其實打到尾一段時間但一路無時間搞
簡單講下觀感算
系統︰7/10
好唔好見仁見智，最少今次佢地肯去大執個UI同關卡模式
完全自由選關有好有唔好，好處係自由度大、淨想衝主線/唔想玩某d作品關卡的可以跳
但就造成故事發展的嚴重割裂感，一時響地球一時就去左太陽系外的關
當然要改的係可以改善，就睇佢地做唔做
畫面/音樂︰6/10
BGM同SFX無咩意見，但仍然少歌揀
畫面就係近年一貫野，有得偷懶就偷懶，但今次都姑且有唔少係要新畫，尤其FGGG同合體進化人無動畫參照之下都畫得唔錯
而且各機亦有唔同的進場/待機動畫，唔係好似以前咁係咪都站樁，呢樣野可以好評
難度︰6/10
有關刷比人屌，但純粹地只係打左一兩關就無再掂d戰線，而且只要有升艦的話角色level會升得幾快
主艦升唔升、升成點亦會直接影響難度，如果完全唔改應該會好難，但我特登無改指揮範圍回HPEN的改造，因為實在太霸道
變相無左全機體多一格強化parts基本上機體淨全五改係可以玩到大部份關卡(一般模式)，但DLC就真係要十改埋武器先至夠力，不過關卡不少都比較單調，基本上都是全滅為主，又沒有SR的需要所以慢慢打都得
至於再高難度的暫時未試住，但聽講已經足以令人叫救命，等你班難度廚食下屎
劇情︰5/10
好早開始已經要睇住的地方，而今次我亦都實踐之前講法，比盡佢都唔會高過合格分
原創主線其實係有趣的，最少唔會比T差，性質上同V的有少少似但都有自己寫法
就算係悟空個twist尾段有d平淡都叫做圍得到
當然最重要係睇組長比錢寺田比佢溝早見
阿妹那邊未打唔知但係非DLC結局係個open end真係想屌，到免費DLC的結局中間的劇情要付費先睇到都要屌
而且個真ending的內容量簡直係hea到一個點
至於各DLC都有自己的追加劇情關，而我一個都無下載所以唔評價，睇反應似乎最少無搞衰先
而本篇劇情就參差不齊
因為可以自由選關的關係，變了不同作品之間的交流深度比之前的少了
明明可以因為玩關卡的先後而調整關卡內的增援、對話等內容，點解唔執埋關外各作品之間的交流情況？
要講的話今次的crossover水平可能有x-omega那個水平而已，很多關都是自說自話
勇者警察同其他人的交流同成長機會比想像少了很多，真三一直頭早段就收哂皮
Gridman世界同其他世界的關係係乜又好少交代
而魔法騎士同騎士魔法都屬同一個異世界，是有交流但看不到真的很深入有點可惜
唯一處理得比較好的可能就係UC相關，馬沙全程罪人擔當係以往比較少接觸的方向、而且算寫得不錯，鳳凰的劇情也最少變得能看
至於要屌柒名倉的自然係霸界王
本來突擊參戰係好值得慶祝的一件事，但係新舊勇者軍團都斬哂變相難勇者警察成長的機會都抹走埋
有d人話因為漫畫都未畫齊新生勇者軍團(同埋新合體)所以出唔到，咁環保地用T的素材出舊勇者都可以吧？
舊勇者都用唔到個理由的邏輯直頭係死左，Goldy係成堆超AI入面最傻的一個黎，結果大家的AI都熄哂防止000污染但佢可以無事同凱走到出黎？
尤其係進化人、護同戒道之後有淨解000的能力，都無人打算開番佢地機
打霸界J時的壓力仲輕鬆過初戰GGGG，明明佢拎住Crusher準備打落黎但關卡可以無限時
當然最抵屌係個結局，進化人會同凱戰鬥的原因改到一塌糊塗，開頭有人話可能係等DLC時解左佢，結果都係無
淨係呢點我直頭可以再拉低個劇情分
只係念在其他作品上的處理無X時咁低能、同埋無好似T咁爛尾所以咁就算
總結6/10
30作為周年紀念作，肯去改唔少野都算係一件好事，但整體都真係好難講得上滿意，睇下人地ToAr最少放響全系列計都算紮實
不過肯定係無d連玩都無玩過的hater們講到咁差
