[有圖有字字較多]雲南12日頹底遊記

第一次出遊記，寫得唔好既有野得罪既多多包涵，
我自己影左既相唔多（一係就影得唔靚），
部分圖係用我朋友既，佢影得靚D。
而我比較長氣，唔小心打左好多字，不過都係我自己做個紀錄姐。
認得我既pm就得，唔洗喺度認架。

前言
雖然係今年6月先去，機票上年12月同個朋友考慮左兩三個鐘之後買既。
屋企人話返大陸旅行危險，唔太贊成我去，
不過見我個排心情唔好，最尾都比。
機票我地係買貴左，hk express一個人750，
如果遲少少買，唔特登要揀位，600蚊左右可以KO，
唔洗另加行李，7kg理論上應該夠。

5月尾6月頭大概plan左路線，住宿交通乜柒都無訂過，去到先搞。
（除左昆明去麗江個程火車）
小插曲：
本身想買機票由昆明去麗江既，約250人仔一個人，
但因為我拖拖拖，唔到最尾都唔訂，
張機票變左500蚊，所以最後都決定搭火車。

講買火車飛就火滾（唔排除係我on9）
本身想經12306（即係大陸火車飛官網）買，
因為唔洗手續費，而且有得揀上中下硬臥。
但香港人用12306極麻煩！
chrome又話個網危險，又要大陸電話同戶籍，
搞撚左我大半日都訂唔到張飛。
嬲嬲地就諗著經ctrip買，諗著無得揀上中下臥都算啦，
見佢話要用回鄉證中文名，但我個名好煩，電腦打唔出。
一怒之下就直接去深圳北站買算，
（仲要拉埋個朋友去，因為每個人淨係可以幫自己買飛）
點知原來張飛係可以打英文。
頂，早知我係屋企用ctrip買算啦。
大陸D實名好撚煩。

預期路線（最後無跟）：
Day 1：昆明-麗江
Day 2：麗江-瀘沽湖
Day 3：瀘沽湖
Day 4：瀘沽湖-麗江
Day 5：麗江-香格里拉
Day 6：香格里拉-飛來寺
Day 7-10：雨崩
Day 11：麗江
Day 12：麗江-昆明

實際路線：
Day 1：昆明-麗江
Day 2：麗江-瀘沽湖
Day 3：瀘沽湖-麗江
Day 4：徒步玉龍
Day 5：麗江-香格里拉
Day 6：普達措+松贊林寺
Day 7：納帕海-麗江
Day 8：麗江-大理
Day 9：洱海
Day 10：大理古城
Day 11：大理-昆明
Day 12：昆明

路線上建議順住去，
即係大理-麗江-瀘沽湖-香格里拉-飛來寺-雨崩，
愈後愈精采（利申：後面既無去），
去完後面你就唔太想行前面。（個人意見）

雨崩本來好期待，但基於我地帶唔夠衫，
加上徒步完玉龍估計到自己體質好差，行雨崩應該會直接收皮，
仲要因為6月，天氣唔穩定成日天陰陰，會落雨
所以放棄左。
今次連完整少少既雪山同星星都睇唔清，
明明睇雪山係我夢想黎
（我仲講過睇唔到我係唔會返香港，結果我真係睇唔到好多雪既雪山，但都返左香港）
不過有遺憾先好，比個機會我做下運動先再返香格里拉呢個好地方。
至於大理，後面會講。

Day 1：香港-昆明-麗江
呢日無圖 因為真係無野好影

本身以為hk express會delay，點知唔單只無遲，仲早左到昆明。
去旅行既第一步係咩？緊係買電話卡啦。
行左好多間中移動都話要大陸身份證實名先買到，
其中一個店員話遊客只可以去特定分店到開卡，
教左我地搭巴士過去，張卡都搞左幾耐下。
個店員叔叔都幾有耐性幾好人，仲同我地講附近有咩好食，簡介下雲南既天氣之類。

去左大家都話幾好味既建新園食晏，


過橋米線同冬菇炖雞米線（唔小心落重左effect，後面D相唔會有）
個碗辣手，我朋友影到個湯就凍都未食，
搞到我硬係覺得隻鵪鶉強係未熟，
唔係難食既，個湯偏油同咸，
同樣都係米線，我揀三哥。（in三哥酸辣we trust）

昆明站安檢左兩次（超hea檢，條友都無望mon既）
火車前我地仲去M記食左雪糕同Dicos食雞（食足一整日連鎖店）



火車示意圖（Google）
出發前搵資料見D人話訓下臥d人會亂坐同搞你D野，
於是我地就買左上臥，個人係完全伸唔直，只可以趴同訓係度。
唯一好處係比較安靜同喺gip拎野方便。
喺火車識到五六個包團去玩既（湖北、重慶、珠海都有），
交換埋wechat，過幾日喺香格里拉普達措見返。
佢地仲請我地食鴨頸同鴨腳，好Q辣，但好香口好好食，
忍唔住食左好多，仲比人讚我地食得辣。
自從呢次就覺得搭火車好好玩，下次一定一定買下臥同繼續坐火車。

10點幾就熄左燈，5點就開燈叫醒你起身擦牙洗面屙尿。
我訓得勁好，成個人昏迷，但我朋友就話好熱，訓得麻麻。
 

推

巴打 我後日去昆明想買電話卡
間特定遊客買sim卡既位置係邊

過癮

精彩真係要留返最尾 唔係返唔到轉頭
上年頭果幾日去完雨崩之後 後面啲行程都冇乜心機去

留名

雲南去過3次
好地方

雲南去過3次
好地方

去過兩次
虎跳峽, 雨崩同瀘沽湖都好正
利申: 行山撚

雲南去過3次
好地方

去過兩次
虎跳峽, 雨崩同瀘沽湖都好正
利申: 行山撚

平時係香港行兩步都懶 零運動
去完雲南令我想行出

精彩真係要留返最尾 唔係返唔到轉頭
上年頭果幾日去完雨崩之後 後面啲行程都冇乜心機去

所以我去完香格里拉返大理洱海個反差
我下次一定要入雨崩 一定一定

留名

巴打 我後日去昆明想買電話卡
間特定遊客買sim卡既位置係邊

我見其他人話機場可以買 但我問個詢問處佢話無
你可以再問問 懷疑佢hea我
出到昆明火車站 搭巴士
睇下邊架經東站（環城南路），（Sor呢個唔肯定）
附近有泰麗酒店，就喺對面定隔離，
你上巴士前問一問個司機經唔經先。
題外話，下次我諗我會揀係鴨記買算，
昆明移動買168先得2G，我都係岩岩夠用。

雨崩海拔重低過玉龍
怕咩

雲南的確風景靚
但雲南妹真係好樣衰

Day 2：麗江-瀘沽湖
話說經巴打推介，搵左瀘沽湖小馬哥拼車，
小馬哥唔得閒又推左我地比佢個同事，
古城上車就130蚊個來回，火車站就160蚊
（好彩我朋友識用流利普通話講價）
叫「那個夏天，那個少年」。（個名好MK）
我地落火車後唔入麗江，直接喺火車站入瀘沽湖。
本身約左佢06:30，結果佢唔知醒，7點半先到，
等我地仲以為佢放我地飛機添。


食個早餐先，11蚊。

終於等到呀師傅都幾後生靚仔，叫我地有咩問就直接同佢講，
又話佢偶像係劉德華。（唔知點解大陸人都好鍾意劉華）
入瀘沽湖車程約4個幾鐘，
同行仲有一對四川父女同東北家庭。


途中經過雲南18彎，
認真，我有少少淆，d路又彎又窄，個圍欄又虧虧地咁，無安全帶，
唔係幾敢訓，但我朋友又訓到昏迷。（後面都慣左D路係咁）


終於到瀘沽湖，個天好厚雲。
老實講，有少少失望，天氣一差真係唔靚。（唔排除係我影得太鳩）

入景區前要買飛，50蚊。
請各位巴絲緊記要帶學生證，門票價格差一倍。
跟著個師傅又叫哂所有人落車聽佢地個大佬講個簡單briefing，
我普通話廢，淨係聽得明食野前要問價，唔好比人「坑」，
同埋sell叫我地去個篝火晚會，加埋環三份之二個湖，包下午茶同晚飯，150蚊。見咁早去到無野做，我地就參加左。

之前「我看雲南」個post話留三日好D，
問個師傅可唔可以遲一日走，
師傅有D火滾咁話「不就是一個湖嗎？值得你們逛哪麼久嗎？」，
之後可能見我地呆左，佢再補鑊「我很多客人都說要逛三日，結果第二天就開始悶，說要走了。」
佢叫我地諗諗再覆佢。

我地住係大落水瀘沽湖湖思茶屋國際青年旅舍，
湖景房268蚊，呢個價係雲南住宿黎講絕對係超貴，
係值既。

房露台影出去既景，天氣好返真係好靚。
做過research，大落水同里格個景都靚，
里格無咁方便同較貴，但質素好少少。

一路係房hea到3點，師傳黎左接我地去篝火晚會，
中途有好多個位比我地落車影，加上天氣差，
影到有少少唔知影咩好。
師傅仲要串多我地兩句，影得夠多啦掛今次。


呢張係喺觀景台到影，特別之處係個心型，
呢張相係我地既自拍到cut出黎，因為無單獨影，
有好多人收錢可以幫你影相，不過窮撚係自拍。

幾架車既人都去哂同一條村到，唱下摩梭族人（女兒國）既歌，飲下佢地既酒。
同團既人都有跟著唱，氣氛幾好，
不過我地怕尷尬都係拍手助興下。
D酒有分男女飲，我地個杯好嗆同苦，
全部人都淨係飲左一兩啖，我諗唔係幾好味。


佢地D烤雞點埋D辣粉好好食，唔油但好脆同香口。

塊黃色既餅無味，好淡。

食完就有個摩梭族既女仔同我地介紹佢地既文化，
佢帶左我地去祖母屋（家族話事人住既地方），
提醒我地要尊重，例如左腳入右腳出呀，唔可以影相同隨便走之類。
祖母屋用木搭建而成，為左防蟲蛀會期燒香，
入面仲有間房生死門，
個家族既人無論係出世定死都會係入面，連屍體都要擺係入面一段時間。
至於走婚，只會係雙方有感情基礎後先進行，
如果要分手，只要其中一方比signal，就唔會再來往。
個女仔好強調佢地唔會好似電視劇咁喊苦喊忽。
其實佢講左好耐，不過訊息量太大、訓唔夠加普通話廢，我唔記得左好多。
跟著就黎料開始sell銀，佢話賺返黎既錢會比返工匠同當地細蚊仔起學校用，
而且講到好似萬能咁能醫百病。
D銀係比市價貴，而且係9990，呢part sell左我地45分鐘。
同行四川靚女都話佢sell得有d耐，話係西雙板納個邊淨係講兩句。
雖然如此，好似真係有人想買（可能係做媒）。
你話如果買下茶買下餅，我都仲買到呀，
銀六七百蚊起跳，D客點會咁順攤呢。


幾豐富，其他人食左幾啖就走，
得我同我朋友食到完場。

食完就去篝火晚會，好熱鬧好多人，
大概二十幾個摩梭族人圍著篝火跳舞，
當中有一兩個後生女係幾正，不過無圖。
最後佢地邀請埋成個場既人一齊落去跳，氣氛好好，
如果唔係人太多迫唔到入去，我都會一齊玩。
夜晚師傅順著山路車返我地出去，
驚險呀呢段，無安全帶又黑，山路又多彎，師傅仲要開好快，
我成程都唔敢訓捉著扶手。

個晚既月亮好大好圓好黃，
可惜雲太多太厚睇唔到星星。
 

雨崩海拔重低過玉龍
怕咩

玉龍我地行唔上
到4000米就停左
唔係因為高反，係因為我地體力廢，
見人話上雨崩仲難，嚇親

雲南的確風景靚
但雲南妹真係好樣衰

大理多d靚女

精彩真係要留返最尾 唔係返唔到轉頭
上年頭果幾日去完雨崩之後 後面啲行程都冇乜心機去

黎緊7月去西藏 如果去完西藏去雲南會唔會有咁情況

精彩真係要留返最尾 唔係返唔到轉頭
上年頭果幾日去完雨崩之後 後面啲行程都冇乜心機去

黎緊7月去西藏 如果去完西藏去雲南會唔會有咁情況

我都好好奇
未有機會去西藏
巴打玩得開心D

果塊青稞餅同路 好撚難食, 但第度果D係好食既

精彩真係要留返最尾 唔係返唔到轉頭
上年頭果幾日去完雨崩之後 後面啲行程都冇乜心機去

黎緊7月去西藏 如果去完西藏去雲南會唔會有咁情況

我都好好奇
未有機會去西藏
巴打玩得開心D

我仲未決定西藏完左去邊

精彩真係要留返最尾 唔係返唔到轉頭
上年頭果幾日去完雨崩之後 後面啲行程都冇乜心機去

黎緊7月去西藏 如果去完西藏去雲南會唔會有咁情況

我都好好奇
未有機會去西藏
巴打玩得開心D

我仲未決定西藏完左去邊

新疆
聽講好靚

果塊青稞餅同路 好撚難食, 但第度果D係好食既

下 個塊青稞餅黎？？？
唔係無落糖既pancake咩
喺香格里拉食既青稞餅好好食 甜甜地 又脆又熱
好想瘋狂查多D果Jam落去