有無人好鍾意港劇「雙面伊人」？

如果要線上看，真係好難搵，
有好多都load唔到，一係就國語。

不過頭先幫你搵咗一段時間，終於搵到一個⋯
https://cokemv.me/voddetail/37897.html
你搵右邊 高速路線 先會睇到，
我check過下係粵語原聲，全20集應該無問題！

(不過唔知係咪當原來字幕係咪都出錯？
林靜 個英文名係叫 Jane ，但到之後就出咗 Jay 。)

咁遲先覆你，希望你會睇到啦。

袁潔瑩 當年都有幾段緋聞 (唔記得佢有承認過邊段⋯)
如果無承認嗰啲，就唔應該都當係。
又唔知佢喺感情方面係咪都算烈女嗰種⋯

唔清楚佢當年有情緒病同厭食症，係咪都係因為感情事⋯

我只係覺得全盛期嘅佢 ，本來應該有更多作品！
但係偏偏受感情事或其他事大大影響到佢。
當時邊會估到佢約滿大台後，就咁快淡出⋯
真係好可惜！

我真係好鍾意 全盛期嘅 袁潔瑩 ！

唔該哂你幫我搵到唔該哂你tim啦

姚樂天 同 林靜 係雨中擁吻 ！ (第5集)
呢場戲就係印證佢哋之間嘅愛情！
呢種激情固然令人好深刻！
(前文我都已經講咗。)




而另一段就係 林靜 扮 林寧 同 姚樂天 親吻！ (第14集)
呢種浪漫同樣令人好難忘！



呢場戲其實又係好有心思！
所以我隔咗幾日，最後都決定分析一次。

礙於當時 林靜 嘅未婚妻身分再加上佢嘅性格，
佢要飲酒扮 林寧 先夠膽坦承面對 姚樂天 ，
如果呢一晚佢都唔把握呢次機會，佢唔知道仲有無下次⋯
姚樂天 之前多次都忍受到 林寧 嘅誘惑，
但係今次佢終於無⋯

(註： 呢度其實可以理解到，
姚樂天 呢一刻可能真係以為佢係 林寧 ，
亦有可能係佢呢次真係想順從自己個感覺！
因為佢唔知道仲有無機會⋯)

之後佢哋深情對望，就好自然咁親吻，仲要愈咀愈肉緊！

佢哋咀完之後，林靜 (林寧) 就同 姚樂天 講：
「其實我唔想個假期咁快放完㗎⋯」
其實呢句，佢已經係做返 林靜 ！ 係一種表白！

之後 林靜 再次壓抑返情緒走開後， 姚樂天 甜笑。
呢點就已經確認，
姚樂天 呢一刻(最後)真係知道呢個係 林靜 ！

呢兩大場親吻戲，
同最後 (第20集) 一場擁抱戲(有情人人終成眷屬)，
我哋真係睇到流眼淚⋯。




其實由 姚樂天 用催眠幫 林靜 嗰陣開始，
就已經好清楚帶出，佢哋好清楚知道彼此嘅感覺！
姚樂天 只愛 林靜 一個， 林靜 只愛 姚樂天 一個！

所以正常嚟講，
林靜 之後係無理由仲格硬迫自己同個賤人結婚⋯
(佢仲要明知自己根本唔愛個賤人、根本唔夾、
對方有好多嘢都隱瞞佢等等⋯)
咁樣都仲要結婚，對 姚樂天 固然係極大傷害 ，
對佢自己同親人都係極大傷害！
(雖然 姚樂天 當時都未知道個賤人原來出苦用計、
又一再陷害佢哋，所以忍痛讓愛⋯)
但係只要 林靜 肯決斷啲，就可以避免好多傷害！
呢套劇，最唔合理、最扣分位就係呢度！
唯一解釋係，做戲囉⋯但係重點無講唔通啊嘛！

好彩嘅係，最後 林靜 都無同賤人留到種⋯
咁樣 林靜 同 姚樂天 先可以真正無後顧之憂咁係埋一齊！


呢套 雙面伊人 真係好好睇！
(最後結局，加返佢哋幸福快樂(結婚)嘅劇情，
作為俾觀眾可以舒緩返情緒嘅話，真係會更好！)


全盛期嘅 鄭伊健 同 袁潔瑩 真係好正！ 真係好襯！

一刻寧靜，一片天空。
一種屬於 姚樂天 同 林靜 嘅愛情！

啊，我Check過一次原來都有錯字⋯
下面再回多次好過。

姚樂天 同 林靜 係雨中擁吻 ！ (第5集)
呢場戲就係印證佢哋之間嘅愛情！
呢種激情固然令人好深刻！
(前文我都已經講咗。)




而另一段就係 林靜 扮 林寧 同 姚樂天 親吻！ (第14集)
呢種浪漫同樣令人好難忘！



呢場戲其實又係好有心思！
所以我隔咗幾日，最後都決定分析一次。

礙於當時 林靜 嘅未婚妻身分再加上佢嘅性格，
佢要飲酒扮 林寧 先夠膽坦承面對 姚樂天 ，
如果呢一晚佢都唔把握呢次機會，佢唔知道仲有無下次⋯
姚樂天 之前多次都忍受到 林寧 嘅誘惑，
但係今次佢終於無⋯

(註： 呢度其實可以理解到，
姚樂天 呢一刻可能真係以為佢係 林寧 ，
亦有可能係佢呢次真係想順從自己個感覺！
因為佢唔知道仲有無機會⋯)

之後佢哋深情對望，就好自然咁親吻，仲要愈咀愈肉緊！

佢哋咀完之後，林靜 (林寧) 就同 姚樂天 講：
「其實我唔想個假期咁快放完㗎⋯」
其實呢句，佢已經係做返 林靜 ！ 係一種表白！

之後 林靜 再次壓抑返情緒走開後， 姚樂天 甜笑。
呢點就已經確認，
姚樂天 呢一刻(最後)真係知道呢個係 林靜 ！

呢兩大場親吻戲，
同最後 (第20集) 一場擁抱戲(有情人人終成眷屬)，
我哋真係睇到流眼淚⋯。




其實由 姚樂天 用催眠幫 林靜 嗰陣開始，
就已經好清楚帶出，佢哋好清楚知道彼此嘅感覺！
姚樂天 只愛 林靜 一個， 林靜 只愛 姚樂天 一個！

所以正常嚟講，
林靜 之後係無理由仲格硬迫自己同個賤人結婚⋯
(佢仲要明知自己根本唔愛個賤人、根本唔夾、
對方有好多嘢都隱瞞佢等等⋯)
咁樣都仲要結婚，對 姚樂天 固然係極大傷害 ，
對佢自己同親人都係極大傷害！
(雖然 姚樂天 當時都未知道個賤人原來出苦用計、
又一再陷害佢哋，所以忍痛讓愛⋯)
但係只要 林靜 肯決斷啲，就可以避免好多傷害！
呢套劇，最唔合理、最扣分位就係呢度！
唯一解釋係，做戲囉⋯但係重點係講唔通啊嘛！

好彩嘅係，最後 林靜 都無同賤人留到種⋯
咁樣 林靜 同 姚樂天 先可以真正無後顧之憂咁係埋一齊！


呢套 雙面伊人 真係好好睇！
(最後結局，加返佢哋幸福快樂(結婚)嘅劇情，
作為俾觀眾可以舒緩返情緒嘅話，真係會更好！)


全盛期嘅 鄭伊健 同 袁潔瑩 真係好正！ 真係好襯！

一刻寧靜，一片天空。
一種屬於 姚樂天 同 林靜 嘅愛情！

係咁二講下劇情掂唔掂 或者好曲折離奇 或者好SWEET等等都冇
淨係係咁J兩個主角

古惑仔班底 伊健，謝天華，林曉峰
佢地3個爬山個度即時諗起

事隔超過廿年 鄭伊健個樣都冇變

當時好細個 但唔知點解對依套劇 同首主題曲好深刻
唔記得入面劇情 但好記得個女主角係雙重人格

有時望落去好似張衛健

記得劇名
唔記得劇情

唔記得劇情
但記得主題曲好聽

願某天 可真的跟你心靈會面

每次想重播都死人

以前d劇真係認真好多，鄭伊健爬山，揸電單車，袁潔瑩爬水管都無用替身

細個嗰陣睇剩係覺得套劇有d恐怖

Btw 依家仲會間唔時聽佢首雙面人

呢套 (1999年) 喺 西遊記之月光寶盒 (1995年) 之後拍 , 唔知編劇有無參考過 紫霞/青霞

佢訪問入面話，佢錄歌嘅時候想練氣，所以成去做運動，又食得好清淡，久而久之佢瘦咗，佢覺得咁樣幾好睇（仲未算超瘦嗰種），所以佢覺得趁佢減開，不如減多啲，以後就算做戲好忙，冇得做運動，都唔會話肥番好多，所以佢就繼續減落去。

我都覺得佢好可惜，如果你有睇 學校風雲 我真係覺得做戲幾好，如果一直拍電影話唔定有獎攞。

唔係做緊還珠格格咩 亞視最風光時間之一

哈哈 我都想佢最後加多啲sweet sweet 片段，等我可以自high下

伊人唔係解女人咩？
不過鄭伊健又有個伊字，做劇名語帶雙關

仲食埋個面字

天氣的錯唔係為套劇而作
係98年秋推出，好似有個音樂劇裡面
隔左一年先有雙面伊人
劇情度身訂做拎黎做插曲
呢幕真係好浪漫

睇唔到Fail wo

選擇高速線路