Gran Turismo 7 推出大約兩星期後，用咗多於一日嘅時間先完成更新，期間不單止令玩家無法 offline 遊玩單機內容，更將依隻單機 game 變成一隻售價四五百蚊嘅課金 online game。更新前已經有好多人話隻 game 好難儲錢買新車，更新後，多項賽事獎金遭到減半，之後想買一架超跑更加難如登天。就連買一 set 軚都要賽兩轉先夠錢買，加上今集離譜地多雨落，每架車最少都要買多 set Rain Tire 做 spare。
難如登天即係有幾難？假設你想買一架 Ford GT40，如果一滴都唔貨畀山內一典嘅話，總共要喺 GT Cup Gr.4 High Speed Ring 依場賽事入面攞 3809 次冠軍加 Clean Race (冇撞牆、冇撞到其他車) 先夠錢買。如果冇咁多時間玩，想貨金嘅話，總共要花 £120，即係 HKD 1233.75。
山內口講就話唔想人刷錢，想隻 game 更加貼近現賽所以先減獎金，但係全球大多數玩家都知你班友嘅一舉一動就係想逼人貨金。而經過今次咁嚴重嘅更新失誤之後，竟然出封所謂嘅道歉信就當冇事。不單止丁點賠償都冇，全球更有不少人喺更新後冇埋個 save。因為今次嘅更新，好多人先知原來自己買咗隻 online game，亦即係話 GT 一閂 server，停止營運，隻 game 就會玩唔到。佢哋根本冇當過支持者/玩家係嘢 ，以佢哋而家噉嘅態度，難保日後唔會再出啲屎橋嚟為難玩家。
如果你懷疑我過份放大，即管上 https://www.reddit.com/r/granturismo/ 或者 https://www.gtplanet.net/forum/board/gran-turismo-7/ 睇下有幾多個人覺得今次營運商冇問題。喺出緊 post 嘅依一刻，GT7 喺 metacritic 上面獲得 2.6/10 嘅評分。 https://www.metacritic.com/game/playstation-5/gran-turismo-7/user-reviews
