Viutv 女神 Shirley 直認俾尸兄 Jeremy 吸引

【沈殷怡直認被Jeremy吸引：我覺得好正，識做家務嘅男仔charm，會打理自己嘅生活，又有養貓好有愛心。」

27歲嘅Viu TV女神沈殷怡（Shirley）同「米媽」米露迪為網上節目《絲打圍爐》擔任嘉賓，同主持蝦頭（楊詩敏）、連詩雅講述「曖昧」嘅話題，互相講下自己曾經發生嘅曖昧情感。其間喺玩遊戲時，Shirley要答「圈中最為吸引你的異性朋友」，Shirley突然變咗怕醜妹：「如果有follow IG算唔算朋友？因為我好想講一個⋯⋯MIRROR嘅Jeremy（李駿傑），我覺得好正。」蝦頭問係咪大家未係朋友？Shirley：「都會打招呼，同一個地方學唱歌，就咁樣啦，冇啦。」蝦頭獻計，叫Shirley主動say hi打招呼，心心眼嘅Shirley話唔敢，然後猛用張紙遮住自己個怕醜樣，米媽就講笑，話Shirley可以同Jeremy講最近大隻咗，仲示意摸住手臂，Shirley就叫：「Jeremy唔係行呢個路線，但我仲係好愛佢。」嘩～

Shirley跟住就講欣賞Jeremy咩地方啦，「之前睇佢工作，佢好認真、又有養貓，又識做家務。」我覺得好charm嘅一個男仔，係會識得做家務，或者打理自己嘅生活，又有養貓好有愛心，呢啲各種各種⋯⋯就會好欣賞佢。」

蝦頭問假設Shirley同Jeremy一齊主持節目，佢點樣打開話匣子令Jeremy留下深刻印象？Shirley：「如果我遇到一個本身就好正嘅人，我喺佢面前，係完全唔敢出聲，我真係會好淆底，佢同我講嘢會好緊張。」咁咪冇得一齊主持？「我諗拍劇，拍劇有台詞冇咁尷尬，主持就要多互動。」蝦頭又忍唔住笑Shirley：「頭先我哋講咗成三粒幾四粒鐘，冇見過佢眼睛著火，bling bling bling咁，之前一路瞓緊教？依家即刻醒晒，係自己一個心儀、令你心動嘅男仔...」Shirley就連續講「真係、真係、真係嘅。」睇嚟Shirley真係好鍾意Jeremy；連詩雅叫佢下次見到Jeremy時要扮鎮定，Shirley係咁笑：「我一定會，我可能會跑走。」蝦頭話有樣嘢佢最叻，就係幫Shirley製造機會。

蝦頭相信Jeremy都唔會睇呢個節目，但睇唔到唔緊要，實大把人dm佢，唔知之後會發展成點呢？

得連登仔先笑尸兄大陸民工樣同下弦
事實係大把女鍾意

次次有鏡新聞你就衝出來護主, 笑狗死

兩個都咁樣衰

係襯嘅








知尸兄高條女大波
不過真心醜

尸兄唔是gay?

尸兄執到啦，仲唔去馬

佢塊面起哂角 條女講下客氣說話又當真

又唔好講溝哂
李嘉誠大把錢唔代表其他人冇錢

其實真係幾多
仲好多人冇出黎
Shirley 仲打開口牌

點計條數
你計俾我睇
我比例計算唔好
如果咁都唔叫多女
你係咪俾姜濤灣搞大左個胃口
下下要到姜b level 先叫重女

條女本身都係大陸讀書
鐘意大陸民工樣有咩問題

鐵膠巴膠都好多識做家務嘅
同埋有養寵物都係加分點? 會唔會講大左

尸兄係基既咩？

證明佢哋唔夠本土

有大把女鍾意就唔會係下弦4/5/6啦
上弦個堆就真係大把女鍾意