[10年英撚]BNO中學同學

真 成日話英國人racist又盛
我係到咁多年 聽過人真係講出口最racist既說話 就係來自新過黎既香港人(唔計boarding𡃁仔果時聽果啲 我當佢地未成年）
當眾用英文問呢區係咪多黑人 中東人 話覺得自己會比人打劫 因為Asian 有錢 佢地窮
跟住又話中東人身有陣味
佢買樓靜係會住「白人」區 etc

我男朋友喺英國讀過幾年大學，上年再過嚟讀埋個碩士，
咁條撚樣咁5+1，咪一齊過嚟當互相照應。
喺香港嗰陣我就發覺搵屋嗰啲嘢條友幾乎冇理過，
求其send兩條link當做咗嘢就乜都我男朋友搞同打電話。
到兩個人去英國一齊住，短短一個月，
我男朋友已經話好後悔同佢一齊嚟，
我人喺台灣嗰陣都聽佢講唔少，所以決定去英國之前都有一定心理準備，
不過最後當然連我都頂條撚樣唔順

我啱啱到埗嗰日，條撚樣第一句就係話「我同佢(我男朋友)唔係好熟架咋，純粹中同」，我嗰陣都心諗做乜撚嘢，劃清界線定咩呀?
之後佢就加多句「好嘢，間屋依家有一個男仔兩個女仔!」(條撚樣係GAY，唔記得講)
咁講嘢kam呢啲我仲頂得順，一齊住就要忍讓吓，
仲同自己講，可能佢唔係好識講嘢啫，其實個人應該都唔錯卦，
起碼砌櫃呀砌櫈嗰啲都有幫手，我仲諗佢好似唔係男友講咁懶遮。
我男朋友專登陪我幾日，去買下嘢帶我睇下附近有啲咩，
嗰陣都尚算相安無事，我對條撚樣都客客氣氣咁。
之後男友準備考試就冇時間陪我，間屋得我同條撚樣就開始嚟料。

因為方便我男友隻貓出入，我哋房長期都係掩門唔會閂實，
條撚樣就覺得自己都可以自出自入，
成日粒聲唔聲走入嚟望下你做緊乜然後搭嗲。
甚至佢會直接瞓上我哋張床撚貓，
撚完仲要喺上面拍乾淨手呀身呀啲貓毛。
其實我話過佢好多次，
佢會駁我話自己日日都有沖涼，啲衫有洗好乾淨
大佬呀，根本唔係你乾唔乾淨問題(何況佢唔係日日沖涼，唔係日日刷牙，不過佢個人衛生唔係太影響我所以唔多講)，呢啲係家教問題囉。
我同佢講，你拍貓毛都拍落地呀，我日日拖地都拖得走呀嘛，
佢仲勁唔耐煩話「張床本身都好多貓毛架啦」

咁嚟英國前都知外賣好貴，所以晚餐我幾乎日日煮，
朝早我煮小小嘢俾男友出門口返學之前食，
下午我通常就自己煮個麵或者炒個飯鳩食就算，
晚餐我會煮三人份量，男友趕功課夜返我都會留碟飯餸俾佢。

一開始都唔覺，之後發現只要我下午入廚房開始整嘢，
條撚樣一定扮「針」水望下我煮乜。
當時仲處於客客氣氣階段，咁好啦，煮埋佢嗰份囉，
雖則佢真係唔該都冇聲，煮個麵都可以彈我做乜唔落葱
晚餐又係，又話唔食辣呀又話唔鍾意蕃茄呀，又話麻麻地雞，
問佢點解麻麻地雞呀，佢就鳩噏話咩以前鄉下個阿婆養雞，
睇到慣晒冇乜興趣，我同男朋友都心諗「噏乜撚呀...」
咁雞同蕃茄我都買少啲囉，煮少啲辣嘢囉。
有次我碟餸加咗兩粒仔辣椒仔，條友全程閪面，好似食屎咁食，
有時碟嘢純粹係三色椒，佢見到有紅色嘢就會好大反應咁望住我。
但最神奇係，佢聲稱自己小小辣都食唔到，XO辣醬佢又OK架喎，
仲話佢以前都會空口畢嚟食。
OK，我當佢真係咁獨特淨係受唔到正常辣椒味。

有次我唔舒服冇煮，咁男友夜晚返嚟叫外賣，
叫之前已經敲佢房同佢講「今晚唔煮飯呀，你自己睇下點啦」
我未嚟之前，男友已經習慣叫外賣淨係叫自己嗰份，
一嚟自己成日喺學校做project做得夜，
二嚟叫外賣條撚樣係永遠唔會夾返錢。
咁嗰日男友見嗌嗰間好近咪自己出門口拎，
條撚樣又走入嚟我房問話我男友出去做乜，我話拎外賣，
到男友返嚟，佢見到得兩兜，就走咗入廚房拎隻碗同我哋分食
我男友都呆咗，有冇厚面皮厚撚到咁

煮埋俾佢，佢仲要嫌三嫌四都算，佢係唔會幫手洗碗。
有次煮完麵，我食完拎入廚房洗，
佢就走入嚟喺我洗緊碗嗰度倒湯，仲要邊倒邊講
「所以我唔洗碗架，洗乾淨又有呢啲油淋淋嘢倒入嚟真係好核突」
有次我喺廁所擦沖涼膠邊啲發霉跡，
佢走入嚟望到就話「其實我沖涼嗰陣有搵水fe吓，不過真係好核突囉」
我鍾意乾淨，同埋有養貓，我真係日日拖地洗廁所，
我初初有順手拖埋佢間房，後尾真係好攰唔拖佢間房，
佢仲好唔理解咁講「拖地有幾攰呀」
又話「即係我唔係話你痴線，但係英國人其實好懶唔會日日拖地囉」

佢好搞笑，我哋做緊家務呀煮緊飯嗰陣就一定企定定望住阻撚住晒，
有次我煮緊飯頂唔撚順，叫佢不如出返去啦，
佢駁話「你又唔係生仔，點解唔俾望」
我唔知佢搵存在感定咩啦，企企下又成日喺啲好奇怪地方「幫手」，
例如我離開個爐幾秒去拎調味料，佢就會拎幾隻手指夾住個鑊鏟喺咁二撩幾下話驚燶，我同佢講我冇開大火，兜少兩秒唔會燶架。
有次我平鋪晒啲肉等煎香嗰陣，
佢又趁我洗緊隻碗嗰陣走嚟兜鳩亂我啲肉，
我直情叫佢以後可唔可以唔好掂我整緊啲嘢
有次佢屎忽痕「幫手」洗把刀，洗完就咁刀刃向上放落碗籃，
我差啲直接伸隻手入去拎碗，好彩縮得快。
嗰下我男友係勁嬲，明明同佢講咗好多次，
刀具洗完要即刻抹乾放返原位佢都唔聽，
條撚樣一如以往唔會認錯，駁話「咁佢有眼睇架嘛」

題外話，條撚樣好鍾意喺我哋面前用好Opera式既tone講英文，
加埋佢把聲真係好難頂，我都唔知邊個話佢知英國人會咁講嘢，
睇鐵達尼號啲人都唔係咁撚樣啦
但佢淨係會喺我哋面前講英文，一對外人就笠晒水變啞仔，
次次房東嚟整嘢傾嘢都係我男朋友應對，
佢就繼續屈喺自己間房扮死，
到啲人走咗又走出嚟扮晒嘢問咩事

仲有好多好多冇打出嚟，打落去真係出書都得
最後針對佢憎人富貴嫌人貧呢單嘢講。
其實英國homeless係社會問題，個個城市都好多，
有時夜晚去tesco買嘢，有homeless問可唔可以買個飯俾佢，
我男友都會帶佢入去揀再幫佢俾錢。
我哋原則係直接問拎錢一定唔會俾，但幫佢買嘢食就冇乜所謂。
咁有次我哋三個人食晚餐講起homeless，
佢就一副好嫌棄既樣話「其實一個人要幾懶先可以搞到自己瞓街?」
嘩，講懶，佢認第二邊個敢認第一呀...
但平時又成日喺我面前揶揄我男朋友係少爺仔，
又怨自己屋企住公屋冇錢供佢出國讀書，
話「我都好想屋企有一百萬供我讀碩士呀」咁
成日暗示自己有料到可惜冇人裁培咁。
係有料到就直接考入香港啲大學啦，
結果咪又係走去讀支那啲濕鳩呃錢大學。
都就嚟三十歲人仲怨屋企，將自己做人失敗賴落屋企度，
喂，起碼屋企唔洗佢俾家用，
喺屋企有個老母俾佢當工人洗，
佢真係十指不掂陽春水咁撚樣，唔係點養到佢咁撚公主病。
佢睇唔起既homeless，起碼我哋遇到既都好有禮貌，
買飯俾佢哋都識得講唔該，
唔似條撚樣覺得人哋幫佢對佢好係老奉咁。

都係嗰句，依家名正言順無視條撚樣真係開心好多，
條撚樣就算敗走返香港都唔會再聯絡
呢啲賤人真係早日擺脫好啲

關心你，係因為係你身上仲有利用價值啫.

睇得出你心地好好.但對住自私既人就決絕d唔好有咩交流啦

翻admin工有手有腳都做得係到串串貢

Hi Billy

你嗰隻性格諗住幫得到就幫
舉手之勞、唔計較
用落同香港人相處
唔work㗎

一凹一凸
就會被香港人使盡你
佢哋唔會同你客氣

比人知佢識你都影衰晒
放過自己 唔好再聯絡啦

嘩屌...睇兩段都頂唔撚順
feel到日日都受罪咁
你哋又係好撚忍得，比著我呢啲惡啲嘅就一早屌撚到佢反皮
心情差少少真係打撚柒佢
仲要同個撚樣住多幾耐？

見樓主心地咁好 覆多句
第一 我會del 哂 block 佢所有contact
第二 我會約返班fd 圍內玩 唔受佢 如果佢走黎r既 就當面同佢講 我地唔岩做朋友 同你相處令我非常唔舒服

我忍咗兩個月都頂唔太順架啦，
日日都望佢快啲搵到工，唔洗我一日到黑對撚住佢

佢嚟咗英國大半年幾乎冇主動搵過工，日日屈喺房打機，
最多一兩個星期佢去下M&S買吓自己要食嗰啲即食沙律菜，
跟住就唔撚出街。
成日話仲執緊個CV，又話呢邊大學城幾乎冇佢做嗰行(股票)，
我以為可能係做得好專要考牌嗰啲，
屌原來係細行仔文員，仲要就嚟廿八歲人得嗰兩年工作經驗，
我哋都勸佢，嚟到英國又唔係太多經驗，
做吓店員呀，侍應呢啲都幾好呀，佢就成日話再等吓agent有冇介紹先。
佢勁到同我哋講話miss咗面試封email，
雖則我唔知email可以點miss，佢咁講我咪咁聽，
我哋咪話，咁咪直接踩上去間舖頭傾下，反正喺附近咋嘛。
佢就話佢有架，不過去到見到個經理好似同人傾緊計就算啦咁

搵工冇得逼，佢舊錢頂得順咪由佢囉，又唔關我哋事，
但佢耐唔耐就講，話我嚟咗之後啲油同洗潔精用得好快，
佢哋以前一星期都煮唔到一日飯同日日煮飯，緊係用得快咗，
跟住就問我做乜唔儲多幾日垃圾先掉出去，明明個垃圾袋仲有啲位。
大佬，入面有食物殘渣架喎，其實放兩日已經開始有味，
放多兩日臭咗又唔撚係佢負責掉出去，
佢連自己房啲垃圾都就咁放喺廚房等我哋掉啦
我哋就估到佢應該真係開始唔夠錢洗

之後佢搵到份唔洗講英文，成間舖啲人唔係香港就支那既食肆做，
佢返工前一日我哋仲嗌Pizza請佢食叫做賀一賀佢，
當然又係唔該都冇聲。
不過冇所謂! 係我終於唔洗日日對住佢同日日煮佢飯! 開心!
到有日佢放假，煮埋佢晚餐，食飯嗰陣純粹隨口問佢返工返成點，
佢就食咗火藥咁「其實呢條問題都幾廢，咪又係咁仲可以點」
跟住佢就話，個同事拎咗啲工具收枱抹枱，
咁佢就冇工具咪企係隔離望住佢抹，佢就俾同事講咗兩句
佢都仲未知自己衰乜，繼續呻話同事成日點佢去倒垃圾，
大佬呀佢本身都閪口閪面唔開胃，叫佢serve客你又做唔到，
請佢返嚟企好唔好?
再呻舖頭啲嘢食(自助餐)好多都有汁，見到都飽唔開胃
喔... 咁咪唔好食囉，自己出去買囉

佢返咗兩星期左右，到有一日夜晚佢突然話同事約佢出去飲嘢，
我哋心諗，嘩佢終於大個仔識自己出去social下啦
結果凌晨四點，問都冇問過我哋就帶個支那女同事返嚟，
佢返嚟之後講嘢把聲我仲以為佢帶多咗個男人返嚟，
屌原來係佢把聲
話個女同事冇地方瞓要喺度過夜，嗰下我已經嬲到爆，
有冇咁撚唔尊重我哋呀?
但係個女同事住嗰度嗌uber 10分鐘就到架啦喎，
佢就繼續講，話女同事冇帶鎖匙，室友又早瞓所以冇計
屌，係唔係咁撚戇鳩呀，呢啲藉口都好信，
擺明出開嚟玩然後隨便上人屋企嗰啲臭雞啦

結果隻臭雞唔知做乜唔瞓，一直喺我哋房門行嚟行去，
之後朝早五點幾走嚟拍我哋房門問廁所喺邊
(隻臭雞唔知我喺房，重點係佢一入門口有去過廁所架喎)
我屌佢老母，唔問帶你返嚟條撚樣走嚟問我男朋友?
條女一係手痕一係閪痕，結果搞到我天光都唔撚敢瞓。
到下午我就出房開始打掃，條友瞓喺廳sofa揭開小小被，
見我面口燶到痴線即刻冚返住個頭，
跟住趁我入廚房擂拖地布嗰陣就極速殊返入房

之後我同男朋友已經完全無視佢，
條撚樣唔敢大搖大擺喺我哋面前出現，佢都冇再同我哋講嘢，
我就非常樂意見到呢個狀況，反正佢講嘢成日前言不對後語，
講大話講到以後聽既人係白痴，聽嚟都晒精神。
不過呢兩日佢又有意無意想返撩返我哋講嘢，
但係sorry，唔係好熟，冇嘢好講

忍唔住又講咗咁多，
我同男友大概留多幾個月至半年就會返香港，
成世人都未試過咁想返香港真係
so far 諗住返香港同男友簽咗字先，準備下就會正式5+1入英，
雖然唔適應台灣，不過自己幾鍾意英國
下次嚟就真係可以二人世界

因為普遍香港都有嗰種崇尚白人萬歲嗰種潛意識，但係未去過外國接觸多元文化，俾啲19 PKOL講完就以為係真

樓主係咪94 年，岩岩10年英撚，12 年讀大學岩岩好

條撚樣傻ga wor

想知係咩事

咁撚閪都仲忍到
仲要留多幾個月至半年
呢啲人發起癲上黎做咩真係冇人知
真係祝你地好運

條友唔係hehe？點解會帶女番屋企？

你重慘過樓主，住埋一間屋迫住要對住佢
佢咩人黎可以咁痴線，點解你男朋友會一開始同佢分租？
你未去英國時，佢對住你男朋友係咪係無咁惡劣，見你黎左有人負責做家務當正你係工人

祝你剩返幾個月生活唔會再比閪人影響，同佢劃清界線

樓主會唔會太好人

巴打太重人情

結果就會比呢d仆街當你契弟

最大鑊柒完仲大大聲同人講自己香港人 好自豪咁
我真係唔想比人將自己同呢班人歸類埋一齊(只係講緊失禮果班 唔係講緊所有香港人)

呢啲真係要當面同班新廢國人講，就算在英港人組織都要教佢哋去接受多元文化，唔好牙牙學語咁去學以前3K黨咁歧視人囉

利申都係唔like左膠

Billy癡撚線喎乜撚野叫少左理香港野就係港豬

Billy係真名？