咁你其實可以轉位思考下
就算行街搭車返工返學都係同樣道理,女仔行街都係買衫買化妝品,返工返學通常帶飯帶電腦帶外套之類,呢啲嘢明顯同日常用開既貴重野唔係同一類。
日常用開嘅貴重嘢,都係細細個同埋輕便,出街最緊要方便拎出黎用。而且你講話行街,女仔出街唔知要唔要買嘢,帶個袋備用好正常,無論係muji袋定你其他講嘅袋。
但係其他嘢通常都係大件同埋唔會經常拎出嚟用,係咁樣嘅分辨之下,分開兩個袋裝好正常。
用返街市個例子轉換,返工帶飯帶電腦帶外套全部放晒喺背囊度,第一帶飯會有味,電腦重,返工搭車嘅時候,拎個八達通出嚟,要將裝着電腦咁重嘅背囊拎上前面,之後開始係咁大個背囊入邊搵咁細張八達通,即刻搵到就好彩,搵唔到咪企喺度,然之後比後邊嘅人鬧囉,仲要打開背囊嘅時候有一陣飯味。但係分兩個袋,飯電腦一個袋,八達通放細袋,咁樣係咪容易啲揾同輕便?
同埋我真係唔明點解用咩袋都可以講,女仔用細袋用背囊定用muji袋都好,呢啲嘢企係對方立場諗吓就知,諗唔明點解樓主唔明
好多男仔成日有好多嘢裝或者冇嘢裝都用背囊,我都唔會覺得點解成日都用大背囊唔用下細袋同唔會覺得奇怪,鍾意用乜就用乜