我最近同身邊嘅朋友都有一齊重睇一次「雙面伊人」，
呢套劇絕對係我哋心目中其中一套我哋最鍾意、最深刻嘅港劇！
我當年好細個睇，就已經覺得呢套劇好好睇。
依家大個咗，更細心睇多次，個感覺真係更深！
我真係覺得好值得睇！
最主要原因，
一定係 「全盛期 鄭伊健」 + 「全盛期 袁潔瑩」 呢個男一女一組合！
除咗套劇被低估之外，我更加認為佢哋呢對男一女一組合都因此被低估！
喺我哋心目中， 鄭伊健 同 袁潔瑩 絕對係最佳螢幕情侶之一！
就算相隔咁多年再睇返，
真係覺得 鄭伊健 同 袁潔瑩 真係好襯！ 真係好有火花！
(難怪佢哋都話拍完呢套劇，真係變成好朋友關係。)
鄭伊健 ，本身係公認靚仔，呢套劇嘅佢飾演「姚樂天」真係超級靚仔！
劇中演技自然、令人睇得好舒服！
雖然劇中角色性格真係有少少太過好人…一度讓愛…
幸好，最後 姚樂天 同 林靜 都有一個Happy Ending！
好可惜之後佢再拍多一套之後，都無再拍港劇。
袁潔瑩 ，本身係公認靚女，
呢度我必需強調一點， 「長頭髮嘅袁潔瑩」更靚女！ 更有氣質！
劇中要演出兩個角色 林靜 同 林寧 (兩種完全唔同性格，各有吸引力。)，
所以有更大發揮空間，而佢亦都真係演得好好！
我都仲好記得我當年都好鍾意佢，真係女神級數，
好可惜因為佢有各種原因，全盛期嘅佢都咁少產量……之後仲好早淡出。
呢套「雙面伊人」絕對係佢哋嘅代表作！
要講呢套劇嘅缺點嘅話，就係結局收得太快……
姚樂天 同 林靜 經歷種種困難同生死關頭，最後排除萬難，苦盡甘來，
終於有情人終成眷屬，依偎在一起！
觀眾嘅情緒都未平復到，套劇就咁即刻完…
如果最後有多十五分鐘至半個鐘派糖時間，一定會更好！
同埋不得不提嘅係，主題曲「雙面人」同插曲「天氣的錯」真係神曲！
主題曲「雙面人」
唯一挑剔，首歌長多少少就完美，
同埋MV入面剪輯嘅劇中片段，當中嘅次序同配合度真係有啲亂，
特別係最後嗰段。
https://www.youtube.com/watch?v=BOLR6V8A7yQ
插曲「天氣的錯」
整套劇，其中一段最令人深刻嘅劇情，「姚樂天 同 林靜 嘅雨中擁吻！」
就係播住呢首歌！ 真係睇到好震憾同好感動！
https://www.youtube.com/watch?v=yDVzF3KlL-U
「一刻寧靜，一片天空」
真係好浪漫！
一種屬於 「姚樂天 同 林靜 嘅 愛情！」
