[有圖有字字較多]雲南12日頹底遊記

巴打 我後日去昆明想買電話卡
間特定遊客買sim卡既位置係邊

我見其他人話機場可以買 但我問個詢問處佢話無
你可以再問問 懷疑佢hea我
出到昆明火車站 搭巴士
睇下邊架經東站（環城南路），（Sor呢個唔肯定）
附近有泰麗酒店，就喺對面定隔離，
你上巴士前問一問個司機經唔經先。
題外話，下次我諗我會揀係鴨記買算，
昆明移動買168先得2G，我都係岩岩夠用。

其實機場有便利店賣聯通卡 $100有14GB data 一開始仲以為佢呃我 點知又真係有

巴打 我後日去昆明想買電話卡
間特定遊客買sim卡既位置係邊

我見其他人話機場可以買 但我問個詢問處佢話無
你可以再問問 懷疑佢hea我
出到昆明火車站 搭巴士
睇下邊架經東站（環城南路），（Sor呢個唔肯定）
附近有泰麗酒店，就喺對面定隔離，
你上巴士前問一問個司機經唔經先。
題外話，下次我諗我會揀係鴨記買算，
昆明移動買168先得2G，我都係岩岩夠用。

其實機場有便利店賣聯通卡 $100有14GB data 一開始仲以為佢呃我 點知又真係有

見到有間便利店買支水都10蚊
巴打張100蚊係咪有埋大陸電話no？

第一次睇遊記 支持

留名
上年都係5月去左雲南
有行玉龍不過只係行左小索道
心郁想下年再去過

雲南的確風景靚
但雲南妹真係好樣衰

好撚多靚女
但唔係本地人 係遊客

LM過幾日去

Day 2：麗江-瀘沽湖
話說經巴打推介，搵左瀘沽湖小馬哥拼車，
小馬哥唔得閒又推左我地比佢個同事，
古城上車就130蚊個來回，火車站就160蚊
（好彩我朋友識用流利普通話講價）
叫「那個夏天，那個少年」。（個名好MK）
我地落火車後唔入麗江，直接喺火車站入瀘沽湖。
本身約左佢06:30，結果佢唔知醒，7點半先到，
等我地仲以為佢放我地飛機添。


食個早餐先，11蚊。

終於等到呀師傅都幾後生靚仔，叫我地有咩問就直接同佢講，
又話佢偶像係劉德華。（唔知點解大陸人都好鍾意劉華）
入瀘沽湖車程約4個幾鐘，
同行仲有一對四川父女同東北家庭。


途中經過雲南18彎，
認真，我有少少淆，d路又彎又窄，個圍欄又虧虧地咁，無安全帶，
唔係幾敢訓，但我朋友又訓到昏迷。（後面都慣左D路係咁）


終於到瀘沽湖，個天好厚雲。
老實講，有少少失望，天氣一差真係唔靚。（唔排除係我影得太鳩）

入景區前要買飛，50蚊。
請各位巴絲緊記要帶學生證，門票價格差一倍。
跟著個師傅又叫哂所有人落車聽佢地個大佬講個簡單briefing，
我普通話廢，淨係聽得明食野前要問價，唔好比人「坑」，
同埋sell叫我地去個篝火晚會，加埋環三份之二個湖，包下午茶同晚飯，150蚊。見咁早去到無野做，我地就參加左。

之前「我看雲南」個post話留三日好D，
問個師傅可唔可以遲一日走，
師傅有D火滾咁話「不就是一個湖嗎？值得你們逛哪麼久嗎？」，
之後可能見我地呆左，佢再補鑊「我很多客人都說要逛三日，結果第二天就開始悶，說要走了。」
佢叫我地諗諗再覆佢。

我地住係大落水瀘沽湖湖思茶屋國際青年旅舍，
湖景房268蚊，呢個價係雲南住宿黎講絕對係超貴，
係值既。

房露台影出去既景，天氣好返真係好靚。
做過research，大落水同里格個景都靚，
里格無咁方便同較貴，但質素好少少。

一路係房hea到3點，師傳黎左接我地去篝火晚會，
中途有好多個位比我地落車影，加上天氣差，
影到有少少唔知影咩好。
師傅仲要串多我地兩句，影得夠多啦掛今次。


呢張係喺觀景台到影，特別之處係個心型，
呢張相係我地既自拍到cut出黎，因為無單獨影，
有好多人收錢可以幫你影相，不過窮撚係自拍。

幾架車既人都去哂同一條村到，唱下摩梭族人（女兒國）既歌，飲下佢地既酒。
同團既人都有跟著唱，氣氛幾好，
不過我地怕尷尬都係拍手助興下。
D酒有分男女飲，我地個杯好嗆同苦，
全部人都淨係飲左一兩啖，我諗唔係幾好味。


佢地D烤雞點埋D辣粉好好食，唔油但好脆同香口。

塊黃色既餅無味，好淡。

食完就有個摩梭族既女仔同我地介紹佢地既文化，
佢帶左我地去祖母屋（家族話事人住既地方），
提醒我地要尊重，例如左腳入右腳出呀，唔可以影相同隨便走之類。
祖母屋用木搭建而成，為左防蟲蛀會期燒香，
入面仲有間房生死門，
個家族既人無論係出世定死都會係入面，連屍體都要擺係入面一段時間。
至於走婚，只會係雙方有感情基礎後先進行，
如果要分手，只要其中一方比signal，就唔會再來往。
個女仔好強調佢地唔會好似電視劇咁喊苦喊忽。
其實佢講左好耐，不過訊息量太大、訓唔夠加普通話廢，我唔記得左好多。
跟著就黎料開始sell銀，佢話賺返黎既錢會比返工匠同當地細蚊仔起學校用，
而且講到好似萬能咁能醫百病。
D銀係比市價貴，而且係9990，呢part sell左我地45分鐘。
同行四川靚女都話佢sell得有d耐，話係西雙板納個邊淨係講兩句。
雖然如此，好似真係有人想買（可能係做媒）。
你話如果買下茶買下餅，我都仲買到呀，
銀六七百蚊起跳，D客點會咁順攤呢。


幾豐富，其他人食左幾啖就走，
得我同我朋友食到完場。

食完就去篝火晚會，好熱鬧好多人，
大概二十幾個摩梭族人圍著篝火跳舞，
當中有一兩個後生女係幾正，不過無圖。
最後佢地邀請埋成個場既人一齊落去跳，氣氛好好，
如果唔係人太多迫唔到入去，我都會一齊玩。
夜晚師傅順著山路車返我地出去，
驚險呀呢段，無安全帶又黑，山路又多彎，師傅仲要開好快，
我成程都唔敢訓捉著扶手。

個晚既月亮好大好圓好黃，
可惜雲太多太厚睇唔到星星。
 

上個禮拜都去完，比佢sell到買銀
巴打玉龍雪山無搭纜車就咁行上去？

留名
上年都係5月去左雲南
有行玉龍不過只係行左小索道
心郁想下年再去過

去啦去啦 一喺香格里拉走個刻
我就知我一定會返黎

留名
上年都係5月去左雲南
有行玉龍不過只係行左小索道
心郁想下年再去過

去啦去啦 一喺香格里拉走個刻
我就知我一定會返黎

上次冇去香格里拉，好後悔

駛鬼理佢果D晚會咩，又要比人sell,去到門口比廿蚊就入到啦
同埋環湖要一整日喔，記住食趙家灣好人小吃
我番大陸家好少拼車同跟團，一定推銷

上個禮拜都去完，比佢sell到買銀
巴打玉龍雪山無搭纜車就咁行上去？

唔好誤會 我地淨係行左一段 去到4000米
體能太廢行得太慢 趕唔切
之後會講
你買左咩呀 夠錢 你又覺得靚 咪得

駛鬼理佢果D晚會咩，又要比人sell,去到門口比廿蚊就入到啦
同埋環湖要一整日喔，記住食趙家灣好人小吃
我番大陸家好少拼車同跟團，一定推銷

認同 喺香格里拉又比人昆左筆
我地無環到湖 因為草海唔岩季節

留名支持樓主
幾時同哥去旅行？

巴打 我後日去昆明想買電話卡
間特定遊客買sim卡既位置係邊

我見其他人話機場可以買 但我問個詢問處佢話無
你可以再問問 懷疑佢hea我
出到昆明火車站 搭巴士
睇下邊架經東站（環城南路），（Sor呢個唔肯定）
附近有泰麗酒店，就喺對面定隔離，
你上巴士前問一問個司機經唔經先。
題外話，下次我諗我會揀係鴨記買算，
昆明移動買168先得2G，我都係岩岩夠用。

其實機場有便利店賣聯通卡 $100有14GB data 一開始仲以為佢呃我 點知又真係有

見到有間便利店買支水都10蚊
巴打張100蚊係咪有埋大陸電話no？

係呀 連大陸no 不過係省內14GB 省外200MB

樓主快啲出文啦
我黎緊4號去獨遊 想參考你個行程呀

爸打咁快就爛尾?

爸打咁快就爛尾?

比小小時間我 返緊屋企

樓主快啲出文啦
我黎緊4號去獨遊 想參考你個行程呀

大概有少少概念就得其實
我地每日都係問青旅 今日我地去邊好

Day 3：瀘沽湖-麗江
較左6點鐘鬧鐘睇日出，天氣有D凍。




我地兩個唔識睇日出，以為太陽已經出哂，影完就訓返。（好on9）


呢張訓係度影，曬到我訓唔到。
唔知點解一訓醒發現張木枱好多蚊滋仔暈哂，但我無理。
 
訓完求其搵間多人既早餐店食早餐。


仲有碗無影，兩碗麵加一碟餅，盛惠50蚊人仔。
土雞好好味，好軟好有雞味。
食完就係瀘沽湖鳩影，寫下postcard，
不過呢邊中國郵政話有20%會寄失。
之後又同四川父女行下影下傾下計，佢爸爸仲幫我地三個影左好多相。

我地本來想join環湖，因為未睇到草海同走婚橋，
師傅話草海九、十月先係最靚，依家既草太矮。
我地聽完都唔係好信，覺得佢係怕麻煩，
於是再問早餐店老細，佢都係咁講，
好啦我信，唔去。

琴晚都係同師傅講左跟埋同團既人一齊返麗江，
咁樣會安心D，但個師傅又遲左一個鐘到，
最後我地三點半先係瀘沽湖出返麗江。

出到麗江，因為我地兩個咩都未book，
求其就入左間青旅（麗江第三極青年旅舍），評論入面幾好玩幾warm。
間野係木府附近，近南門，地理位置幾靜。
（Btw係古城石板路拖gip，真係好辛苦，有衝動想拎backpack健步如飛咁行。）

第三極地方唔大，不過有好多common area。
可惜第一晚住既時候已經滿哂，老細介紹我地住左係附近既雙人房，
間野叫田田客棧。
一入到去，個老細好主動同我地講行程，佢係山東人，
因為我地淨係留一日，佢建議我地去玉龍、千古情或者拉市海。
拉市海D人話好容易比人昆錢，加上我地對騎馬興趣唔大，skip。
係瀘沽湖拼車識既同伴都話千古情值得去，
唔單只係睇講少數民族起源既表演，仲有鬼屋個類野玩，
張飛200幾蚊，學生證無discount，
但我地主要係想睇自然景色，skip。
最後就決定左去玉龍。
除左搭纜車上去，老細仲有推介我地行上玉龍第一峰，
佢聽到我地話想去雨崩，話好難行，
建議我地可以去玉龍試下先。
380蚊，包領隊、兩餐、車費、裝備，
我地唔係經正常途徑上山，唔洗額外比入場費。
我知道我朋友好心郁（佢鍾意冒險挑戰自己），而我真係自認體能好差，
平時係香港運動都唔做，長期對電腦。
老細話唔掂可以停，唔一定要上到頂，
諗多兩諗，我地決定左去。

同老細講完一大輪，我地問有咩好食，佢親自帶左我地去食臘排骨火鍋。
（當時已經9點，我地搭完車咩都未食，但佢超熱情，完全唔記得左我地想食飯。）

48蚊，兩人份，我地仲加左飯同兩碟菜。
一開始老細仲擔心我地食唔哂，點知我地食完仲唔夠飽，
加上食左個幾兩個鐘（老細話平時佢地食最多食15-20分鐘），
佢覺得好驚訝，我地就話香港人打邊爐起碼要一個鐘。

聽到我地話唔夠飽，老細帶左我地去食一間佢朋友開既鮮花餅店，
順便行一行個古城。

真係幾好食，玫瑰花味好濃，唔太甜，可能因為熱食。
（買左兩盒返屋企，無任何人欣賞。）



亂影。
麗江古城好熱鬧好多人好光猛，個感覺有少少似九份mix長洲（個人意見）。
不停咁播小寶貝同打手鼓（打親既都係靚女，無圖），酒吧有，disco都有。
街上既小食同賣野既檔口好多都係一式一樣，價錢同香港差唔多。
對麗江古城第一印象，好商業化。

本來老細叫我地快D訓，但我地又喺common area到hea，
傾傾下廣東男仔K都話一齊去行玉龍，連埋老闆同嚮導，一共5個人。
（題外話：一開始用左徒步呢個字眼，因為領隊係咁講。但google完又唔確定，用返行算。 ）
 

\去到瀘沽湖點解唔環湖
真心值得,唔剩係睇草海走婚橋既,,我4月同10月都去過,都係好靚,唔只呢兩個地方既,,,環一圈真心值,用大半日,夜晚再番去食燒豬,好享受

拉市海值唔值,我話值,但我上淘寶$78 包2小時騎馬,2小時划船, 任食土雞邊爐,真心抵,同團有人on99 $500 $300 - $1000都有,幾時都話上網抵
包接送,8點幾出發番到去3點幾仲可以束河落車,抵到爛
番大陸BOOK 野,佢地最撚怕上網BOOK果D,因為搶生意,競爭大,你比人留BAD COMMENT就大撚獲

\去到瀘沽湖點解唔環湖
真心值得,唔剩係睇草海走婚橋既,,我4月同10月都去過,都係好靚,唔只呢兩個地方既,,,環一圈真心值,用大半日,夜晚再番去食燒豬,好享受

拉市海值唔值,我話值,但我上淘寶$78 包2小時騎馬,2小時划船, 任食土雞邊爐,真心抵,同團有人on99 $500 $300 - $1000都有,幾時都話上網抵
包接送,8點幾出發番到去3點幾仲可以束河落車,抵到爛
番大陸BOOK 野,佢地最撚怕上網BOOK果D,因為搶生意,競爭大,你比人留BAD COMMENT就大撚獲

有無淘寶link thanks

\去到瀘沽湖點解唔環湖
真心值得,唔剩係睇草海走婚橋既,,我4月同10月都去過,都係好靚,唔只呢兩個地方既,,,環一圈真心值,用大半日,夜晚再番去食燒豬,好享受

拉市海值唔值,我話值,但我上淘寶$78 包2小時騎馬,2小時划船, 任食土雞邊爐,真心抵,同團有人on99 $500 $300 - $1000都有,幾時都話上網抵
包接送,8點幾出發番到去3點幾仲可以束河落車,抵到爛
番大陸BOOK 野,佢地最撚怕上網BOOK果D,因為搶生意,競爭大,你比人留BAD COMMENT就大撚獲

有無淘寶link thanks

http://www.mafengwo.cn/sales/2052047.html
好撚抵

Lm 過幾日去

上個禮拜都去完，比佢sell到買銀
巴打玉龍雪山無搭纜車就咁行上去？

唔好誤會 我地淨係行左一段 去到4000米
體能太廢行得太慢 趕唔切
之後會講
你買左咩呀 夠錢 你又覺得靚 咪得

手鈪 佢講到手工雕獨一無二 點知係麗江見到周圍啲款一樣 買左之後全程都唔夠cash用
我係淘寶買玉龍雪山tour 400幾人仔 巴打行的話有冇得去埋藍月谷 想遲啲再去過