MPF強積金掃盲/ 表現討論 (3)

MPF掃盲清潔工

1001 回覆

56 Like 5 Dislike

酩酊大醉 2023-01-06 02:31:05

升市唔會一路keep 住既，要回多段先爆上

酩酊大醉 2023-01-06 02:32:01

佢呢隻咪散户心態，15000 唔轉，17000 唔轉，19000 唔轉

MPF掃盲清潔工 2023-01-06 10:54:55

見到拎強積金短炒投機既巴打呢幾日GEL 曬頭，有本事係值得開心既

不過我主要係黎提醒選擇用低成本指數式基金既用戶，當你地選擇咗被動式指數基金，就已經決定不論牛熊環境都會堅持計劃，一早會遇左身邊會好多雜音影響你投資決定，由上至下，大量新聞資料，例如主動式基金經理好似ARKK 咁一年翻幾倍，下至傻散扑中左市況賺成倍，又或者神級操作聲稱自己一早100%轉曬保守基金，呢D雜音都係好容易影響你既信念同投資計劃。我地選被動式基金既係會接受市場先生既報酬，你選擇前就已經知道100%全股票組合歷史上會有高達50%虧損，而家加埋25%都未有，可以預見2023年仍然大概率係負回報，大家應該按年齡同心臟承擔能力調整股債比例，同埋合理咁分配市場，何況合理市場比例，參考返一般環球ETF VT, ACWI, 切忌過度集中同有HOME BIAS

MPF掃盲清潔工 2023-01-06 10:57:11

環球股票基金都係唔錯，
前提係你唔係拎份MPF 黎短炒

活人鏢靶 2023-01-08 14:51:41

Mclaren 2023-01-08 15:39:42

我新公司都用hsbc 轉晒去舊公司永明過去

XDOO 2023-01-08 23:46:39

用永明個D同炒股票用耀才一樣

MYQL 2023-01-08 23:52:34

想問幾樣野
有冇網站可以睇到邊隻index tracking嘅股票mpf管理費平
依家用緊匯豐智選算係咁睇下有冇得再平

同埋除咗匯豐
有冇其他公司做到計銀行premier之類

最後就係有冇巴打每年都會轉會去r迎新

MPF掃盲清潔工 2023-01-09 12:11:45

tracking fund管理費方面可以上返積金局個比較平台去睇
但係就冇得同你揀剩係睇tracking fund，你真係要自己做功課

深入了解強積金基金架構上，核准成分基金(即係你揀到既基金名，例如北美股票基金，中港股票基金)，係投資於以下2個類別，分別係「核准匯集投資基金」同「核准緊貼指數集體投資計劃」

AIA 隻美洲基金只係買「核准緊貼指數集體投資計劃」中既SPY同IVV，咁算唔算tracking fund呢? 架構上係唔算的，睇下基金文件係咁講

「美洲基金是一項純粹投資於核准指數計劃的投資組合管理基金。美洲基金的投資目標是主要投資於緊貼北美股票市場指數的基金組合，以尋求長期資本增值。美洲基金不是緊貼指數基金。
除持有小部分現金或與現金具有同等套現能力的投資項目作營運及／或對沖用途外，美洲基金只投資於緊貼北美股票市場指數的核准指數計劃」

點知為之算係絕對tracking fund, 寫法要好似HSBC 智優逸北美股票追蹤指數基金咁寫
於二零二一年十一月十九前，智優逸北美股票追蹤指數基金 (前稱「自選美國股票基金」) 的投資目標是實現長期資本增值。自二零二一年十一月十九日起，智優逸北美股票追蹤指數基金 (前稱「自選美國股
票基金」) 的投資目標是透過直接投資於擁有相若投資目標的一項核准匯集投資基金 (HSBC Pooled North America Equity Index Tracking Fund)，以盡量緊貼 FTSE MPF North America Hedged Index 的表現。

睇多個例子，好似BCT 隻世界股票基金，係分別只係買「核准緊貼指數集體投資計劃」下不同既ETF，但基金經理有權調整投資比例，所以亦唔可以算係tracking fund

所以.....要自己做功課睇下每隻基金佢透唔透明，你知唔知佢係買緊咩野
，由於強積金制度班仆街不作為，係「核准匯集投資基金」下既一堆基金，你係唔會搵到好似一般零售基金咁有季報睇到初步表現，好多時睇週年報告你都只係睇到個基金名，都係唔撚知買緊咩野

-----------------------------------------
你想每年做轉會舔優惠迎新呢個point, 我覺得除非你係全渣保守基金，你先可以做到冇風險咁轉移，否則你渣住股票基金係手，係會有風險好似11月12月咁港股咁低賣高買情況，因為整個轉移過程要一個月時間，話短唔短的

新木優子係我老婆 2023-01-11 17:44:16