扁平足 鞋墊訂造一問

天生扁平足，近排腳掌好易痛 想去配返對鞋墊（聽人講有幫助）

暫時見到Footspine 同Sport alignment 兩間比較吸引

有冇巴絲試過其中一間？ 效果點？

去咗sports alignment
適應緊

整左幾耐？ 有分別？

同問

Lm

高足弓鞋墊
低足弓鞋墊
邊一款適合扁平足?

兩三星期到
個膝頭好緊緊地，未慣

lm

我以前都有整過鞋托，一般去訂造嘅話都係整鞋托，然後加個鞋墊上去，因為冇鞋托嘅話其他軟膠會好快收皮

之後懶得去度身訂造，就上網睇，我發現下面tread labs 呢個牌子幾好，佢鞋托部份係硬膠黎有魔術貼固定鞋墊，同埋鞋墊屬於消耗品可以替換
So far, 我著完拍得住訂造鞋托，入面仲有唔止分扁平足定高足弓乜腳形都有，真心推薦

如果買嘅話可以直接搵代運
https://treadlabs.com

巴打，以上兩間都係偏貴，同埋鞋墊都係有有效時間（大約6-9個月）。之後都係要再定期做鞋墊。

如果嫌貴加唔嫌棄，可以去深水埗/旺角小販檔賣鞋墊攤檔（應該兩邊都有幾間）。可即場做矯形鞋墊（啱自己腳型）（大約幾十蚊對）（效果差唔多）（用大陸鞋墊）（當然都係用5-6個月左右），之後再定期做，但幾個月都係幾十蚊，小數怕長計。

利申：我都係一隻腳高弓足，一隻小小扁平足。幾年前一樣開始足底筋膜炎，痛不欲生。睇咗半年脊醫，託賴半年後脊醫醫好。之後脊醫原本都推薦呢幾間做鞋墊，但我私底下問有冇平啲介紹。佢就話可試下以上小販攤檔（當然佢唔保證效果）。但我胆粗粗試過，效果唔錯。原本一路無事，點之呢輪疫情，鞋墊爛咗冇岀去重做，結果呢兩個月又復發筋膜炎。早兩日忍痛岀去旺角攤檔重做1對，結果立竿見影，慢慢康復中。

你唔嫌棄可試下。

即場可以做到矯型鞋墊咁西利？ 足弓位都可以度到？

Btw，我仲以為矯型鞋墊可以著好耐（超過幾年）

好似都幾好，睇下先，唔該巴打

巴打，真係即場做。佢有機可以熱力即刻整軟鞋墊，你再即刻踏上鞋墊嚟壓上印岀足弓高低。可以做到貼合哂你唔同腳型。

巴打，真係即場做。佢有機可以熱力即刻整軟鞋墊，你再即刻踏上鞋墊嚟壓上印岀足弓高低。可以做到貼合哂你唔同腳型。我就一邊高弓+一邊少少扁平都做到。算係平價矯形鞋墊。

以前有, 腳板底勁痛,
但認真, 用左Dr kong 幾個月之後, 到而家都無事
唔知點解,

Dr kong 都有. 百零蚊 效果差唔多

如果巴打唔嫌麻煩，平靚正最好去政府醫院整，你去普通科門診睇話扁平足，叫佢開張referral比你去義支矯形科做鞋墊，排期睇預個零月，仲要度腳做，之後半年至9個月左右會叫你返去覆診仲有新鞋墊換比你

要去現場揾賣鞋墊攤檔，冇名。不過唔算難揾，深水埗+旺角都有攤檔。

幾十蚊一對。

想問旺角邊條街 近咩位置？

近太子花墟嗰邊小販攤檔