大家交緊幾錢年保費？

首先，買有儲蓄成份嘅危疾嘅目的係乜？係咪為賺錢追通脹？話明買危疾，目的係為保障，幾十年後可以連本帶利攞返嘅surrender value 係bonus，唔好同我講點解啲bonus 點解追唔到通脹，危疾嘅目的再講多次，係為保障，唔係為賺錢，ok？

其次，有儲蓄成份嘅危疾適合後生人士買，因為可以供斷，同埋保費拎得返，保障仲要係終身，同埋多重保障（cancer 你覺得搞一兩年就斷尾？sorry 你太天真，至少預5年，過咗3年等候期又可以claim多次）但唔好處係後生時嘅保費貴，咁點解仲要買？頭先講過，可以供斷，同埋level premium，即係話，喺供款期內，保費唔會隨著年齡上升而加保費，今日你覺得貴，但10年20年後你會覺得平，但買純危疾嘅人，到20年後就會感受到保貴有幾貴，係會貴過買儲蓄成份危疾，仲要保費拎唔返。所以，除非你今日真係窮到畀唔起儲蓄危疾嘅保費，咁我會suggest 買住幾年純危疾，到你人工加咗多咗閒錢就轉買儲蓄危疾，如果今日有能力嘅後生，我都一律建議買有儲蓄成份嘅危疾

再者，退一萬步咁講，就算份有儲蓄成份嘅危疾嘅紅利係冇，什至蝕緊，都唔會影響你買嘅保額，有咩事要賠都係賠你買嘅保額

https://www.10life.com/blog/AIA-Multiple-Critical-Illness-Insurance-Comparison-New-vs-Old?locale=zh-TW
唔太清楚414 plan嘅detail，淨係知啲plan屬於咩類別
利申：M記agent

同佢地講又話中招等死又話要立wills 又話你唔識又話你蠢
思想仲停留係上世紀 覺得保險呃人,買完claims唔到
一樣米養百樣野,行行都有閪人, 但呢個原因唔代表部份人否定保險用途
以前資訊唔發達 好多人讀書唔多 比人呃冇辦法
但今時今日年輕一代讀書多左 上網大把資訊你睇,思想仲係以前咁
我真係唔明

巴打 另外想問埋 如果一般整親 扭親 睇門診 自願醫保有無得claim? 我老母果d成日都話要入醫院做body check先claim到

屌你老母 保險狗

自願醫保應該泛指住院類?
一般整親 扭親 睇門診佢應該安排唔到你入院 所以先叫你做body check 搵個理由安排你屋企人入院

如果你唔想入院又想claim ,應該買意外醫療

如果想睇專科有得claim 應該邊隻？
例如皮膚科 骨科呢一類 會唔會有？

求介紹

佢靜雞雞留咗個負評就走咗

你要分清楚醫療保險類別先
住院 一般指入院後所需要洗費(無論受傷定其他疾病問題), 記得係醫生覺得/認為你有需要先claim 到,你冇啦啦衝入去話要住院人地唔會理你所以好多醫生會問你有冇保險就係咁解, 都係個句 搵食姐

你屋企人情況一般整親 扭親,唔需要入院,唔通消下毒洗下傷口又叫你入院咩比你屌爆佢啦
好似我咁,意外整親隻腳,出院後做物理治療咪claim 意外醫療(住院保險都有術後治療費呢個item,但一般黎講好撚小)
你睇得骨科係整親定生骨刺痛先,2樣野黎,前者可以意外醫療,後者入院把啦
皮膚科比較尷尬,要睇下嚴重到咩度,勁既咪入院等佢安排你檢查下
睇下濕疹暗瘡 有機會一般類保險(即係你公司同你買個d,比張醫療卡$28睇醫生傷風),有機會claim到,當然要睇返你保單條款
利申:非保險agent非醫生, 有錯請指証

同埋好多私家專科醫生係不同醫院都掛牌,如果有需要佢會安排你一條龍入院做手術/檢查,咁咪claim到囉

嘅然唔為賺錢就更要只買純保險
儲蓄成份保險特點係兩頭唔到岸
你同agent 講儲蓄回報唔得,佢就同你講有保障,到你同佢講保障唔夠,佢就同你講有儲蓄回報
儲蓄成份保係可以斷供,不過會冇左一截

以人壽為例,正常係計下你剩下工作壽命剩收入discounted by present value 留比屋企人
所以年輕更要大保障

年紀大都仲要靠份二十年前儲蓄成份保真係死得
今日個保額可能夠睇五年cancer,二十年後用來割盲腸都未必得


有錢嘅更唔會買保險,你有冇聽過李家誠走去買保險?佢賣保險就有

我就輕輕鬆鬆揸住千幾萬人壽cover d mortgage同幾百萬cancer純保險, 如果有儲蓄成份就變成我幫個agent供佢份mortgage
一直想買醫療或者CEO純保險但太忙冇時間搞,另一原因係d agent 見冇肉食都唔想做

Anyway, 呢d保險到65歲退休就cut 左佢, 望下個table 都知供到99根本唔現實
過左65歲有病仲要靠份保險打救即係本身都唔掂,唔掂又邊有能力退休後keep到份保險？

我有買保險,不過冇儲蓄成份

就係唔了解先俾人昆到6皮

再講多少少,你有冇見過General Insurance product有儲蓄成份？
除左車保火險旅遊保呢d,買GI多數係公司,嘅然有儲蓄成份咁好, d公司咁醒,有儲蓄成份應該好受歡迎

當邊個中咗cancer可以同政府醫生要求寫出証明去有關部門社工申請傷殘津貼及交通津貼，另外每種鏢靶都有機會申請資助，唔係aa 成日吹政府醫院會安排會等死人，有時間去下幾間醫院嘅腫瘤科睇吓每日幾多人接受治療，呢啲又係保險aa 唔會講比你知嘅事實

首先，儲蓄人壽（儲蓄保）& 有儲蓄成份嘅危疾 唔係同一類，前者係追求穩穩陣障無風險嘅資金增長（回報），後者係追求保障，搞清楚要討論咩先

如果你嫌儲蓄保回報低，其實每種增值工具嘅風險同回報都係positively related，唔適宜用儲蓄同買股票基金嘅回報直接比較

有儲蓄成份嘅危疾，重點在於多重保障、保終身、可供斷同埋level premium，保費最後可以連本帶利拎得返係bonus。

有一個point你講得冇錯，年紀大都仲要靠瞓20年前供落儲蓄成份保係真係死得，但冇人話今日買完保險就一勞永逸、等於以後都唔使買，任何人都係，每年都要review自己嘅portfolio，計一計有冇需要加大保障，可能係因為通脹，或者因為生咗小朋友多咗家庭責任而要加保額，而你講嘅呢個問題，就算買純保險或者買有儲蓄成份嘅保險都會出現，所以就算你買兩者嘅其中一種，都有機會喺之後加大保障額。如果係呢個情況下，後生嘅人我會建議買有儲蓄成份嘅保險，原因係我哋除咗要考慮今日嘅保費係咪負擔到，仲要考慮埋10年後20年後嘅保費係咪仲負擔到，純保險嘅保費隨着年紀上升就會，中年嘅保費貴到嚇死人，而就嚟退休嘅人或者年紀大嘅人我會建議買純保險，因為比較容易負擔，又可以得到保障

至於醫保就一定係買純保險，因為而家一定係買自願醫保。至於應唔應該喺65歲後cut，的確好睇你負擔能力，如果你退休嘅時候資金充裕，咁梗係繼續買啦。好喇，咁如果想keep住份保險，但驚退休後冇錢供醫保咁點算？所以就會有「醫療融資」嘅概念，簡單講，即係趁後生嘅時候，就準備定退休後嘅醫療保費。不過講到最尾，都係好是乎你對醫療質素嘅追求，如果覺得退休後喺公立醫病冇乜所謂，咁咪cut咗佢囉

李嘉誠幾百億身家，唔買好正常，但我哋唔係，所以咪要買

講多句，你話啲Agent因為賣醫保冇肉食所以唔想做你生意，如果佢哋咁諗係佢哋戇鳩，你每年續保都有佣收喎，同埋唔會短期內cut，有被動收入點會唔做，畀着我做一定做

將幾拾年嘅現金流比佢，保險公司就成楝大樓、經紀就豬籠入水，有事就同你講條款，無事就貢獻，呢啲就係心戰方法去令人恐懼

以為免費，日後保費不斷加，佢唔會做蝕本生意

聰明人

買純保險嘅原因主要有兩個，第一保費平啲，第二睇嚟需要呢個仔障嘅period有幾耐
首先，GI嘅保費會唔會隨着年齡上升而增加？
其次，車保係跟車唔係跟人，架車嘅壽命有幾耐？係咪真係需要有儲蓄成份？
再者，旅遊保係一次性，同埋period短，有冇人去旅行去兩年三年十年？如果真係有，嗰啲就唔係叫旅行，係應該要買當地嘅醫療保險