一條片睇清楚點解壽司郎成日同客嘈

㗎仔根本唔識管理，日本從來都係得製造業衝得出國際，其他產業仍然停留喺江戶時期嘅思維模式。日本民族冇錯係好著重細節，呢個特性應用喺製造業十分配合，每個環節一絲不苟，所以整啲電器出嚟個個讚。

因為製造業出色，㗎仔就變得更加obsessed with 呢種樣樣都要撚一撚嘅信念，認為呢樣係日本自從1960年代以來賴以成功嘅formula。結果連零售餐飲都用呢種工廠模式去管理，所有環節都要撚勻晒先安樂，於是就將班伙記撚狗咁撚，要佢哋每一刻死記幾十樣儀式，當中有幾多係必須有幾多只係形式主義？唔理，大日本民族話係咁就係咁。

零售餐飲另一個重要環節係客人，以㗎仔嘅管理哲學梗係唔管唔得。睇壽司郎個流程就好清楚，佢根本只當伙記同客人都係死物，只係生產線中一粒螺絲、一粒原料，可以任佢拉壓扭拗，甚至雕埋花都仲得。由攞籌到等位到入座到埋單，佢係設計到好似 clockwork 咁理想，喺佢心目中呢個世界根本唔可能會有唔跟program嘅機械人。

呢套做法喺日本唔見有問題，因為日本人出名係社畜，無論幾唔願意都只會啞忍，出聲反對係為世不容。可惜呢套文化只適用於日本。

壽司郎嚟咗香港，佢明顯冇諗過環球壽司地方智慧，一定係派條㗎仔嚟指指點點，以為自己嗰套先係真理。結果香港班伙記頂唔順佢套機械式操作，流失率高過晒其他飲食業。剩低嘅一係非常仰慕壽司郎文化，更加可能係能力有限焗做。

事實上會做樓面嘅人係有限數，嚟嚟去去同一個pool，好快佢就會發現請人越嚟越難，到嗰陣只有兩個選擇：一係增加吸引力。唔單單係人工，更加應該要做係將套要求大改，令伙記做得舒服啲。不過以大和民族脆弱嘅自尊心嚟講，咁做幾乎唔可能。咁就只剩第二個方案：收縮。

而香港食客亦唔似日本人咁冇個性，無法預期連調位咁小事都解決唔到。而班伙記日日將精力花喺啲無無謂謂嘅鳩叫之類嘅儀式上面，反而忽略咗最重要嘅解決問題嘅訓練，真正係捨本逐末。

壽司郎到目前為止都只係喺亞洲擴張，唔知佢有冇諗過去歐美發展，但我可以預視到佢必定會失敗。班鬼仔鬼妹肯定第一日返工已經challenge你套嘢，你一係改晒啲規矩，一係炒晒班伙記，但唔可能保持呢套做法而又請到伙記。而鬼佬客人更加唔似香港人咁順攤嘈兩嘢就算，佢嗰套不斷挑食客機嘅做法睇怕捱唔到三個月。

佢同Donki呢兩間受惠於停飛嘅日本怪物，經營手法根本追唔上時代，而家啲人冇得飛日本都仲可能靠呢兩間嘢慰藉思鄉之愁，到開放番就會面對伙記客人兩失，除非改革，否則都幾難捱落去。

https://youtu.be/6brlc76lE_c

仆街 睇完呢篇野
歐美一定紅撚到仆街

但事實上 你都係想食返日本既味道
而唔係其他所謂過江龍 但黎到得個樣似 味道跟唔上
佢呢個模式先可以確保到個品牌去到邊 請咩人 都做返9成以上本地水準
品質管理監控方面即使放大到1000間鋪都好 都唔會有大問題

完全冇問題

想走出國際
但營運模式又堅持係日式管理
係亞洲都可能行得通
歐美就一定收硬皮，隨時俾人告返剝削人權

飲食業最重要兩個環節：衛生情況同食物品質，呢兩樣係需要認真，但嗰啲洗腦式大叫真係有需要？而家係賣壽司唔係賣傳銷，除咗撚啲伙記同滋擾食客之外，我睇唔出有咩增值作用。至於迫啲員工講日文都係多餘，求其兩三句做個樣就算啦，反正大家都知你唔係日本人，你又知我知你唔係日本人，而我亦知你知我知你唔係日本人，真係冇乜謂

啲壽司都唔掂
食過一次 唔會再食

日資餐飲係咁
薩利亞都係咁上下

其實佢係想軍事化管理，以前東莞啲場同埋依家大陸連鎖餐飲都係用呢招

主要原因唔係咩形式主義，主要原因係洗班員工腦，令你保持意志去係呢種環境生存
因為呢啲工，工時又長又辛苦人工又低，正常有思考能力嘅人係忍受唔到，但只要令你唔去思考同時加強你意志力，你先會係度做落去

就算係都唔會食你垃圾元氣 過主啦

洗腦要喺真空環境先可以成功，日本得大陸得，香港唔會得

你食唔食元氣關人乜事？真奇怪

咪玩
歐美D平價飲食業員工
話走人就走人 東家唔打打西家

日本其實都係因為槍打出頭鳥呢個文化所以先得，排擠欺凌任何一個唔合群嘅人

好多日本品牌黎香港
死因就係冇延續到日式管理

有港男於討論區發文公審2名浪費食物的女食客，他日前於壽司郎用餐時，發現2名女食客只吃壽司上的刺身，把白飯全剩下，他不齒兩人行為，拍照貼到討論區直斥「啲人好X街」。雖然有網民力撐這是消費者的個人選擇，斥樓主不應拍照公審，但不少人狠批浪費食物，形容「啲飯飯好慘」，有人直斥「哇，好得人驚，肯定係怕肥，但好冇衣食」；有聲稱曾於壽司郎上班的網民則指，若不想吃飯其實可以「走飯」，但要事前向店員說明想所有壽司走飯，還是指定某碟想走飯。

支那01報導

再次證明㗎仔公司幾咁冇應變能力，既然有走飯呢個選項，點解兩條女唔知，係咪餐牌冇提？點解唔提？壽司仔又話有呢個選項，即係點？即係只有員工知道，食客唔知？咁設呢個選項本身諗住做乜㗎呢？俾鬼食？再退一步，伙記見到兩條女食剩晒啲飯有冇去了解發生咩事？定只係掛住同客開拖唔得閒理？

比人火魔燒鋪

無sop到時食物質素同衞生參差你咪又嘈唔似日本
你睇薩利亞已經係好例子，夠晒local啦，塊地污糟到仆街，同日本食差幾皮

依種SOP 為上嘅管理方式，歐美最出名嘅例子之一就係Amazon 貨倉

餐廳本身只應該將出品同衛生呢兩個環節規範化，但日本仔係都要將所有伙記同食客嘅行為都規範到變機械人先最無謂

Donki 排隊比錢要你去指定 counter 係咪都係出自同一原因？次次都覺得好 on9