老婆唔同意俾個仔去上N班

我以為上得連登既家長
將來都會打算帶埋小朋友去外國
唔係仲比個仔係香港讀中學啊？
點辛苦都去其他地方讀啦

真 好需要刺激吓佢
6歲大腦神經係最密集 要學趁早

唔係提早 係做好準備
用番你個例子 係4+4 // 5+5

還記得大女上N 班個MISS超正

其實支那 學前都不執筆

蒙特係香港俾吹大左
本身香港已經夠做

讀過n班嘅 入你想讀嘅幼稚園嘅機會會大咗
因為啲幼稚園都係會想收啲讀過n班嘅

重點唔係去唔去n班學 本身父母教到既都要教
禮貌 講野 呢啲最基本 叻既話咪教多啲 未ready咪俾啲時間陪佢

點教你自己仔女係你既事
但結果就係
唔教既 你兩歲仔出街 冇禮貌唔識講野之類 冇乜家教咁
相反其他同齡小朋友就好乖好醒目咁囉

見有啲歲幾既bb出出入入識同屋苑啲看更講hello叔叔 唔該曬 呢啲 tum到個個都好開心多人錫 有咩唔好

本身做緊幼稚園老師 好老實同你講讀N班嘅BB語言 社交同認知能力係會比同齡嘅小朋友發展得快啲 上到K1各方面嘅表現都好啲。不過，都好睇小朋友本身嘅發展階段 因為個個小朋友都唔到 有人快啲有人慢啲。

冇
唔係沒

一定上

行申：讀緊，識左好多朋友同靚女老師

阿仔上左半年N 班，實際得頭三個月係實體上，果三個月真係進步好快

睇情況 我兩歲因為唔識講嘢俾人送去N班
我唔記得學過啲乜其實就
淨係記得個老師要我自我介紹
跟住一堆人圍住我勁happy
交咁多學費乜都唔記得冇必要
同埋心理學唔係話1歲幾係build up安全感嘅時間咩
嚟個時候應該多陪個仔啦 送乜去N班

首先我覺得你哋兩公婆要諗好成個管教模式
同佢未來發展個方向係想點

係想佢開開心心 冇壓力 唔會強求佢讀書成績
總之佢開心就得架啦
就算入咩幼稚園 小學 中學 都冇所謂
同埋冇時間幫佢搞嘅
咁未唔好讀N

如果你哋話 都對佢有啲要求嘅
就算讀書唔叻 但都起碼照顧到下自己
咁未試下N

講真一句
現加疫情關係 小朋友真係少接觸到外界
不論係遊戲設施又好 朋輩又好 社區都好
呢2年嘅小朋友真係弱左好多

因為多左好多時間係屋企 無無聊聊過一日
其實現加開始復課 有得返學 而你屋企又負擔到嘅
真係返N係好事黎

其實小朋友有冇返過N班
好易睇得出 啲脾氣 聽指令能力 自理能力 相處技巧 甚至係說話能力
有讀過係明顯會好好多

就算你話我返開playground 都好
但playground係一個有屋企人陪同嘅地方
佢會知道 呢到係有屋企人 係安全
有啲野都可以依賴下屋企人

但當你推佢返N後
其實佢就要獨自面對老師同學
聽落好殘忍咁 但其實肯放手 佢哋係做得到
係學校入面 老師會落不同指令
坐好 跟住行 排隊 望住老師 甚至做下圖工 講故事等
你會唔會係屋企長時間咁樣對佢落指令
就算佢唔跟做 你哋又會唔會堅持 唔心軟
係學校佢唔跟指令時就會有人再教佢鼓勵佢
同埋佢見到大隊咁做時 都會識得跟隊

但係屋企就冇咗一啲同輩學習對象
同埋佢對開你哋 試過曬唔聽話個後果

而開頭講未來個教養方式係
到你讀到k2時 你就要決定小學
有啲進取啲 k2下學期已經in緊小學
到k3先諗咩小學就會好遲

唔係鼓勵大家做怪獸家長
推到個仔去啲最top 最top名校
只係想你哋諗清楚想佢條路點樣走
見過好多家長 k2時話冇所謂 唔谷個仔 開開心心就得
到k3時先話想入d谷嘅學校
大抽獎唔中 最後派間區內最垃圾學校
就日日放學等你問點算
話日日請曬假去面試 返到屋企 四大長老係咁煩

雖然聽落
下 現加1歲半就諗到佢6歲時 好痴線啫
其實都係架 但香港個教育制度係咁痴線
又要計校網 又要計分 又要諗填表排位
但你哋2個傾好咗就唔洗咁多野煩

現職都過7年幼師同為人老豆
都見過唔同家長同朋友諗讀唔讀N
我都答 你負擔到就一定讀
如果負擔唔到 每月好手緊就唔好讀
但你自己假日抽多d時間陪下你個仔 唔好放養佢
講下故事 比d小任務佢做 行下公園
就算搭下地鐵巴士都介紹多啲

你話日日吽喺屋企對住個工人
返學就早啲學到常規、社交技巧，
你話邊樣好？
有上N班搵幼稚園都易啲啦
一個仔有上n班一個冇
畀你係老師都會揀個上個n班，常規都易執啲

因為貴唔上N班
第日你個仔想學啲運動/樂器
又因為貴就乜都唔畀佢學？

拜托你千祈唔好生仔
唔好害咗啲小朋友

如果一zoom就慘啲 白交學費
不過你地主要邊個湊呀
如果自己湊就唔洗上喇 因為都係玩為主
有啲呀媽prefer啲仔對住老師多過對住工人姐姐或者老人家（因為會縱啲孫）
咁無疑係學校一定學到多啲野既
例如拍櫈 自己拉高衫袖洗手呢啲習慣
不過有時見佢地喊到死下死下都幾可憐 睇你捨唔捨得佢喊個時期希望幫到你

男仔講野係普遍慢啲 加上疫情又無出街
唯有你地同佢講多啲 遲啲勁多野講你會覺得好煩嫁

去多啲街可以多啲生活體驗 沙灘呀
而家疫情緩和左啲 襯而家去多啲街

我又唔覺得番n班等如怪獸既
可以揀happy school嫁嘛 （雖然好多都谷sad but true）
小朋友啲相處都好搞笑嫁 佢可能會番去係咁提同學仔啲名叫你video call佢
不過有時覺得自己做到小朋友第一位識既老師覺得好威
你地再考慮下呀

如果平時都係工人睇，無大人照顧咁就一定讀n班好過唔讀了
你諗下屋企個工人平時最多同你個仔講下英文單字同玩玩具，咪又係坐喺屋企on居居咁

讀n班起碼有人刺激到佢講野、自理
你要free嘅其實有好多n班課程都好free
就算淨係玩玩具，學校啲玩具都多過你屋企了

除非你屋企係有大人陪佢，train到佢講野同自理，咁可能真係唔上n班都可以

因為貴？除非你冇錢食飯啦