李家超昨日（6號）造勢大會「我和我們」嘅大字口號令人費解，亦都被外界廣泛質疑語文水平。「李家超競選辦公室」半夜近一點喺社交平台趕急出聲明辯解，指佢哋因為想表達「無分你我」嘅意思，先將「We and Us」譯做「我和我們」，文末又警告讀者「只堅持自己的想法，容不下別人的意見，社會的矛盾衝突必然很多」。
李家超競選辦公室喺呢則競選廣告話，團隊其實都曾經多番討論呢個翻譯問題，但認為傳意更加重要，所以不應直譯。佢哋已經諗到「We and Us 」用中文唔適宜譯做「我們和我們」，又指出「中文『我們』嘅主詞和受詞是一樣，英文主詞和受詞不同」，而想表達嘅係一種大家一起，無分你我嘅意思。
佢哋又話，「雖有不同的看法，但可尊重彼此的差異，這才是多元的社會。只堅持自己的想法，容不下別人的意見，社會的矛盾衝突必然很多」。
#李家超 #特首選舉 #香港特首 #我和我們 #weandus #中文水平 #香港英文 #廣東話 #港語學
source:https://gongjyuhok.hk/articles/11107
