Gran Turismo 7 推出大約兩星期後，用咗多於一日嘅時間先完成更新，期間不單止令玩家無法 offline 玩到單機內容，更將依隻單機 game 變成一隻售價四五百蚊嘅課金 online game。到現時為止大部份內容都取自前作 Gran Turismo Sport。只有大約1/4係新車，97條賽道入面只有14條新賽道，其餘都喺 GT Sport 出現過。官方話日後會 keep 住 update 新 content，噉點解你哋唔自己 update 完先開賣呢？而新 content 又足唔足夠令本作變翻做一隻售價四五百蚊嘅正傳呢？
遊戲更新前已經有好多人話今集好難儲錢買新車，更新後，多項賽事獎金遭到減半，之後想買一架超跑更加難如登天。初期就連買一 set 軚都要賽兩轉先夠錢買，加上今集離譜地多雨落，每架車最少要買多 set Rain Tire 做 spare。
難如登天即係有幾難？假設你想買一架價值 Cr.18,500,000 嘅 94年 McLaren F1，如果一滴都唔貨畀山內一典嘅話，就總共要喺 Pan-American Championship 入面嘅刷錢聖地 Blue Moon Bay Speedway (全程20.1km，一共6個圈，第一名 Clean Race 有 Cr.52,500) 攞352次 Clean Race 冠軍 (2112個圈入面冇撞牆、冇撞到其他車) 先夠錢買一架。如果冇咁多時間玩，想貨金嘅話，總共要花 HK$1410 (9X HK$148 + 1X HK$78，唔買兩張 HK$38，畀多兩蚊買一張 HK$78 會多 Cr.250,000)。就算唔講天價跑車，一架普通價值 Cr.450,000 嘅 Gr.3 賽車都要攞9 (8.5) 次 Clean Race 冠軍 (54個圈) 先買得到。以上只係講緊原廠車價，重未計一堆改裝費用。
山內口講就話唔想人機械式來回刷錢，想隻 game 更加貼近現實先減獎金，但係有咩真實得過只係買到車而賣唔到車？未經本人證實，網上多處傳出 GT7 開賣前嘅體驗版本剔除咗課金 system 先畀外界 review，再喺由 GT7 首發日開始計起嘅14日退款期後 (只有部份地區適用)，立即將賽事獎金調低。真係咁巧合？全球大多數玩家都知你班友就係逼緊人貨金。經過今次咁嚴重嘅更新失誤，竟然出封帶有火上加油效果嘅道歉信就當冇事。https://www.gran-turismo.com/gb/gt7/news/00_3802725.html 不單止丁點賠償都冇，全球更有不少人更新後冇埋個 save。多得今次嘅更新，好多人先知原來自己買咗隻 online game，亦即係話 GT 一閂 server，停止營運，隻 game 就會玩唔到，辛辛苦苦儲翻嚟嘅車就會被清零。佢哋根本冇當過支持者/玩家係嘢，以佢哋噉嘅態度，難保日後唔會再出啲屎橋嚟為難玩家。嗰啲整嚟愚弄玩家嘅 Roulette Ticket 就係一個好例子。
如果你懷疑我過份放大，即管上 https://www.reddit.com/r/granturismo/ 或者 https://www.gtplanet.net/forum/board/gran-turismo-7/ 睇下有幾多人覺得今次營運商冇問題。出緊 post 嘅依一刻，GT7 喺 metacritic 上面獲得 1.8/10 嘅評分。 https://www.metacritic.com/game/playstation-5/gran-turismo-7/user-reviews
最後，買咗 game 不幸落坑嘅各位，喺山內佢哋肯跪低之前，請參與依場屬於我哋嘅 Daily Workout。喺一眾打手營造嘅迷霧底下，救出所有想買 GT7 嘅人，將依個課金騙局話畀多啲人知！
舊 Post:
https://lihkg.com/thread/2934332/page/1
