是咁的，我係一個濕疹病人

呢個病用左我好多錢睇醫生同買一啲好啲嘅lotion

曾經患左三年, 睇普通西醫好翻

佢提我抹汗好緊要, 濕左/汗都要盡快抹乾, 我跟足做, 做運動真係少痕左好多, 好快好左

Lm

巴打我都有濕疹當然冇你咁嚴重
但強烈建議 唔好因爲濕疹就唔做運動
因為我都曾經試過非常嚴重
但我真係兩個禮拜食齋然後瘋狂做運動流汗飲水排返晒啲雜質出嚟
真係冇左d身體發熱好㾗既情況
當然早左轉季有少少
但依家已經冇事
食西藥查類固醇真係冇用
如果真係要戒甩要靠你自己
千祈唔好因為甩皮紅晒好核突
就唔去做運動咁就只會越來越嚴重
因為d雜質一直排唔到出黎

Same here ，我都有開po share過
真係好有用

基本上㾗 真係因爲身體多毒素
我之前都係咁
直情驚左沖
㾗到訓唔著喊出黎又試過
但真係嘗試食得清
係咁做運動
體質就會自然好番
因為你驚會㾗會紅
唔做運動 d毒素就會keep 住係個身體入面

利申:因為屋企信一個特別d既教會
有幸去左日本2個星期
食自已種既農作物同埋修行時出左好多汗
所以嗰時係日本番黎 皮膚係超靚
但因為香港既野食太多化學野(農藥等等)
天氣都係潮濕又熱
所以濕疹既巴打真係要靠自已
至少--唔好㾗 會訓唔到教為目標
一步一步去做好

試過生到成身都有
以前做廢青日夜癲倒 點揸膏戒口都冇用
而家返左full time 調返好個生理時鐘 而家完全冇事
食咩都得

地方問題
其實最斷尾既方法係離開香港

100%認同
我細個皮膚好好架 有一年出左國生活
一返黎香港就開始黎料

我係面阿身手腳都有後頸都有
最嚴重果期兩隻腳拗位兩隻手都爛晒
行步路都會裂開傷口又流濃
人地問咩事我都唔敢講
我自己無乜點戒口 都係搽類固醇
唔知你地有無聽過皮炎平
我係一直搽 不過每次都搽好薄好少
同另一啲藥膏交替搽
只要好少少就搽返多啲cream
可能人大左抵抗力阿情緒控制飲食都有節制左
所以依家算係好左九成多啲 好好彩
只係有時傷口難埋啲 同埋手腳會易乾燥
不過keep住搽cream就無事
雖然好多印 著短褲好核突
跟住依家一有少少就會搽一隻Koogaderm Cream
支嘢綠色 係藥房買好似60零蚊
都係同皮炎平交替搽 搽好薄好薄就夠

另外QV我諗同病相憐嘅你地都一定有聽過
佢啲沖涼液果啲都唔錯架我覺得

濕疹呢條路好漫長 加油大家

近排落雨落得太勁又發左岀黎
有少少爛肉味咁，膝頭腫到唔可以踎低
我試左將大麻籽油，椰子油，甜杏仁油 1:1:1咁溝
搽左三日傷口已經收左，又冇流水

係咪嚴浩教個隻 我之前有試過整但唔知係咪份量唔啱好似無咩效

有次大個好出名既中醫
一睇完我個情況話

你呢種冇得斷尾架
想完全好返就移民啦 香港唔啱你


心諗

用左隻秦國買既番梘沖左幾個月涼，感覺良好
利申 輕微至中度濕疹患者

我完全明白好似自己講出黎咁
以前勁嚴重 怡家好左d 但一發 就好無自信
淨係想係屋企
雖然好多人話唔介意 但最介意就係自己

試下睇中醫+做運動啦
食飯前做半個鐘帶氧運動
同埋23點前訓
早，晚食d黑豆粉
我都有濕疹 (手背，手臂)
而家好返好多了
共勉之！

我都曾經幾嚴重但未去到樓主個lv，
初時睇西醫搽類固醇上癮，搽左都無用
之後上高登見有人post左個網係唔知日本定鬼佬教授開，d鬼佬戒搽類固醇真係好返好多，咁我又試同埋買左維他命C，B,omega369黎食，過程幾痛苦，日日痕到比針吉咁，大約一年到就近乎無事，依家間唔中出食幾日維c就無事
我都係打機緊張會勁痕

係咪日日都keep住食?

日日食，維c一日4000mg，b雜50mg
睇到巴打講做運動我醒起我都有跑步做gym
我覺得係免疫力唔夠先會對致敏原敏感，加強免疫力就無事(9up)

有無人一樣食緊一隻抗免疫力既葯黎醫？

雖然我無濕疹
不過我爛面 化左妝都有好多暗粒係面
唔可以話我完全明白樓主感受
不過有時照完鏡 都會好撚黑心咁好想全世界嘅人皮膚都唔好
就會顯得我好正常
我都唔敢識男朋友 有男仔唔介意
但佢皮膚好好 自己個心都好撚自卑
仲遠離左佢
好想識返個皮膚唔好嘅男仔
起碼大家都唔會因為自己嘅皮膚而自卑
btw樓主 可以多啲係連登講下自己因為濕疹而有幾唔開心
我諗樓主你都唔會想同朋友傾哩啲 始終好尷尬同自卑
與其講啲說話比鼓勵你倒不如聽你講你嘅唔開心

樓主我同你一樣都係有嚴重濕疹 不過我係絲
我都係成身都係濕疹成身都係疤痕 由其係對腳 已經差唔多5年冇著過短褲短裙出街
基本上咩醫生都睇過 食藥食到身體都差埋 宜家放棄左治療...
啲傷口痛到已經習慣晒 預左自己成世a0唔會有人要
只可以講 大家一齊加油啦

我係因為番工隻手經常掂水同清潔劑
所以有類似既物體係手到
好想知可以點搞 因為興趣又唔想轉工
但成日咁又搞到唔敢比隻手人睇
衣家都只係搽住藥膏先 但又怕有副作用 唔想長期搽
好煩惱...

等d傷口埋番少少就開始做運動

樓主我同你一樣都係有嚴重濕疹 不過我係絲
我都係成身都係濕疹成身都係疤痕 由其係對腳 已經差唔多5年冇著過短褲短裙出街
基本上咩醫生都睇過 食藥食到身體都差埋 宜家放棄左治療...
啲傷口痛到已經習慣晒 預左自己成世a0唔會有人要
只可以講 大家一齊加油啦

我係因為番工隻手經常掂水同清潔劑
所以有類似既物體係手到
好想知可以點搞 因為興趣又唔想轉工
但成日咁又搞到唔敢比隻手人睇
衣家都只係搽住藥膏先 但又怕有副作用 唔想長期搽
好煩惱...

一日飲5L 水
一個星期皮膚好好多
試下

一日飲5L 水
一個星期皮膚好好多
試下

我都係嚴重濕疹 生到一身都係 但係番鄉下買左一隻藥 依家好番哂 那到散晒 有番自信着t 短褲 果斷時間晚晚訓唔到 出街都着長恤衫 長褲 真係好辛苦

睇過政府專科 都無用次次比勁多藥 藥膏 沖涼都係無用

大家可以去試下
馬鞍山西醫 盧醫生

跟足佢指示做 touch wood 而家過咗五六年都冇翻發