【艾爾登法環】Elden Ring 主線劇情研究

反而佢釋放死亡盧恩都唔做得返神人
佢自己會為點火而死(正常情況下)
因為神人係同肉身相關 會受無上意志控制
所以拉妮先選擇拋棄身為神人嘅肉體
走上暗月嘅黑暗道路

呢個反而唔算腦補
因為神皮 god skin
係真係講緊佢地殺咗啲神
將佢地啲皮當衫著

然而佢地係侍奉宵眼女王
宵眼女王under無上意志
我地又冇見到神皮好似商隊咁比人罰
唯有假設宵眼同神皮係無上意志嘅劊子手
專去獵殺唔投誠嘅半神(其他勢力)

同埋我地喺唔同嘅地方都見到存活嘅神皮
同其他勢力相比
癲火 (大商隊 活埋)
星空 not 滿月(比打到地底)
腐敗女神 (地下大迴廊)

所以我地睇得出
宵眼同神皮一族更加似係黃金樹嘅附屬多過敵對

但如果冇咗宵眼嘅身份解釋
就好難解到點解佢可以成為火種
因為呢個火唔係人人點得
係要成為(見過)火炎嘅虛像先得
虛像就係代表承載住力量.

如果將佢搭埋宵眼嘅身份
掌握黑炎 又為咗封印命定之死而死亡
因為無上意志係希望佢嘅使徒永不死亡

咁就可以解釋到, 點解個個都唔可以點火
得兩個人可以
Melina, 主角(已癲)
維克嗰到而家係講咗
單單掂到係唔夠點起灰滅火炎
要好似主角咁無套內射先可以點得起
咁都間接表明Melina唔係單單望過下咁簡單

使用黑炎嘅神皮
使用癲火嘅維克
都淨係使用緊火炎

要去到主角/Melina
直接承載(過)火炎
先可以成為薪柴

唔係嘅話
恩雅講 點火嘅條件
Melina被火燒死
呢幾句就會係廢語
但見FS cut咗咁多對話
仍然留低呢句 就一定有更深嘅含意
如果唔係 應該會cut咗佢先啱

但宵眼係指頭嘅神人嘅
由拉妮需要燒爛個身
瑪蓮妮亞嘅金針, 米凱拉嘅律法
(純潔黃金 拒絕一切外界幹涉)
先可以拒絕到無上意志
咁"指頭的神人"
至少知唔係三指 唔係嘅話
神皮已經比活埋咗

咁無1245指
唯有話佢係被雙指選出
係隸屬於黃金樹嘅勢力

其實睇返無上意志嘅作風
鐘意滅族, 鐘意炸城
如果神皮係一班針對黃金樹嘅恐怖份子
又點會佢地活口, 比佢地擔當要職
(喺龍城鎮守命定之死, 喺蓋利德神授塔鎮守)

唔係話唔得, 但會有啲講唔通囉
其實你睇返無上意志
佢其實係撚樣嚟

神獸交就擺明玩緊膠啦
嗰段我比較認為係無上意志制衡Marika嘅手段
本來由法環抽出嘅死亡 封印喺Marika個女身上
喺死亡嘅威懾唔再對外嘅時候
為咗防止Marika有能力主宰佢旗下半神嘅生死
就將宵眼女王嘅命定之死抽出
轉移到古蘭格(Mariketh)身上
去進一步壓低Marika將來反抗嘅可能性

至於點解係獸人
狼人支線都有講
獸人作為影子
神人背棄無上意志嘅道路嘅時候
就會瘋狂 可見佢地係對獸人有控制嘅能力。

點解野獸祭師冇癲
我會係咁諗
打爛個ring本身未到真係背棄
頂多係wtf
背棄應該係去到拉妮咁
直接去攞弒神嘅刀 斬死埋神嘅使徒先算係

但其實而家癲火都冇威脅
要靠到夏波利利借屍還魂先得
腐敗有威格
真實之母有蒙格
但癲火就連個正經嘅使者都冇
佢地都要比人打入最深處

但神皮嘅威脅係絕對存在
佢地係講明
令所有半神感到畏懼
如果真係恐怖到咁
又點會奪走咗命定之死
唔驚佢地起義反抗
咁就唔太合理

所以命定之死更似係權謀嘅結果
唔係敵對嘅強奪.

因為命定之死係整出嚟嘅
佢係Marika喺法環入嚟抽出嚟
令受賜福嘅人永遠不死.

所以命定之死係喺Marika當權後先存在
而且命定之死就係皇朝嘅根基
可以透過殺人吸盧恩嘅力量
永遠唔會死亡嘅賜福

所以話命定之死係敵對反而唔合理

太多支線互相呼應啦
星空講咗咩係神人
死誕者係黃金樹嘅原理
百智同女戰士呼應Marika同無上意志嘅關係
女武神就係講神明唔係單一 而且可以拒絕

佢太多細節位收埋喺道具細節
有啲位係留白
但勢力其實已經喺道具講得差唔多

你仲要睇返命定之死 aka死亡盧恩係點嚟
呢樣嘢本來一直都係個環入面
作為天理循環嘅一部份

但遠古黃金樹年代
永恆女王瑪莉卡將死亡盧恩剔除抽出
先成為命定之死去封印
至此其族人永生不死.

咁重要嘅嘢 又點解會落入外人嘅神皮手中
佢地又點解要侍奉黃金樹嘅命定之死
而唔係代表舊時代死亡嘅死亡儀式鳥嘅靈火

合理嘅解釋 就係神皮係隸屬黃金樹
所以先有資格接觸黃金樹嘅唯一弱點
命定之死

同埋其實點火嗰到有講得明
由夏波利利, 燻火教堂嘅火種巫女
我地都可以知道, 唔一定係命定之死嘅火
只要佢寄宿過火炎 癲火又好 惡神火又好
紅獅子火都好 都可以引燃永不滅絕嘅灰滅火炎

所以其實資料係夠

同埋如果你接觸開soul系列
就會明, 好多資訊其實係夠
英高好鐘意一個人多個身份
培爾嘉=罪孽女神=淚神=天使=半蛇
無名王者=太陽長男
太陽王女=洛斯理克王妃=重生之母
葛溫=太陽神=光之王=烏薪王=薪王

有時唔同名 唔代表唔同人
更多係佢地嘅名號除住時代改變
所以更多時候係盡量match名

唔洗咁推，黑焰禱告有講宵眼係無上意志手下，不過俾人封完之後既神皮教仲係唔係就唔知了

你又唔講下邊到唔夠
我用嘅樣樣都係文本證據
話埋命定之死同宵夜眼係屬於黃金樹

你又搵唔到文本話佢地反抗黃金樹喎
而家到底係邊個腦補緊.

睇comment愈睇愈亂 頭都大埋

開左主線劇情入面最少實證既人物討論就係會咁
連登唔太適合呢啲討論，好多時我都唔敢打晒自己睇法出黎

神皮應該仲係
除咗火山嗰隻 我唔多明
因為睇佢地守嘅地方就知
卡利亞同黃金樹結盟嘅證據 神授塔
因為葛德文與古龍化敵為友
所以龍城都係屬於黃金書
佢地就守喺教堂

所以我傾下神皮似係改組退休
投閒置散多過真係比人趕盡殺絕

明明喺禱告 寫到佢地痴撚線
追啲神嚟殺 著埋佢地啲皮
但而家佢地就逼住守埋晒啲正常冇人去嘅地方
所以神皮更加似係因為宵眼同Marika嘅失勢
加上拉達岡同黃金基本法嘅強勢
所以喺黃金基本法年代比逐漸被架空

實際打返轉會好啲
我平時執裝都會開住道具說明嚟睇
入面其實透露咗好多嘢