[DSE MATHS 2022] 8年5**+2年全卷滿分心得分享， 好人一生平安 (2)

x2
Core solution已經拍撚到周街都係

咁我可以慳返啲功夫

可能下年考嗰啲會想睇？

百貨應百客， 記住這句話
不過佢啲方法係慢少少

LaTeX
人哋用嚟出論文， 我用嚟做碌屎

40分鐘做完錯一題眼殘睇錯題目
做落無望嗰時咁煩，特別條四心做得好c服

最主要都係基於學校正路教嘅方法去做，其實認真做都係幾十秒一題，我係覺得而家啲補習名師教一啲方法要同學仔死記，倒不如從頭入手，點樣去諗同解條題目。

咁就更加要睇，搵下邊個方法適合自己最緊要。做個對比，傳統嘅方法太垃圾可以做個對比。另外我睇好多做solution 嘅朋友好少會講點樣諗個方法，一黎就直接彈個solution。

所以我比較想一步一步黎，俾高中同學/數學無咁好嘅同學思考下點樣諗條題目。

片可以重溫，學校老師教新topic 會唔會過1年之後同你重溫？而且片係集中講考試嘅解題思路，學校係教識你個方法，但點樣兜點樣諗，老師會唔會由頭帶落尾？再講，老師有幾多係hea著教，真心會教好學生，包括一啲能力偏弱但想改善嘅學生？拍片原意就係想幫助佢地，而唔係話俾其他人聽自己個方法幾咁快，自己有幾叻。我係鼓勵同學仔睇完有問題留言，唔明唔清楚我會盡量令佢地明白理解。

而家就係唔用特殊方法，都可以好快做到答案，係俾一啲唔去補習/無能力補習/數學能力弱嘅同學去睇，同時表示香港數學考試唔應該死記，而家就係好似變質，學生唔補名師就輸蝕，但事實並唔係，即使你好好係學校上堂，用上堂嘅方法都能夠做到好嘅結果。

咁share下又冇罪嘅
又冇人逼你睇 又冇off topic
我都拍哂paper 1題解 本身諗住share不過見你哋起哂鋼都係費時

要睇你目標受眾係咩
係成績下游定係成績中游嘅人

話你慢係有原因的
你第八條都講咗MC講求的係速度， 唔可以逐個爆開嚟做
如果每條數都當係長題咁做， 做到一半都收得卷， 呢種教法可以幫到嘅學生好有限

如果目標受眾係下游學生， 咁講其實都可以， 不如花多少少時間去真係解釋得深入啲
第一條可以講點解要將二次方項放埋一齊
第二條可以講點解要轉做同底數3
恆等式可以講點解要用x的次方分類
你而家條片講嘅係點做， 而唔係點諗， 並唔係你所講咁深入

如果目標係中游嘅學生
頭10條本身就容易嘅， 佢哋好多都只係將已有知識重睇多次
佢哋見有條友用同自己一樣嘅方法， 會加強佢哋對自己信心， 繼續去用一個可能喺限時內難完卷嘅思維

YouTube好多人拍片解卷， 有好有壞
如果你純粹想參與出一分力嘅咁我唔會阻你， 我欣賞嘅， 始終我無呢個心
如果你想做得突出少少嘅， 你要諗一諗自己定位
深入定係速度， 如果兩樣都無其實好難怪人柴你台

另外， 第六條「最大」數字呢個概念係有問題嘅， 範圍中其實無「最大」

日校老師無你諗得咁差， 補習佬亦無你諗到咁速食
唔知係咪你嘅經歷令你咁諗， 補習佬我唔方便評論， 但日校老師有唔少係好有心的

其實你同傳統方法有咩分別
如果你既目標學生係弱底學生
唔係潑你冷水
但弱底既學生都唔會想睇你依個版本

用Q3為例
第一，弱底學生連expand (x+3)^2都有難度，但你一嚟就做埋grouping terms果步
第二，你將所有steps一次過show晒出嚟，咁同大學professor讀ppt有咩分別

欣賞你有心做依樣野但我睇唔出你同其他解卷片有咩分別

識貨
可唔可以搵你補數

會考巴真係有心人
受人景仰唔係無原因的

92/105 38/105 有無機5*？ thxxx

一定有

有呀， 前提係卷一個分計得準

真

淨係講一個
Q.24
圖像入面無任何特定通過的點， 亦無指定斜率
唔會寫到任何等式， 即III錯
答案係A
五秒內揀到答案

原因同深入分析會留返俾自己課堂用， 喺度就唔講咁多了