原來因為南極冰層溶化
皇帝企鵝可能喺30-40年後就會絕種
知你哋班仆街淨係會諗到閃電11人
所以我決定用佢哋可愛嘅樣子俘虜你哋
嘗試等你哋同我一樣愛上佢哋
—————————————————————————————
皇帝企鵝多數會喺每年五月交配，六月生蛋。
因為生蛋好攰，所以老母生蛋後就會從此拋夫棄子，入大海搵嘢食補充體能，然後下年再勾第二條佬。
所以孵蛋嘅重任就交咗喺老竇身上，老豆會將隻蛋擺喺腳底，然後直接睡死兩個月，以燃燒脂肪孵蛋。
最後喺八月嘅時候，一隻BB皇帝企鵝就會喺老竇隻腳下被孵化出生。
初生皇帝企鵝羽毛係灰色的
由於需要面對寒冬，佢哋一出世就已經好肥！
佢哋真係好似保齡球樽
（仆街都可愛過人！）
初生皇帝企鵝頭一兩個月會黐住自己老竇，等老竇餵佢食嘢同取暖
至於啲老竇點樣餵雛鳥食嘢呢…
做左兩個月裙腳仔後，十月至十一月時，所有雛鳥就會遠離老豆，群體生活圍爐取暖。
最後去到12月時，呢一班群體生活咗兩個月嘅Roommate 就會開始生毛
而最終成為佢哋老竇嘅樣子
呢班皇帝企鵝五年之後就會開始交配，繼續遵守佢哋嘅生命循環。
—————————————————————————————
或者大家會not this 我，但我想講嘅重點係，佢哋真係好可愛㗎
尤其是係睇住幾十個肉感滿滿嘅保齡球樽喺冰上一仆一碌咁行路，睇幾多次都係咁舒緩心靈㗎！
https://youtu.be/q3uXXh1sHcI
https://youtu.be/Tcx6YyXvvRI
所以趁佢地仲喺度嘅時候，大家不如多啲關注下皇帝企鵝啦！
完！
有錯勿屌
