網絡小說集中討論區<21>

畢竟全職高手神作，其他都唔會太差
另外我想問大家有冇睇精神病院

2,3星期睇完幾百萬字
真係睇得好快

not this

有人講第3世界開始先好睇，不過我覺得一開始已經唔錯

BTW，係唔係係起點睇? 依本書既免費章節既盜版好多問題

星門最新一章果個係蘇宇?

Lm

想問下大家有冇農場類小說推薦 日常為主可以有金手指但唔好有仇日仇美 修練之類

呢2個月開始睇大陸網文，想寫感想文好耐但唔知post去邊（ptt冇account，又冇乜興趣貼大陸論壇），偶然發現貴寶地，拋磚引玉寫個書單同大家交個朋友

《虧成首富從遊戲開始》起點 已完結
神作！！！！！
我本身係誤會系日輕《嘆息的亡靈想要隱退》嘅fans，搵其他誤會系小說搵到書荒，最後搵到《虧成首富》，勁驚喜！
呢本書真係超好笑！主角拎到個蝕錢系統，主角間公司蝕咗嘅錢先可以袋入主角袋，主角唯有努力諗方法蝕錢，但最後都大賺。
誤會系喺大陸叫迪化流/思想迪化，呢本書齊晒我鍾意嘅誤會系元素：
。主角其實係廢柴，但所有角色都覺得主角超勁
。主角言出法隨，求其9up啲嘢會成真（所以啲人覺得主角勁）
。其他角色吹奏主角到令人尷尬
。其他角色嘗試估主角用意，但總會先排除正確答案
。主角嘅用意同結果完全相反，主角視覺睇係一個故事，喺路人視覺睇就變咗另一個故事，一段劇情可以有2個解法
。其他角色會估中主角行動，但就估錯晒主角目的
呢本書頭二三百章同最尾結局篇勁好睇，中間啲套路就重覆，仲要少量極端小粉紅思想，睇到差啲打爆moon，但個結局絕對值得你捱晒中間段劇情


放工再繼續寫埋其他書
順便問吓呢度有冇tg/discord谷？

建議飛住睇捱到反騰達聯盟出嚟（最尾二三百章左右），個結局值得你捱
不過真係頂唔順算啦我知中間係好伏

《我只想安靜的做個苟道中人》？
ptt啲人話有蠱真人感覺

我好小睇飛盧啲書
雖然佢好多同人，但好多都好垃圾
我是傳奇都幾好睇，作者新果本hp同人寫政治俾人bam鬼左

我是傳奇養養下就完咗
新書講咩俾起點bam

仲有一本 霍格沃茨之我同學是伏地魔
都唔錯

全職高手到底有乜好睇我一開頭覺得好牽強一個以前咁勁的選手會比人睇唔起，種感覺似睇鬥破有d無腦反派喺到囂張咁

始終職業選手食年輕飯，Faker都開始俾人話老啦
套嘢好睇嘅位係群像描寫，唔係淨係講葉修有幾勁，而係塑造到每個角色都有血有肉。
不過呢啲嘢好個人，啱睇就啱睇唔啱睇就唔使勉強