一條片睇清楚點解壽司郎成日同客嘈

兩皮好多咩？要去到做狗呢個程度？

就黎加到3萬起薪
愈無人做就愈加

舊鋪都好多人等 不過個時得一間分店

機械式管理-保持水準-保持客源-有錢加人工-員工有錢收更加接受。因為係好好既循環但加人工呢一環有啲懷疑

根本係因為多人幫襯
所以咪多啲機會俾人投訴

你對service嘅認知好狹窄，食肆service唔係一定只有高級餐廳嗰套，快餐店都有快餐店嘅service

日本人對服務嘅理解好初階，以為笑淫淫講多謝唔該就係好服務。亞洲人普遍都有呢種錯誤觀念，冇事冇幹就唔覺有咩問題，但一kick住就唔識變通處理。呢樣同亞洲嘅top down管理模式有關，上司唔信下屬，下面班伙記自然唔敢揸主意。遇到個客有任何乜不滿，前線就淨係識得卸番俾cs，本來可以喺前線解決嘅小問題，結果就煲到變正式投訴。越怕投訴，其實就只會越多投訴。唔識處理問題，根本唔可以算係服務

香港飲食業唔易做㗎，喺日本點巴閉都好，去到外國仲默守成規，除咗執笠唔會有第個結果。近半世紀數唔出咁多過江龍飲食王國進軍香港，當中比壽司郎經驗更豐富資本更雄厚歷史更悠久嘅公司大大話話三幾十間，其中捱得超過十年先執笠已經算叻，真正企得住嚟嚟去去都只係老麥kfc。一蘭初頭一兩年都排隊排通宵，夠威未？而家咪一樣拍晒烏蠅。壽司舖香港大把，壽司郎唔見得有乜過人之處，新屎坑多人排唔係咩咁稀奇，香港人不嬲鍾意一窩蜂跟紅頂白，過多兩年仲有人食先再講啦。

係唔係環球金融啲friend?

而一味賴客嘅人係懶惰，乜原因都唔去諗就一句閪客就算。如果真係咁多閪客，點解其他餐廳冇壽司郎咁頻密？我睇嗰3條鬧客片，我就睇得出壽司郎啲伙記完全唔識嘢，亂柒咁嚟搞到啲客由小小不滿變大吵大鬧，呢個先係真正原因。我日日出街食幾餐，老老實實真正遇過閪客只有一次，但閪伙記差唔多日日都有。連登仔嘅世界觀好扭曲，佢哋話多閪客，現實反而係自己閪而不自知，信佢哋一成都死

點解佢哋片魚片會生會用諸刃刀唔係用片刃刀
又用不銹鋼刀，刀刃又短唔怪之得片到魚生唔合格

你搵到間壽司鋪好似壽司郎咁旺再嚟比較爭執多唔多

人哋唔認同你就扯好多連燈仔價值有問題。咁又係，打長篇大論仲要食咁多腐皮，難怪唔會惱羞成怒。

咁係佢請人問題

00後10後？我上面提過一蘭，佢頭嗰兩年都日日排通宵㗎，嗰陣你出咗世未？十幾年前好多乜壽司物壽司都好旺㗎，而家執鳩晒啦，嗰陣你又出咗世未。如果跟你套中國式邏輯旺場就多爭執，我又真係冇聽過嗰啲舖頭有乜爭執喎。唔講以前，而家都好多食擘排長龍啦，稻香做優惠晚晚排幾粒鐘，照你咁講日日打大交添呀。學人講邏輯

啲伙記都承認佢哋冇壽司師傅，是但邊個得閒邊個切。我真係未聽過壽司舖咁求其，就算明將都正正經經請個專人去切魚生啦。壽司師傅人工三萬走唔甩，搵條pt仔慳一半人工，如果呢條橋行得通，所有其他壽司舖一早做咗啦！所以壽司郎真係虛火嚟，即管睇吓佢頂得幾耐

連登仔啲邏輯就好搞笑嘅，一時又話開喺啲中產區啲偽中產好巴閉所以成日嘈，一時又話平價壽司吸引啲窮鬼所以成日嘈。呢啲分明先有結論再砌論點，根本毫無支持任你噏，總之就係要迴避店員失職呢個可能性

對服務嘅理解好初階嗰個似係你喎
你認為日本仔嘅所謂服務就係笑淫淫咁對你
實際上係門面睇唔到嘅地方例如環境衛生 食物質素 出餐時間 煮食嘅手法etc
呢啲全部都係服務嘅一部份
而基本上百份之一百嘅日資餐廳喺每一個項目上面都有哂SOP要跟保
以保證服務質素合格且一致

你實會話呢D SOP搞到日本仔唔識變通
某程度上係冇錯嘅 有時係會仆哂街
但SOP係可以update
如果出現過大事 正路D公司係會改進SOP
防止同類型嘅大問題發生

絕對同意作為員工嘅話未必個個buy呢一套咁多SOP要跟嘅工作方式
但你冇得否認嘅係呢D SOP正正就係日本仔服務咁好嘅原因
你覺得日本仔套機械式流程好死
講得非常啱
呢點正正係點解日本仔可以成日以一個brand嘅形式衝出海外
就係因為佢有齊哂好死板嘅SOP
先可以做返哂同本國同樣質素嘅服務

香港人最自豪嘅茶記茶樓
保證冇咁繁鎖嘅SOP
有冇邊D成功洋威海外?

總結一句啦
未必個個人都buy日本仔套SOP
但係呢套SOP係佢地成功嘅原因

我上面講過好多次啦，日本仔將工廠管理套落零售餐飲，結果必定失敗。我贊成出品同衛生要有sop呀，但零售餐飲對客都sop就係白痴。客人要求千變萬化，全世界得日本仔先咁傻認為可以一本天書應對所有問題，而事實亦證明係行唔通，所以先成日要同客嗌大交。

sop係好皮毛嘅嘢嚟咋，唔該冇管理學知識嘅連登仔唔好當佢神咁拜啦。所謂sop其實就係標準化，後工業革命1900年代 Henry Ford 已經行緊啦，根本冇人仲會拎出嚟特別講。如果寫晒流程就可以成功咁容易，美國早就統治地球啦，幾時輪到㗎仔？

而你話日本衝出國際又係唔顧事實嘅想當然。係呀，Sony Panasonic 嗰啲吖嘛，咪製造業囉，零售餐飲根本只有亞洲人先不斷吹捧，鬼佬當你臭四。就算麥當勞咁高度標準化，佢都要遷就當地市場，亦要用人性化去對客，但依然唔係每個市場都成功。一本天書世界通行，只係日本仔唔識管理唔懂服務嘅性幻想

我第一句已經同你講緊服務業飲食業
你就扯去製造業咩sony panasonic
吉野家 藏壽司 牛角 一蘭 銀tako
呢D國際連鎖唔止香港連歐美都有
此時此刻連登仔: 日本個套結果必定失敗 香港個套先係成功

扯咩呀扯？扯旗呀？我一開頭已經講咗日式管理強喺邊弱喺邊，你自己唔睇就話我？

你講嗰拃公司有幾多係當地化咗，有幾多係堅持日本原裝嗰套先？比較唔係咁比較嘅，呢啲上過中學通識都應該識。你應該係而家呢代嘅中學生，冇得讀通識，更加未讀過管理，基本case study都唔知，咁好難同你溝通

咁我都講左
作為打工仔可能唔係個個受日本仔嗰套
但係日本餐廳已經用衝出國際話俾你知佢個套D客係受係work嘅時候
全能嘅連登仔反而用keyboard話佢個套註定失敗
不過有一點你講得無錯就係我真係無讀過通識
我只係AL修過econ嘅廢老
其實你都有哂既定立場同忽視客觀事實
都無謂喺度玩泥漿摔角

佢嗰套佢嗰套，佢嗰套即係邊套先？其實你都唔知自己講緊乜，思維粗糙無比，你都係讚多幾年書先講啦，我唔識同啲無知嘅人溝通