大家交緊幾錢年保費？

如果公立醫院，真係會等4年？咁保險公司全包，佢會做蝕本生意？此終保費又會加返

4年只係見醫生唔係做手術，保費講明唔會加，除非你年年都claim 爆，我個份每年保二千萬，相信都幾難爆

政府醫院一般唔喺危疾就排期2-3年或更長，癌症唔超過半年，即係你唔係緊急，我排割痔瘡都係要一年

專科有d 排早d,有d 排幾年都未得
同埋要睇需求

其實要睇你入面有咩
我估有一部份係有儲蓄成份個d
呢個如果額大，有機會佔成一半
但係好濕鳩既，儲唔撚到錢既
最好將呢part cut左或者襟到最低
另外幾樣就真係睇你需要

人壽，危疾，住院，意外
如果重候生我咁排，住院＞危疾＞意外＞人壽

住院好常用，你去醫院做個檢查都隨時幾萬
大手術隨時十幾廿萬

危疾就你有咩事都叫有筆錢用，醫病，休養，用來生活都得，自己用到

意外就你係不時之需，不過呢d供既錢好細

人壽舊錢就可以供大又可以供細
睇你覺得你唔係度，要留幾多比屋企人，基本就唔係你用，係屋企人用

其實都未必等咁耐
我有朋友都係有d事去醫院check
話佢有d血管塞左，其實已經到危險位
要做通波仔手術，但佢只有公司入保險
只係保好低額，佢根本無錢即刻去私家做
咁公立醫院就要佢留院觀察
等左一個星期左右就話有期即刻同佢做左通波仔
咁佢係慳左手術費，但唔一定個個都咁好彩可以咁

2年前做曬化驗報告，排期3個月做手術，痔瘡就排左一個月，政府醫院都會睇情況急唔急嘅

醫療 同 危疾 唔同概念

當有個人50歲要買危疾，咁買純保險定有儲蓄成份危疾好？通常都建議買純保險，原因係10年後應該都退休，如果揀供款年期25年嘅儲蓄危疾，咁退休後嘅保費點算？同埋，儲蓄危疾愈後生買一定愈著數，因為保費根據你一開波買危疾嘅年齡定，而且之後嗰25年供款期都唔會變，但如果你50歲先開波買，一開頭個保費已經好貴，仲要連續比25年，即係退咗休之後都要繼續俾，咁你係咪有能力供？所以50歲嘅話，通常揀純危疾俾10年算，都60歲cut 咗佢

咁點解醫保無論任何年齡都一定係純保險，但危疾就唔一定？因為危疾嘅定義係入息保障，係有數可以計可以預測，通常預三年嘅收入作為保障額，斷估萬一有病要休息嗰三年，生活開支唔會使大咗好多（當然撇除醫藥費，醫藥費應該從醫保度拎）？而且三年已經係算充裕

但醫療費用係冇得預算，冇人會知道將來有咩病，亦都冇人會預測到會使幾多醫藥費，所以先要買純保險。
如果你有留意以前有儲蓄成份嘅醫保，嗰啲醫保係有個限額，claim 完一次之後，再等入面嘅紅利滾存多啲，將來先再可以claim多啲，但純保險（自願醫保）每年可claim嘅數目都會由零計起，假設每年個plan再多claim 800萬，當今年真係claim咗800萬，下一年都可以要多claim 800萬。 如果以前係買落冇儲蓄成份嘅醫保（非自願醫保），而家個趨勢係越來越多人轉去自願醫保，有好幾間保險公司都可以做到免核保migraine 去自願醫保，但點解要migrate？
純醫療保險，無論舊嘅定新嘅，個plan嘅保費表係會每隔幾年renew 一次，因為有醫療通脹同埋風險唔同咗，所以保費每次renew都會增加，但係由於新嘅plan越來越多人用，新plan嘅insurance pool越來越多資金 多過舊嘅，越多人用代表嗰個plan對於保險公司嘅風險低啲，所以可以預計，未來renew保費嘅話，新plan保費上升嘅幅度係會低過舊plan，所以長遠來講新plan（自願醫保）化算啲。
講多個point，舊嘅純醫保係段case計可索償嘅金額，但係自願醫保係以年度計，即係話，同一個傷病喺新一年續保後仍然可以就同一傷病索償，呢個point我會覺得係最緊要！

段case -> 段傷病 *

Omicron 冇得claim其實唔關保險公司事，因為私家醫院唔收Omicorn患者，但入公立醫院嘅話，醫院又唔收費，所以唔存在claim唔claim到嘅問題

有冇ching 供緊bowtie自願醫保靈活plan

政府醫院有私家病房做手術及治療，收費同出面私家醫院差唔多，手術同技術比私家醫院穩陣得多，當年我都提出轉去私家病房做手術，QE話QM先有呢種手術

26歲無車無樓
25k一年

Claim哂？

自願醫保+門診 $750
人壽 $160

如果你聽日死咗你屋企人係咪唔洗開飯，如果你傷殘做唔到嘢係咪準備下半世去跳樓

做咩呢排好似呢多保險Po？

2萬鬆d

政府醫院就好得意嘅一係突然危險期一係就佛系突然有位 不過心血管果啲真係有保險點都著數啲

呢個就係心戰方式令你恐懼，繼而接受佢呢套理論，呢啲就係其中多用嘅殺手鐧

上年整斷隻手指，入院做手術訓兩晚，出院十萬未計之後覆診

9000

公立醫院最大問題係等檢查等得耐
Check到有事就相對係快嘅（如果等得切）