老婆唔同意俾個仔去上N班

絲打，講得太好！呢條喜洋洋成日好自豪自己係教育心理學家，又睇低啲幼稚園老師同家長，但係自己又做過幼稚園老師 好心佢唔好影衰教育心理學同幼兒教育啦

個小朋友唔掂，讀乜班咩學校都係唔掂

有好多讀讀下先俾老師check到有事，但老母唔接受

咁個小朋友咁細個
鬼知佢掂唔掂咩
係要課下金掉下錢落海先
N只係開始
之前學呢學路先係野
我女都畫下畫 打欖球 學英文同音樂班
依家咁樣真係好基本

我都係做教育界
真係好多家長唔接受
中度智障都話要讀主流學校…

Ching 你而家都做緊幼師？諗住做到幾多年

一定要讀 早d 比小朋友同其他小朋友相處下
又有教材睇 放學同佢玩都多d 話題 睇下學校書 講下今日做過d 咩之類
唔好慳呢筆 好明顯感受到有分別

如果比得起點解唔上？

你係咪專業過人地？人地年年對咁多小朋友又起碼學過下理論，問下你幾歲正常發展成點你都答唔到

你屋企有無咁多小朋友比佢學？學習係靠睇，再自己思考，你可唔可以無時無刻教佢野先？有幾多個人講故事每星可以講兩個鐘？

你個仔係咪特別醒或者勤力？你憑咩覺得人地學多佢一年會比你個仔追上？同埋能力高自信心都會高，由細到大差過人自信心點建立？又係靠你？你掂就唔使上黎問啦

如果唔上的原因係負擔唔到果幾千蚊咁無計，但第日佢身邊的同學大多都係負擔唔到果幾千蚊的同學同家庭，你有無試過有野響朋友身上學到？你讀左佢條路好左，朋友都好左，起碼會讀的家庭都一定關心仔女，願意付出金錢。識人好過讀字呀香港

唔讀只有一個原因，就係真係差果幾千蚊，問心果句比你揀你細個讀九龍塘或者港島N班名校而家條路會唔會好左？

成日話後天追追追，你睇下而家的中學生有幾多個講得好英文？去下睇下名幼稚園高班先，再睇下名校幼稚園有幾多個係讀過N班

再懶D就去youtube睇下人地in n班拍的片再望下自己個仔

讀啦
獨生子冇朋友俾佢快d接觸下同齡小朋友
學下點同人玩
依家疫情關係已經少出街成日驚佢唔識同人相處
學校又會有教佢畫下畫做下勞作咁
自己睇到佢d功課都幾開心
仲有唱下歌跳下舞咁都幾多活動
總好過日日留佢喺屋企自己玩咁悶
有好多野都唔係工人教到嘅
而且早d學定冇壞
遲d幼稚園面試佢乜都唔識你就知大鑊

D錢唔駛係小朋友到儲黎做咩

只會害咗個小朋友

有醫生follow up
醫生叫我慢慢黎，話計矯正，進度要扣返2個月
但N班面試唔會理你咩叫矯正年齡

N班返去玩
上唔上都得

咁細個叫佢去學乜學柒都on撚9既
冇腦唔識教既就咪撚生啦 害死自己個件

依家無雙飛同你爭，又有學卷註冊，基本上有眼耳口鼻都唔會無幼稚園讀。
如果真係面試唔掂，應該早啲去排特殊幼兒教育E/S位。

N班 = 托兒所

你呢個問題就好似讀大學去唔去做intern 咁
冇話一定要做嘅，但係做咗之後佢會易請你啲
幼稚園一樣，出名個啲要N讀完升一定易過你K 考入去
除非你諗住讀屋邨小學或者夠廿分讀父母學校，如果唔係K2 點train interview skills 唔同學校教都有十分之大差別

反正都係每日上個半鐘，實平過你報興趣班先啦
呢個年紀係唱歌跳跳下排隊去廁所㗎喇，咪當用錢買你個半鐘頭自由時間囉

真係發展遲緩，就算讀唔讀 N 班，都會發展遲緩，根本係倒果為因

個小朋友悶咪上
冇乜特別問題唔上都得
我小朋友兩歲都未識講嘢同怕生保（自閉症）
所以果時有上

有得讀等於任揀學校咩
面試好d有得揀好學校／全日班／上午班
好學校面試可以幾百個細路爭
實有得讀嘅
冇咁多選擇啫
寸到你面試差就要讀特殊學校
你有經驗？

我個小朋友都係一入n班頭幾日
就比個社工話佢有問題 叫我填表排i 位
我小朋友由9個月已經上playgroup
又真係啱啱好個小朋友一k1就有政府支援
有時都覺得好彩有上

當興趣班，咁點解唔直接報興趣班培養技能
一樣識到家長交流

有冇諗過係佢大個咗先「醒」咗
唔關上咩班事

慘痛經驗 x 2

老老實實，讀N班倒不如多啲親子時間，
父母俾多啲愛，陪佢多啲攬多啲佢好過。

連燈仔有九成都仲攬緊口水堅食撚緊奶，你問呢啲問題想班柒仔點答你？