【Edan首播《Elevator》新MV兩度放流料 萬人被玩｜爵屎連環被整蠱：又呃我信任】
呂爵安（Edan）喺噚日愚人節推出首隻solo跳唱新歌《Elevator》嘅MV，兒登一早預告夜晚8點上架，大批「爵屎」同網民準時等候，臨播出前一兩分鐘爵屎緊張到不得了，等到心跳加促，點知去到8點，畫面播出嘅竟然係隻女鬼，然後有把似係Edan扮女人嘅聲音：「8點3再番嚟睇啦！」大家當然知道被百厭兒登整蠱，爵屎好有耐性等多15分鐘。到8點3，嚟啦，個個金睛火眼等睇，真係Edan出場！點知⋯⋯「HaHaHaHa~愚人節快樂，8點半再番嚟睇啦！」跟住畫面就黑cut，大佬呀~兩次都過萬人等緊，網民同fans都要炸下兒登，「又呃我信任！」、「拎刀嚟」、「爵屎連環被玩事件」、「嬲你又愛你」⋯⋯
群情洶湧，兒登突發開ig live，坐喺車上面嘅Edan講番諗過想出條假先再出真、出條假再出假再出條真⋯⋯「相信大家未估到係咪八點半真，見大家好多問號，哈哈哈，應節嘛，愚人節大家唔可以嬲，大家願意等嘅。」跟住聽到花姐把聲「點安撫人呀？」百厭仔好有自信：「見到我都應該安撫到嘅⋯⋯安撫緊，呵緊，唔好嬲，我都好緊張，係咁芒住，（網民留言）『好期待好緊張』、『頂』⋯⋯so sorry！」兒登繼續發揮急才，兜：「歌詞叫人唔好咁心急，平常心，等下仲開心，着急解決到嗎⋯⋯急咪唔好睇⋯⋯咁又唔得，都要睇嘅。」
Edan本尊現身，之後好彩冇狼來了，8點半真係播MV，網民睇得開心，輕快嘅歌，兒登又跳得好喎，加埋MV多嘢睇，爵屎笑番晒。MV出街，兒登出po再呵番大家：「愚人節快樂！由1900開始緊張，擔心會意外，又擔心做唔到我想像嘅效果。不過急嚟都冇用，因為心愈急愈煩問題愈難拆，所以都係平常心。希望呢首歌同MV可以帶到歡樂同驚喜俾大家啦。（不過玩你哋都真係幾好玩，見到你哋啲反應笑死）。」MV畀Edan「加料」之後，走勢好似坐直昇機咁，7個鐘已經成30萬點擊，好凌厲。
講番新歌，Edan今次係特登以開心嘅跳唱歌送畀fans：「相信大家等咗一段時間，同埋喺新一年都想嘗試新風格，加上自己鍾意跳唱，雖然唔叻，但都想有呢個嘗試。」點解歌名叫《Elevator》，其實係兒登同填詞人T-Rexx溝通後嘅成果，借升降機比喻人生嘅重重關卡，「好似等𨋢，你要等架𨋢到，先可以入𨋢，架𨋢唔到，又或者發生乜嘢意外、你喺架𨋢裡面但佢層層停、困𨋢，呢啲都好似我哋嘅人生，好多時都控制唔到，倒不如換個心情，大家唔好咁急，easy啲，放輕鬆去對待你人生嘅每一件事。」
MV入面嘅Edan好活潑，扮下保安員扮下Model，又吊威吔喺lift度被揈來揈去，坐喺馬桶唱歌、又有跳舞部份，仲有幾位嘉賓出鏡，有Anson Lo同牙Jer扮裝修工人、羅家英扮的士司機、「正印」小儀扮血新娘同《闔家辣》導演鄭晉軒客串外賣仔，非常熱鬧。
扮鬼扮馬難唔到兒登，但跳舞未必係佢最強，冇MIRROR兄弟傍住，Edan話係會孤單，怯嘅感覺更強烈，「真係到咗自己一個去做跳唱，先發覺自己喺跳舞上好冇信心，驚自己跳得唔好。今次搵咗肥仔（ERROR）排舞，佢喺我大學時已經係我跳舞老師，不嬲對佢排舞好有信心，因為識諗好多畫面嘢，佢諗嘅畫面可以填補我嘅不足，但排舞後先發現自己有好多動作做得唔夠好，所以噚晚（拍MV前一晚）肥仔幫我加操咗一堂，今日其實跳舞部份好緊張，都擔心出嚟效果會唔會爭啲，但應該OK嘅。」話OK，但當拍攝跳舞部份時，第一個跳錯就係Edan⋯⋯當時佢即刻嗌停，「我呢啲叫以身試法，跳錯要即刻出聲，唔好嘥力。」
圖片：Edan Lui 呂爵安
#smartposthk #囧報
Follow us on MeWe：
https://bit.ly/33lWxDh
Follow us on IG：
www.instagram.com/smartposthk
慶祝兒童節特集
邊個歌手最得意？
嚟緊4月4號就係兒童節，想唔想同一班歌手回到童年時呢！唔開講笑，佢哋分別係Edan呂爵安、MC張天賦、Tyson Yoshi、林家謙、洪嘉豪、陳凱詠、Janice衛蘭、鄭中基、馮允謙、陳柏宇、林奕匡、Dear Jane、盧冠廷、小塵埃、Manson張進翹及Tiab等。
事關串流音樂平台Spotify喺4月1-7號將推出兒童節企劃，只要你喺呢七日開個app 聽歌，唔少歌單嘅cover就會換成呢班歌手嘅童年相，活動主旨係希望大家喺忙碌嘅生活中保持童心，好有意義呀！
#兒童節 #企劃 #童年相 #Edan #呂爵安 #MC #張天賦 #TysonYoshi #林家謙 #洪嘉豪 #陳凱詠 #Janice #衛蘭 #鄭中基 #馮允謙 #陳柏宇 #林奕匡 #DearJane #盧冠廷 #小塵埃 #Manson #張進翹 #Tiab
#Viu1娛樂新聞 #Viu1 #Viu #黃Viu煲劇平台
___________________________________________________________
►訂閱 Viu1 娛樂新聞 YouTube Channel: https://bit.ly/3lYFNLW
►追蹤 Viu1 娛樂新聞 Instagram: https://www.instagram.com/viu1hk/
►讚好 Viu1 娛樂新聞 Facebook page: https://www.facebook.com/Viu1HK/
►觀看更多精彩內容：https://www.viu.com
呂爵安識玩social media 見證人氣
《Elevator》prank teaser青BB姐姐 小爵屎驚驚
「我唔會停止憎恨呂爵安But I still Love You❤️」 #呂爵安 應該feel到爵屎氣場有多強大。「玩完人仲話人哋反應好笑，係咪想做狼來了的小孩，以後拍膠戰你小心D！」 #愚人節 出歌仲要連續整蠱fans兩次，睇住留言嘅心心變成問號問號同「頂」字，呂老師心口俾人頂穿未…
MV中搭𨋢撞鬼，應該係呂老師埋藏心底嘅最大恐懼…呢個怕鬼的小朋友半夜收工坐花姐架車返屋企，上樓之前花姐迫佢聽咗個鬼故，補尾刀：「一陣搭𨋢小心啲呀！」嚇到呂老師未撳掣已經魂飛魄散。MIRROR眾子有提供嚇鬼秘方，如Anson Lo獲高人指點撥起髮蔭，Jer柳應廷就講粗口，姜濤就扮李小龍，唔知三個偏方呂老師揀邊個喇。
呂氏新歌《 #Elevator 》MV噚晚8點半 YouTube 上架，截至2日下午3時，18小時累計 views 達502,580人次，上咗熱門No.1，另外兩個 prank teasers 亦登上熱門第四同第六，其中一個曾升上第三位——就係8點嗰個，青面女鬼彈出、呂老師捏住喉嚨嗌「八點三再返嚟睇啦！」嗰條，累計 180,545 views；8點15分 prank2 累計都有 169,823 views，中間差額觀眾去咗邊？應該係去咗等𨋢。
今次呂爵安擺明玩命，亦見證咗佢玩social media幾叻，「Terry的媒體懶人堂」點名讚佢真心勁。爵屎連中伏兩次，精神「折磨」半粒鐘，到MV首播時照樣有二萬幾人一齊睇live，左手派嬲右手派糖。「有咩勁得過玩fans一次，就係玩fans兩次。仲要大家開心。玩法當然係勁，但要好紅好受歡迎先Carry到。」結論係：「咁都唔紅，咩叫紅？真係星先做得到。」
【小爵屎俾青面姐姐嚇親】
Terry話佢本人都俾隻鬼嚇親，網民留言表示u are not alone。有家長表示：「我個仔都俾佢嚇親，攪到真係播MV嗰陣唔敢睇。」「我4歲姪仔等咗一日話要睇Edan哥哥新歌，結果… 呆咗+爆喊，返到屋企見到所有Edan 嘅嘢都話：『唔要！』」笑言要家長指引；有家長表示：「我噚晚都同阿女一齊睇被嚇親😂然後我話其實佢係《Inside Out》嘅Digust（阿憎），頭髮太長唔記得剪啫。」
另有兩位驚驚豬嘅小爵屎都被「貼堂」，兩個小妹妹本來同媽媽一齊等睇爵安哥哥新MV，點知彈出青BB姐姐，一秒爆喊。媽媽話：「本來全家開開心心等睇首播，偏遇上兒登愚人節大整蠱！小爵屎即場嚇到喊😭睇片頭已經驚到掉頭走😢之後每次睇都有陰影，兒登你話點算好？😫」睇完MV之後呢？「我哋冇再嬲喇～」
做得爵屎嘅，真係非普通人。呂爵安喺IG Story share咗呢條片，笑：「I am sorry but this is soooooo cuteee！」
【大整蠱背後見心思】
其實呂爵安今次唔係純粹「貪得意」玩大家，佢喺MV首播前（堅嗰個）開live講番原因，一來食番愚人節，二來覺得等待嘅過程同歌詞提大家「take it easy」好似，所以用咗呢個手法。
做事認真嘅爵安成個過程都有晒舖排，第一次狼來了，先出story睇大家反應；之後第二次狼來了，再開近5分鐘live解畫，仲有校監花姐在旁睇實要佢一定要呵番爵屎，爵安仲笑：「我一直都喺度望住，夠鐘喇夠鐘喇，大家嘅comments，一出咗（假嗰個）見到大家反應大變，由好多心心、好期待、好緊張，變成『點呀』『頂！』問號問號問號，唔止問號啦，都有好多嘅『問候』啦，哈哈哈，呢個食字食得幾好。」不忘自讚。「So sorry，玩咗大家，一陣嗰個係真㗎啦！我覺得愚人節係唔可以嬲嘅，因為係愚人節，唔可以嬲嘅，係唔係？」
做得爵屎，心臟有夠強大，反而呂爵安呢……打喪屍game都驚到鬼殺咁嘈，「轉角遇到愛轉角遇到愛…轉角唔好遇到愛…」跟住一輪慘叫哭嚎，但為咗令爵屎開心，佢幾驚都會打埋落去。今次呂爵安嚇親小爵屎，不如罰佢打喪屍game彼此傷害，一邊開live一邊tag歌，記住加番「家長指引」。
#娛壹
《Channel音樂》Edan呂爵安新歌《Elevator》又跳又Rap眾星齊撐❤️MV首播1小時衝破11萬點擊⭐️⭐️
說好的突破來了！去年以慢板情歌俘擄樂迷的MIRROR成員Edan呂爵安，2022年度首支全新單曲《Elevator》今天面世，一改曲風又唱又跳又rap！MV今晚首播後，在Youtube上的點擊量在短短一小時內衝破十一萬！《Elevator》以輕鬆幽默的歌詞內容，大談在人生中遇上各樣事情時應放輕鬆的心態，無論是歌詞、MV以至舞蹈編排，都盡現Edan鬼馬的 一面。
Edan首度挑戰的個人跳唱歌曲《Elevator》，由Edward Chan監製，Daniel Kim、Jhen F (Future Sound)、Mr Danny(Future Sound)及Ethan Su作曲，T-Rexx填詞，Daniel Kim 編曲。細味歌詞與曲風，會發現感覺輕快又充滿歡樂，是因為Edan希望推出一首比較開心，同時又是跳唱的作品，送給樂迷，Edan表示：「相信大家等咗一段時間，同埋喺新一年都想嘗試新風格，加上自己鍾意跳唱，雖然唔叻，但都想有呢個嘗試。」 歌詞內容上，則是Edan與作詞人T-Rexx溝通後的成果，Edan說：「歌曲Demo本身就叫做《Elevator》，同T-Rexx溝通過好多次，試過好多唔同方向，都覺得冇任何字比『Elevator』更啱音，所以就一齊研究點樣以升降機，轉化成有意義嘅內容。」
最終歌詞借升降機比喻人生中的重重關卡，Edan解構歌詞內容道：「好似等𨋢，你要等架𨋢到，先可以入𨋢，架𨋢唔到，又或者發生乜嘢意外、你喺架𨋢裡面但佢層層停、困𨋢，呢啲都好似我哋嘅人生，好多時都控制唔到，倒不如換個心情，大家唔好咁急，Easy啲，放輕鬆去對待你人生嘅每一件事。」
《Elevator》的歌詞內容饒富故事性，使MV也以這個走向發展：在開心的節奏下，畫面上呈現出熱鬧的氣氛，所以Edan不但扮鬼扮馬，一時做自己，一時變身保安員、Model，期間又要吊威吔在升降機內被揈來揈去，絕對瞓身演出。此外，今次MV也邀請了多位嘉賓客串，當中包括：Anson Lo & Jer@MIRROR飾演裝修工人、羅家英飾演的士司機、阮小儀飾演滿身血漬斑斑的新娘及《闔家辣》導演鄭晉軒（Coba）飾演的外賣仔。Edan說：「咁啱MV裡面有咁多角色需要搵人去演繹，其中家英哥同小儀好快就喺我腦海中彈咗出嚟，仲有Jer、Anson Lo同Coba，好開心嚟幫手參與，我相信本身有留意我嘅人或者我嘅粉絲（爵屎）都會對佢哋嘅參演感到興奮。」
今次首次單人匹馬演繹跳唱作品，沒有MIRROR一班好兄弟在身旁，Edan坦言都有感到孤單，但怯的感覺更見強烈，他說：「其實真係到咗自己一個去做跳唱，先發覺自己喺跳舞上好冇信心，驚自己跳得唔好。今次搵咗肥仔@ERROR排舞，佢喺我大學時已經係我跳舞老師，不嬲對佢排舞好有信心，因為識諗好多畫面嘢，佢諗嘅畫面可以填補我嘅不足，但排舞後先發現自己仲有好多動作做得唔夠好，所以琴晚（拍MV前一晚），肥仔都幫我加操咗一堂，今日其實跳舞部份好緊張，都擔心出嚟效果會唔會爭啲，但應該OK嘅。」
話雖如此，當拍攝跳舞部份，第一個出錯的就是Edan，他隨即喊停，更搞笑道：「我呢啲叫以身試法，跳錯要即刻出聲，唔好嘥力。」 此外，被問到《Elevator》歌詞是否自己的寫照，Edan坦言對很多事情都順其自然，向來都抱有這心態，因為覺得這種價值觀好舒服，能夠自我安慰同時又夠positive（正面），所以很多時候都只想做好本份，但Edan也偷偷分享自己偶爾心急的一面，他說：「唱歌阿Sir成日話我好急，例如佢教我一個Exercise，我就會係咁做，我個人係鍾意用死力，死衝爛衝，但喺其他處事方面，我又唔係咁急嘅！」
歌曲MV：https://www.youtube.com/watch?v=7xKrSRNL-eU
編輯：Andy
==========================
HONG KONG SINGER CHANNEL
💛唱出心聲💛活出生趣💛音樂｜生活｜電影💛
Follow我哋👇🏻👇🏻🥰🥰
▶️Facebook: Hong Kong Singer Channel
▶️Youtube: hksingerchannel
▶️Website: www.hksingerchannel
▶️Instagram: hkscchannel
