【艾爾登法環】Elden Ring 主線劇情研究

最好笑係marika 直接講radagon 係黃金律法忠犬

樓主吹個雷神3故事基本符合我理解，大部分文本線索琴晚都有巴打分享左好多；等我又吹/腦補多少少Melina既身份，希望唔會被屌啦

其實我放唔低Melina癲火結局個畫面+Melina用緊遠古黃金樹時代禱告(而唔係樓主所講後來既黃金時代)

所以我傾向覺得Melina同時係Marika既女 -- 被Marika賦予尋找最有可能成為Elden Lord既褪色者，革新Elden Ring既使命 (搵主角、前往黃金樹下、燒樹等等)；亦係宵眼女王轉世 -- Marika利用被封印/燒死(劇情並無講明佢被打敗後既下場)既宵眼女王力量/殘魂創造既新靈魂，同時封印住佢操控命定之死/死亡盧恩既能力 -- 直至主角解放左死亡盧恩走向癲火結局先得到解封

只有咁先解釋到Melina同時用到稀人(類黑刀刺客moveset)、遠古黃金樹禱告、(解放宵眼後既)命定之死等等能力；同時亦解釋到成個主線流程Melina既使命同角色曲線，例如我地聽到佢到達黃金樹前會迷茫唔知點解自己"burned and bodiless"仲會存在，會感懷身世懷疑自己係咪應該盲從母親既使命(佢同主角講Boc同Boc媽媽個段)

至於Melina同雪魔女(Ranni老師)同Torrent前主人既關係等等就只有更少更少線索、更多更多腦補，有巴打有興趣+我未被人屌死先再講

呢個猜測幾正解釋埋ending Melina開眼

呢個都係照住希臘神話個系統啫

神嘅行為用常人知識理解唔到

我覺得純粹因為有三座塔，唔關佢地係咪姊妹事現實兩實裡面都有雙子塔，我覺得係類似稱呼

都冇理由比塵座塔咸濕教授架

咸濕教授係卡利亞嘅人，又幫菈尼整左個身體。算係大功臣。

睇佢套裝個說明都知佢有位咁上下地位
樓主，不過想問吓邊到有講塞爾維斯有幫菈妮整身體

估，成隻game得佢一個識整身體。瑟濂同菈尼一樣都係得靈魂冇肉身嘅人，所以唔係佢幫菈尼整肉身，都冇身二個。

即係鳩up

雖然好多野大家都係估，但呢個弱左啲喎
特別係考慮到Seluvis之後仲要再研究隻藥比Ranni飲，期望將佢變做自己既人偶

如果身體都係佢整佢要控制唔使咁煩啦下話

其實打完蒙葛特 反而想知邊個趕接肢走
如果係蒙葛特趕佢走 點解要幫佢守史東城
如果唔係蒙葛特趕走佢 點解唔係接佢返王城做王

接肢係自己敗走 攞咗原本史東領主座城做基地玩接肢技術

惡兆王由頭到尾都係堅守黃金律法 佢係唔想接肢盧恩俾人搶走

先唔講佢無能 破碎戰爭打王城都已經好大罪喇
唔係點會有個接肢俾人監禁咗

依嫁先知黑劍房艾爾登圖案12條線係對應

到艾爾獸果十二隻翼

但法環一爛 女王就俾雙指鎖住 咁即係拉達崗都鎖住 咁就無咗王喺王城
葛德溫即使肉身未死 但靈魂已死
惡兆兄弟理應唔會做到王
咁接肢唔係應該喺破碎戰爭即時上位坐王城王位？

簡單啲講王係由無上意志揀嘅

破碎戰爭正正係睇人邊個夠格做新一個神，結果冇一個打贏

果陣開始應該神同王既位都暫時失蹤，去到tarnished返嚟全世界都爭取做王，神就睇下無上意志想揀邊個

但其實大家都唔知王只係神既棋子，做到王只係幫手打江山。即使接肢有血統都冇用，因為係睇邊個好打，佢打唔贏就乜都冇得做

明白咗之後我反而覺得蒙格特句叛徒好傻
既然咁多位半神同神人都明白王位係以實力為先
破碎戰爭係必然發生同係正確遊玩方法
咁其實無背叛意味 蒙格特空有一身實力反而唔用係佢嘅選擇 其他半神都只係做返正確嘅事

最諷刺係佢最正氣、最盲忠黃金律法、一開始有幅圖仲要好打到同碎星打到難分難解 (純粹睇圖估)，但應該係因為有好多熔爐DNA而冇獲得賜福

佢真係最諷刺 最排斥佢嘅係黃金律法 唔係黃金律法佢唔洗隱姓埋名 連打個交都要披塊爛布上身
但最信黃金律法嗰個都係佢 連接肢都唔敢殺

我打完佢之後 睇下個追憶 仲諗咗陣 點解佢會守史東城

鳩到比人一篤即破
網上有人講過係用學院人偶士兵作為身體,共通點係大家都一樣4隻手

我覺得劇情係刻意安排到佢咁諷刺咁盲忠，凸顯番黃金時代既美好底下係幾咁僵化幾咁值得被打破被革新

現實任何一個獨裁國度，總係有呢啲盲忠到自我閹割既人繼續極力維護個咁既制度

反而想知熔爐騎士用到熔爐百相能力 佢哋入面個本體係唔係惡兆
喺黃金時代後期 佢哋老細葛孚雷俾女王趕落台都唔反王城 仲有幾隻幫手守 永恆之城又見到幾隻 究竟佢哋係幫邊面㗎

我覺得似係上古呈現到熔爐百相能力既精英，至少兩個首領係
(未去到黃金時代咁被人歧視 -- 黃金時代權力穩定落嚟之後先出生既惡兆唔係一出世被割角掉去軍隊做炮灰就係被困係皇城地底)
所以睇你點define惡兆 -- 雙指掌權開始OR甚至去到黃金時代以後呈現到熔爐百相特徵既BB/人先叫惡兆；同樣特徵放係遠古時代則備受尊崇唔算惡兆，但本質只係講緊同一樣野/同一種人

但Godfrey好似都好多人覺得佢雖被流放，但其實無同雙指/無上意志甚至Marika反面，主要係講緊佢翻黎王城打主角個段自白語氣都幾mild，類似自願番黎覲見Elden Ring 同做主角既最後試煉咁；所以熔爐騎士都好難講