學過戲，比人推出嚟做偶像派，都唔會期望佢會捱到咁耐，諗住都係一排就過氣。

但當人人都笑佢嘅時候佢冇放棄自己，冇求其搵個有錢佬嫁咗佢，而係努力磨練自己。

當年全港都笑佢英文屎，句I am very thanks them柒出天際，但你會見到佢近年去外國影展致辭毫不怯場，伸好流利添。

你會見到佢演技上不斷精益求精，由孽念深都市愛情戲慢慢到《空手道》尋找自我、《金都》表現女性對婚姻嘅迷惘，全部都好到位。
唱歌上近十年都唔係佢主力，但你會見到佢有進步。講真，佢有心cap水隔幾年開場演唱會一定有人賣帳，但佢遲遲未開我相信佢都對自己有要求，以佢努力又固執嘅個性，未練到一定水平唔會隨便開。

最令我佩服嘅係佢對作為港女嘅驕傲，以佢個樣返大陸一定有得撈，點霉都好賺過喺香港。但佢過去十幾年，不論香港影視點低潮法都冇就咁走咗去。（都有拍合拍片，點都要賺d錢你我都明）近幾年仲好積極幫新導演拍戲，我相信要好愛香港同港女身份嘅藝人先會咁。

利伸，過去曾經覺得佢好廢，佢出書n個錯字嗰陣都成日鬧佢。但佢用行動令我刮目相看

P.S. 做得杜狗朋友應該都唔係賣港求榮嘅人

有機會係
但Stephy 其實一直都有solo出歌
同埋佢哋咁不和
拆夥都係遲早嘅事

成熟女人味 唔係幼稚mk妹

好記得佢有出過story同人講遊行果陣要小心啲同埋唔好中暑

佢演技真係麻麻，睇金都就feel到佢好想做嗰種好冇力好無奈嘅感覺，但係就永遠同一個表情

講真話

金都做得咁差都吹奏

真女神

2R

輕輕搖都有嘅

Ching個名

係
記得佢唔知幾時訪問有講過
話自己同阿寶係完全相反嘅性格
睇得出佢應該係一個好硬頸嘅人

同埋杜汶澤之前有講過話Stephy 好有雷
大家心照

lm

死啦
連登仔開始吹奏stephy

利申：好鍾意佢

每個人都有自己嘅審美觀，我覺得中生代女演員嚟講，佢演呢個角色算唔錯。不過我同意佢有時會過度想營造壓抑嘅感覺，導致佢演嚟演去都係嗰種feel。

你有無睇到幅相？
對眼der哂條頸巢哂
使唔使俾張醫療券你買老花眼鏡？

天花板有咩問題？
唔好同我講天花板係支那字
唔係慣用字唔代表唔係正常字，唔好逼死廣東話唔該

其實接港產片（仲要係低成本嗰種）已經respect
演技仲要出乎意料地好
已經唔係偶像派

同埋最癲嘅係依家嘅佢仲正過10年前嘅佢

而家連林峯都上神枱...
stephy上好合理