有時候係度諗 覺得得翻自己一個個感覺仲係好唔真實 明明四月頭個陣仲係一齊住日日見 習慣咗對方係身邊 但有啲野真係變化得自己都招架唔住
直到依家 每一日都好難捱 個人冇晒靈魂咁 行過去過既地方 見過既野 做過既野 都會好自然諗起佢 諗起之前一齊個陣畫面 個心就會好痛 雖然係自己講分手 但有冇人明當佢真係唔係身邊 搬翻屋企人度住 就覺得好空虛 好似生命中少咗一啲嘢 覺得一切都唔會再有意義 成個人冇晒感情 個人跟本同死咗冇分別
迫自己放低 迫自己過翻正常既生活 但個人真係做咩都提唔起勁 加上前排幣災 帳面就咁冇咗14萬 得翻幾萬 跟本同個廢柴冇分別 分咗手之後冇人會再俾支持我 關心我 就好似成個世界都離我而去咁 係其他人面前仲要好堅強咁扮冇事 好辛苦 日頭就笑笑口話冇事 但一到夜晚就喊到仆街 係屋企間房又唔可以大聲咁喊 連喊都要忍住忍住 真係好辛苦 錢又冇 另一伴都冇 真係做咩都唔會有意義 冇人可以真正咁傾訴 所有野都係心入面不停亂諗
唯有自己揾好多野塞爆自己時間 希望會好啲 但原來係冇用 揾咗份full time 日做十幾個鐘 做野跟本集中唔到精神 不停諗起之前同ex既生活 每晚放工翻到屋企就飲酒飲到醉晒就走去訓教 第日又起身翻工 不停咁loop 覺得自己真係好似喪屍 但我已經好努力咁企翻起身 好似個天都唔幫我咁 最近啲fd同我講見到我ex down翻tg 個心即刻un住un住咁痛 有冇人會明我 當所有野都同自己背道而馳既時候 生存真係唔會再咁有意義 屈住屈住先上連登訴苦 希望有人安慰到我同圍到爐