其實Stephy 係咪香港偶像派嘅典範

好靚

當年一沉百踩
個個笑佢鄧走音鄧走音
搞到佢電燈膽叱吒十大都無頒俾佢
有佢唱歌嘅地方都有人留言恥笑

當年成個網絡嘅人都係有咁盡踩咁盡
stephy憑努力扭轉返個局面
好欣賞佢

支持樓主！

樣貌、形象：
講靚，佢唔係令人有心動嗰種靚女，但又好清秀、鄰家女孩feel，至少男仔覺得佢有女朋友feel，同佢相處舒服嘅兄弟，女仔又唔覺得佢姣，唔會好妒忌佢。後者好緊要，女人嗰種妒才係可以好恐怖，尤其好靚嗰啲，一定俾女人惡毒攻擊！佢出道青春可人嘅校花樣、廿中至三尾初熟、成熟樣，都恰到好處，唔會俾人細路扮大人，熟女扮細路嘅違和感。


言行：
屋邨妹入娛樂圈，因為無家底，得個靚樣，唔少係好高騖遠，盡快搵碼頭脫貧，e.g.徐淑敏（青衣邨）、文詠珊（梨木樹）、吳千語（沙角邨），Stephy至少喺呢方面知道自己位置，安份守己，冇釣金龜，冇做啲離譜嘢，已經加咗唔少分。佢信佛，令佢內心平靜都係一個重要個人修為。當然會有人笑佢I am very thank啲港式英文。笑佢嗰啲，唔知有幾多喺英語世界生活，根本喺英美澳加，英語唔係你第一語言，表達到就OK，無乜人理你文法！矽谷啲印度IT狗咁勁，英文都係成口咖哩，你叫個鬼佬講廣東話，會唔會笑人文法唔啱？

事業：
而形象方面，當傅穎要染金髮戴大眼仔走日系（後來仲上埋大陸）、Kary夾Band做實力型女，Stephy都冇刻意去迎合市場，做返自己。阿寶至金都系列嘅愛情電影真係好啱佢！身為女觀眾會睇得好舒服、好投入。留喺港拍小品電影，唔可以衝出國際做影后、唔會賺到可以成桶cash去掃豪宅，但如果連香港人都唔支持香港製作，係都要為五斗米折腰賺人仔，咁仲想人地點尊重香港電影？唱歌唔係頂級，至少拿捏好分寸。以女排身份拍排球劇，更加入型入格，佢運動都好叻呀！

同期嘅Kary, Miki結婚生仔，Teresa走晒音變晒樣北上，對手Twins又淫照又瞞婚又離婚又北上，後輩個個膠樣拋胸成身公仔，真係得返屎塔肥由始至終都咁正路！

（另一個典範，我會揀零緋嘅陳慧琳）

最左邊中間排咁似袁偉德既

Lm

“返大陸一定有得撈，點霉都好賺過喺香港”
可能有啲人覺得有錢唔賺好on9
有骨氣同on9真係一線之差

細細個既女神

跑online 第一代代言
可以話隻Game 紅有一半係因為佢

Fantasy tale 全香港三十歲以下嘅人應該無人唔識唱

當年幾多毒撚就係俾廿蚊為咗j stephy 把聲

好多00後都唔識fantasy tale😭😭

我夠成套戲追曬啦，又唔見我識
利申：90 後

真，樓主以遍概全

佢的確係一個尊重自己演藝事業同埋尊重觀眾嘅人

係，不過stephy 係靚女嘅

講到本土片
娜姐同張繼聰真係好落力推廣本土港產片
「應承我記得買飛入場睇丫！」
「支持下本土電影啦！」
「係咪真架？」
「Camman影底晒你地個樣架！」
「咪走數呀你地！」

https://youtu.be/PT6jXhph-Kg

希望佢快啲上chill club 同開演唱會!!! 好鍾意佢

唔係十分反感，但又Sell情懷，好明顯係PR post

垃圾

多謝你stephy

佢哋情侶檔真係好好睇
仲好記得 美女廚房
万刀甲撲埋出去幫佢煮
又俾晒Signal叫班兄弟唔好彈到咁盡

對比番「假架D奶！！！！！！」真係笑到仆街
https://youtu.be/cIKPbxb0psI
https://youtu.be/dK5Uu1OskkA
https://youtu.be/DxvMixJUT3g

台仔用語有 次文化流左入黎香港 ptt巴哈開親比較post就有
唔係廣東話用語黎

大家都係女團，不過鄧麗欣有童年回憶有影視加成有幾棲高質作品有假戲真做既螢幕情侶助攻咁解

Collar有兼顧過呢D野？
佢哋連低潮都未經歷過啦

想比較都要做足功課先

阿Sa可以大大聲話有比人diu
Cookies只不過係Mk妹組合
邊有得比較呢

佢fb成日 POST自己畫既畫， 都好靚

佢個樣先係最勁，愈老愈靚