有冇人知點解監房入面「毛巾」叫「拖水」「番梘」叫「滑石」「打飛機」叫「落night」

萬世基業 2022-03-16 21:01:37

睇完個監房常用語好好奇點解監房入面咁多術語

【艇仔】膠匙羹。
〖註解〗 B仔會每人派一個，只有用爛才可向老細申請更換。

【金枝】【金】火柴。
〖註解〗食煙的人每月可獲派一盒傳統的火柴。

【拖水】毛巾。
〖註解〗毛巾要由外面經入物品獲得。

【滑石】肥皂。
〖註解〗滑石在水房門口會有派，是一小舊長方形的肥皂。亦可由外面經入物品獲得。

【勝】書。
〖註解〗「書」「書」聲，同「輸」同音，意頭唔好，因此反為改稱書作「勝」。

【Night】鹹濕野。
〖例〗你睇下條撚樣，成個Night頭咁。
〖註解〗用於形容鹹濕的東西。

【Night勝】【海中書】鹹書
〖例〗借本最新Night勝嚟落下Night可以嗎?
〖註解〗監獄裡面當寫真集係鹹書，好多犯會叫親友探訪時入幾本正妹寫真集(不能露點)。

【漿水】洗頭水。
〖註解〗漿水一定要由外間入物品入來。

【茶嘜】水杯。
〖註解〗茶嘜只限每人一個，要用到起哂漬或爛先可以同老細申請一個。

【撻沙】【西瓜皮】拖鞋。
〖註解〗拖鞋每人一對，唔可以多，會當違規。監房撻沙會重用，好多時啲腳病就係咁交叉感染，要小心消好毒先用。

【貓仔】收音機。
〖註解〗貓仔要向老福落薄申請，由外間入錢先有。

【貓糧】收音機電池。
〖註解〗貓糧有分大電同細電，皆要由外間經入物品入來。

【妹】粥。
【甜妹】紅豆/綠豆等甜的粥。
〖註解〗荔枝角每日午餐。

【鹹妹】微豆、花生、黃豆粥。
〖註解〗荔枝角每日午餐。

【飲仔】飲品。

【細P】傷風，敏感都是食細P，而細P也可以令人瞓覺。

【大P】頭痛或者其他病就會大Panadol。

【拜山】探訪。
〖註解〗探訪分為親友探訪或公務探訪。公務探訪是律師或公職鐘見你。親友探訪有設上限，還柙是每天1次15分2人上限;拍正是每個月2次30分鍾鐘3人上限，經老福申請可增加多2次。

【落Night】打飛機。
〖例〗上到倉都無野做，唯有落下Night。
〖註解〗打飛機在監房會視為自殘，可以加監及釘上水記的，所以打飛機時唔好咁揚。

【肥妹】自製飛機杯。
〖註解〗用膠袋及金枝熔好一個冬甩形狀，再以溫水注滿，塗上BB油就成為一個飛機杯。

【朵紙】以紙仔通訊。
〖例〗幫我朵張紙俾隔離期數個大毛。
〖註解〗囚犯會被分配至不同期數，期數有自己的生態，因此不同期數的人很少會碰到頭。若要與其他期數的人溝通，唯有寫在一張紙仔，拜托別人傳過去。朵紙是不允許的，被發現可以鎖上水記，而紙內容亦可在過程中被人拆開來看。朵紙一般做法是寫好一張紙，然後摺成很小，再寫上目標囚犯名字、囚號及所在期數，再拜托B仔幫忙傳遞。

【收晾】【清晾】收起晾起的毛巾、衣物等物品。
〖例〗夠鐘殺到啦!收晾唔該!。
〖註解〗通常在殺到、例行搜倉前都要收晾，因毛巾、衣物等物品擺放唔整齊可以係違規的，所以高層巡前會「走鬼」清晾/收廊。