是咁的 話說朋友屋企人當中有個八十幾歲嘅老人家
有一晚佢一家人喺屋企食晚飯
咁食到咁上下屋企個老人家就話有啲頭暈暈 想入房歇一歇
咁當時佢屋企人都唔為意有咩特別 咁就繼續食然後執嘢洗碗睇電視
中間仲有人走去問個老人家要唔要沖個涼先 當時佢老人家仲冇乜嘢咁話抖多陣就去 叫佢哋自己沖先
然後當晚夜少少 屋企人都沖晒涼準備各自返房瞓覺嗰陣
佢其中一個屋企人就入咗個老人家間房度諗住睇下佢點
入到去見佢以為瞓咗 但係叫極佢都冇反應
之後摸一摸佢手腳同面係凍冰冰咁 唔覺佢有呼吸同心跳
佢屋企人就即刻報警 唔駛十分鐘救護員上到嚟嗰陣就話老人家冇晒呼吸同脈搏
做咗陣CPR就話老人家已經走咗
最後冇上白車 然後警察上到嚟就叫咗架黃色車送走咗老人家同埋簡單同佢屋企人落咗份口供
成件事就係咁樣發生
老人家身體健康冇長期病患 仲識自己落街四圍去
嗰晚就突然咁喺屋企走咗
咁佢想問層單位算唔算兇宅？
轉手時需唔需要同代理交代發生過呢件事？
佢打算年尾就賣樓移民
