大學 大專 冗員討論區 （20）

唔好諗太多，同私人公司比係冇福利，冇花紅、冇雙糧、茶水間仲可能冇咖啡

爬左下文，發覺好多人有好多錯誤既幻想同期望。

入得大專/大學做。就係貪佢夠穩定，除非真係d temp位，正常都唔會炒人同唔續約（你個人本身on9另計）。福利待遇就比上不足，比下有餘（濕9港資做到經理級都可能得12日al,大專ea閒閒地都14甚至18日）。至於加人工/升職個d，你當一般公司咁啦，睇下有無位/你工作表現/有無budget,唔洗再係咁問問問…

至於interview完幾耐收到通知個d問題仲攪笑。院校唔同。post唔同，負責人唔同，個位等唔等人用又唔同，邊有得一概而論。即日收通知亦唔代表個位係伏，可能只係咁岩工作性質需要等人用，兩個禮拜後收通知亦可能只係代表你原本係second choice, first choice搞完一輪最後無黎咪搵你囉…總括然而，無得一概而論…

同埋邊d位有無伏亦係有d多餘，每個人對伏既定義都唔同，性格/人際關係技巧/接受程度又唔同，我覺得伏，但係可能你覺得好正。講真，你做伏位可能代表你有好多發揮機會，容易升職加人工，你想發展既，咪岩哂囉！

最後，亦都唔使聽人講咩出面啲人唔認你院校經驗。大專/大學supposed係比較嚴謹同專業嘅機構，出面d雇主絕對會appreciate。不過！！！正常情況之下，除非你想轉做政府或者其他半公營機構（呢d機構更加認可大專/大學經驗啦），相信你好難喺出面搵到人工唔錯既admin工。

真係好認同。

仲有已經連穩定都冇埋，成大堆funding 位，funding話斷就斷，癲到成個centre 用funding開都有，過幾年就個centre 消失。就算唔係funding而家收生只會越黎越少，啲系又改黎改去, department 要重組真係見多左好多。而家仲傳連跳point都會消失，以後想加薪只有轉工。

至於福利既話做過商廈啲私人公司就唔好想像太多，好多廁所冇冷氣、茶水間冇茶水架，唔好諗乜野咖啡機，除時茶包都要自備。乜鬼雙糧花紅乜都冇，只有12個月糧。除非你好鐘意睇書同做運動，做大學少有福利就係跟個圖書館同運動場囉，不過你要放工時間先用到。

另外迫針個啲當然係有齊晒啦，唔好ff。ot冇補水，14-18日假聽落好開心，但事實都係你阿頭如何你的生活必如何，阿頭唔批假或阿頭嘈你請得多假都好常見。

同事都真係建議你小心啲.......

最後，醒多招比大家！


以院校純admin工黎計，最適合咩人做呢？就係本身自己大學讀乞食科既。如果你本身係專科出身，勸你地唔好做院校admin，因為你好易會同你身邊既同學比較，點解人哋搵咁多，你搵咁少。好快就怨呢怨路。

相反。如果你係垃圾科出身，你好容易會感恩自己既career path揀得算幾好。身邊d同學除左做垃圾sales之外，大部份你都比下有餘。

認同/認為覺得有用既就比個like你地既like係我繼續出文既原動力

好難唔認同。返過私人大公司甲級商廈都唔建議，福利絕對冇咁好，環境絕對冇咁靚，由廁所去到走廊去到茶水間你見到應都會嚇親（返校長個層就除外啦，同校長同層係最華麗）

但返開垃圾工廈真係可以諗下，環境絕對好啲。

真。等於你住緊劏房，梗係覺得公屋好正。

你住緊千尺私人樓，就唔好咁虛偽嚟問公屋好唔好住。

補充，唔好以為18日假好開心，有阿頭唔批，之後啲假要forfeit.ot一樣，個個部門唔同做法，有啲無得補，有啲有得計鐘，但都要放到至得。

人工唔加，十二個月糧
身邊做私人公司，大部份都好過大專
有醫療嗰啲。

連穩定性，較輕鬆，壓力較細都無埋
加埋人口結構，第時唔使咁多大專
政府同私人公司都好過大專

我識幾個非三大乞食科，做私人公司，搵得多過三大乞食科做緊eo,英文又好過非三大嘅。

叫三大畢業生情何以堪。

放假問題，我相信係私人公司都會出現，可能仲嚴重（比如規定你一定要連住新年放）

邊間大專/大學無醫療？（temp位funding位？）

最後個點我覺得可以樂觀d，因為會有大量內地人才來港補位