相信大家都聽過濕疹,一種好濕鳩既病
有依個病既人,皮膚會紅到一躂一躂,皮膚會好乾好硬,全身會發熱
紅既地方會甩皮然後又生番d厚既皮又再甩,又痕又痛,但又唔會傳染
一R佢就會好易損,流血既地方亦都好難好番
今年小弟21歲,我由好細個開始就有,青春期更加爆發出黎好嚴重
由頭到全塊面,頸,手,胸,腳甚至春袋包皮都有
係呀有時要R賓周都唔知點算
塊面成日都好乾好痛,條頸長期都好緊因為d皮太厚扯住左
有時眼角同嘴角會有裂開,開口同眨眼都會痛
好似任何部位每郁一下都痛咁
每次發熱都會好似全身比蟻咬咁
唔可以食辣野,少少辣都會好痛苦,所以我係譚仔十小辣都唔食得
有時都會聽人話唔好飲咁多凍野,但慘在飲熱野都會開始痕
有時係街行快少少都會好辛苦,更加唔好講做運動
試過去泳池比泳池職員叫我唔好落水,因為佢見到我胸口紅哂一躂躂咁
甚至連打輸一場LOL都會因為情緒而搞到成身發熱全身痕
所以要經常控制自己情緒,唔可以嬲,唔可以緊張,時時都保留冷靜