P牌/雪藏牌/學牌 新手上路駕駛討論區 (1) 歡迎老手教路經驗/潛規則

其實好多人新手乜都唔識
出部車膽粗粗就揸出街
並非有心成為公路炸彈
而係求助無門

例如連登有部份人見到P牌就直接話人公路炸彈
唔好揸出街
為降低入門門檻,
所以開個圍爐區等有解答意欲嘅前輩解答/互相討論下/發表下心德
等之後新人可以有source快速入門
唔洗搵黎搵去

我自己講個先,利申考到牌後半年左右出左部一手車
而家行左~2千km(唔知算多定少)
算係遇到一啲新手(我)有機會遇到嘅野
由於身邊冇人有車,
所以我自己理解到嘅野有機會唔正確
請前輩門指導下

練車:
應該最多新手驚嘅項目--實戰
會由5w1h黎講解自己親身經歷
why:
點解要練車?
因為揸車算係肌肉訓練,
同踩單車一樣,
學識就一世,
就算廿年冇揸,
之後都只需要訓練一陣train返個感覺就得

what:
練咩車,
我自己建議係買/租新車練,
因為新車多左好多舊車冇嘅系統
例如冇打燈過線會震軚盤
定距離巡航mode之類
可以令你入門駕駛更加輕鬆

who:
自己一個練就好
如果隔離有人坐係到,
或者你會覺得有人磅住
但總有一日要一人揸車
到時又要輕歷一次獨自鴐駛
仲可以唔洗膽心比人笑柒,專心駕駛

when:
城市路/公路建議一開始可以係夜晚9點後或朝早7點前
因為相對少車會易d cut線
山路唔建議太夜去,
好似好多車手

where:
揸公路會輕鬆好多
城市路段多cut線位
如果住九龍可以選擇去大埔/上水/屯門其中一個位
住新界就相反
住港島就繞島行慳錢
等閒可以去下山路
咁就可以行到公路加城市加山路
最好選擇d位係停到有廁所
到站停低休息下再回程

how:
導守交通規則
P牌公路冇信心就行返70就好
有信心就跟牌行,
大膽d行牌+10都得
我自己認為唔需要靠左行
如果中線唔洗cut就出到就行中線
車手要過你就佢自己去快線過
當然條路行100就都係靠返左好d

城市就行40算數
唔好行太快
因為基本上交通意外好多時候都係因為唔熟路亂cut線

要注意係路上面有時候會有車手係後面推你(跟勁貼)
甚至響胺閃燈
如果知佢係嫌你慢
你絕對唔好對佢有反應
你揸好自己就夠
佢地要過你會自己cut線過
隔離山路post條路行50要p牌行70+就返佢地平時速度
要記住你超速炒左/比人抄牌係要加P半年
安全駕駛,由其係唔熟路,係最重要

想問下有冇咩地方夜晚去有d野睇下
想練車但冇目的地
又唔想on99咁無目的地行

叫Ｐ牌租車揸你係咪戇鳩

昂船州橋 深井 大埔龍尾
夜晚行下呢啲 又冇大車搞你
大膽啲咪日頭走轉旺角
包你練到野

買到一定買,
買唔到咪租,
租唔到就借
但新車有輔助功能一定易揸過舊車有皮氣

再唔係你建議下有咩選擇都好

試過日頭行ssp
青山道轉欽州街再入福榮街,
唔敢隊個頭就永遠唔洗cut
入旺角我驚永遠都入錯線出唔到去

之前搵過有,
不過唔post廢事話賣廣告
基本上要比非P放多d按金同貴少少租
但唔會冇先

呢個位真係好難cut
真係要慢慢伸個頭出去先有人肯讓你行
特別係繁忙時間
不過鬧市先練到意識
新牌仔最緊要多啲禮貌
人地讓你打番死火燈
不過如果夜晚遊車河mode
又冇車又行高速唔係太練到野
不過揸多啲操熟下部車
夜晚揸出去都係一個好好嘅機會

其實我都係單純建議用新車練姐
我自己係直接出左部新車練
舊車問題係冇輔助程式/硬件老化上面
如果筆直有限,自覺唔洗輔助,
咁新舊車完全唔係問題
單純係有個alternative solution
唔洗下下都建議都係1雞出部AE110撞到total lose都唔心痛
我覺得練車係為左唔好撞而唔係放心撞

打死火燈回禮又係d想整合嘅潛規則
到底要閃幾多下先夠
呢d學車未必會同你講
同埋新手玩死火燈分分鐘行到過隔離線都有
所以我覺得有時唔好搞咁多野好過

負擔到有需要就索性買架車
自己得閒揀d少人d嘅時間路段練下練下就識架啦
唔熟路 去之前溫下google map
唔熟車 咪問d熟車嘅朋友/交d學費比車房/上網睇多啲

老實講負擔唔到/冇需要又特登搵架車租下都幾無謂
雖然可能係興趣

出架平平地買一年燕梳牌費都唔係好難
租車條數都喺番到
自己想出車 去邊就去邊
唔好撞到其他野/人就ok

Btw真係咁擔心
上網睇多d車cam 炒車片 奇聞片
一定學到野

講起上網睇片,
其實班狗係youtube有講點樣用迴旋處
真係驚唔敢行迴旋處
佢地個教學理應係要最安全地使用

揸公路練車不如你係屋企玩模擬器好過
一條又闊又直嘅路可以練到啲咩技巧
日頭行下青山公路大埔公路好過啦

單獨叫個新手練你係咪玩鳩佢
通常新手揸車都好驚青
搵個有牌嘅朋友個心都定啲
搵唔到就算一個無牌嘅人坐係隔離都好過獨自揸

公路行中線又係老點人
揸車唔係剩係技巧，睇牌都好重要
除超越前車外靠左駛
P牌揸70就乖乖地行慢線，你行中線更加頂死啲大車爬頭
加多個快線撚就Block 晒後面啲車

仲有一樣
新牌仔頭幾次就日頭揸
夜晚揸認路又難
啲高燈撚又令你眼攰
陰暗環境更加難判斷距離
隔離啲車揸得快你仲會怯

樓主揸咩車

你睇多d炒車片就知點安全架喇
外圈撚又有 道理撚又有
盡量唔好同人平排過迴旋處
要出就打定燈 miss左咪轉多個圈

留名支持

租車點會無謂轉下車款又得，又唔使養車買部錢七又唔會日日揸，得閒租幾日過下手癮仲好同埋你知道係租緊人地架車自然會更小心唔會亂咁黎

新車唔夠一個月就刮花隻門
原廠整咗唔少錢 之後就學識要偷位轉窄灣

點解一定要揸