扁平足 鞋墊訂造一問

講真，強國淘寶買啦
政府等得黎隻腳已經唔要得
整又整得一對夠邊對鞋要日日著先有用

巴打，佢真係屈返個鞋墊跟你腳嘅高度+足弓形（當然一分錢一分貨）。我例子：一邊高足弓+另外一邊略為小小扁平足…都做到兩邊啱哂。都係嗰句，用到5-6個月，之後鞋墊會變形冇咗承托力。掉咗重做新鞋墊。

你果個真係一個好醫生上次我入去同佢講睇咗專科，話因為扁平足影響腰痛，所以想攞張轉介信去做鞋墊，醫生望都冇望過我就話OK，唔使1分鐘我出返去

個鞋墊係有個足弓形，令到你對鞋踩上去時，出番個足弓，所以一開始係會un住，要用時間適應，重新學過行路

羨慕巴打
諗過搵日又book過 但如果唔得又要白比50蚊

5-6個月 就要換咁快？ 我見出面專業戈堆都要起碼$2500，咁快就換新都幾重皮

多謝巴打介紹 見到Amazon 有得買 仲要免運費 價錢同官網一樣 訂左Set 試

我本身有少少扁平足同副舟狀骨突出 買晒Utraboost Fitflop 著 但著得耐都覺得睏 之後朋友介紹買鞋墊 雖然都有時覺得個足弓位都頂住左我嚿骨 但感覺加左鞋墊 行路係正確左 同腳有番D 承托

所以小數怕長計…
始終係每日用嘅消耗品，啲膠又會磨損又會老化。
$2500嗰啲會靚少少，但都係6個月或多少少壽命，到期限都一定會換。

都見幾多人讚呢隻牌子
但巴打用到5年咁耐？
見其他人話一年巳經要換新

咁其實上網買d 扁平足鞋墊（可能少少足弓位）粗粗地用得唔得
我見500幾蚊有一對

真係睇人，有人話Dr Kong唔掂
但我都係扁平足，一用Dr Kong鞋墊就無再痛，都用左4年幾

我對舊墊行路打波都係靠佢
個面已經爛哂但個基本structure仲係度，所以先無上去整
到今年就斷開先上去整新一對
醫師check 返舊嗰對只係扁左少少
佢問我腳有冇痛，我又唔覺
佢話係對墊仲做到野但當然無咁貼服
所以一般可能最多兩三年就要整過一對

第一對+檢查3千, 第二對2千

訂造嘅矯形鞋墊理論上會貼合返個足弓位, 初時都需要啲時間習慣

我去旺角小販現場做嗰啲矯形鞋墊，高弓+扁平都啱哂形，開心使用中，起碼呢3-4年都好返，最近翻發發炎嘅高弓腳都早幾日前換返新鞋墊後都康復中，每次1對都係幾十蚊，做兩對就一齊平多10蚊。兩對可互換著成一年。
我早輪試新嘢，買New Balance 原裝美國做加高鞋墊(400/對)+ Dr.Kong 扁平足鞋墊（做埋腳底測試）（200/對）…經過2個月驗證+實踐…都係垃圾+廢…。
巴打，你唔怕測試做白老鼠+隔山買牛…可以上網買試下。不過效果唔夠保證，仲要500蚊，啱就好彩順便買埋六合彩，唔啱就揼錢落海。

有冇人同我一樣 都係有扁平足但得右腳踭又外翻

而左腳係後面睇條根係直係正常 可以點搞

師兄好唔可以講下大約位置？因為喺花園街又唔覺有, 冇位置真係好難搵, 求位置, 萬分感激

用咗Sport align兩年，平均一日萬五步，仲未有嚴重損耗

我係屬於企起身腳趾公指唔到向上嗰種程度，冇咗個足弓(平)

之前試過其他牌子，三對700-800水位個啲，加熱力再屈個啲。
兩個問題，一就前掌位易爛(半年)，之後會變刮腳。另一個問題就係企起身佢就唔夠力頂起個足弓。

所以我建議你搵啲足弓位係有實物頂住個啲先夠支撐，同埋買闊身Asics鞋放鞋墊，希望幫你慳返啲時間先

纖維底加熱塑型係可以即場做 不過唔好expect捱到半年