我ex gf結左婚

我地系2017年嘅4月27號系埋一起，但係2021年嘅2月23號分開。

個陣時我係紐西蘭讀書，而佢係溫哥華讀，時差有21個鐘，雖然21個鐘很長，但好在我們同樣都在白天。

我們各自忙碌著，很多年前我地就一直都有聯繫方式，但我們的關係也處於僅有的聯繫方式，某一天佢失戀了，佢男朋友系澳洲讀Master識左第二條女，一起來左紐西蘭玩，雖然佢男朋友無發ig，但女人的直覺是可怕的，發現左這件事。佢就send左幾張相黎，問我呢度系邊度啊，諸如此類的問題。我一一回答了她，佢答到“我就知道”，我知道佢失戀了。之後我地開始好多共同話題，去邊度玩啊，邊度食野啊，我仲同佢分享我今日返工洗左部拉利啊喂。每日我地傾左好耐，好耐。

2017年過年，我拿左我過年兜嘅利是，四五千蚊，洗左三千幾買左香港航空來回溫哥華機票去探佢，你無睇錯，真系三千幾蚊，我上到架飛機，電視都無部，僅有手機駁飛機WiFi睇飛機自帶嘅一D劇集。我一出閘，就見到佢系度等我，佢笑起身真系得意。佢系溫哥華揸部Mercedes GLC，我淨系我堂大佬結婚嘅時候坐過Benz，但我從來無揸過，揸過佢架車，都唔願得掂自己部Toyota。

我地由溫哥華Road Trip去到Quebec City，從太平洋到大西洋，一路上歡歡顛顛。我系Montreal同佢表白，我個晚輾轉難眠，佢日頭同我say yes。其實我係一個比較內向的人，很少主動同人交流，但我當其時心唸，得就得，唔得嘅話返到溫哥華就搭飛機返屋企啦，我差嘅唔係一個兩個朋友，我差嘅系佢。

期間佢黎左兩次紐西蘭搵我，佢黎之前我都好俾心機打工蓄錢，之後我帶佢周圍咁玩玩食食，平時自己好多唔捨得洗嘅錢都為她而付出，我很開心，佢都好開心。

兩年前佢係London讀Master，UCL嘅Urban Planning。佢讀書超叻，本身就係溫哥華UBC拎獎學金，後期佢考慮過去紐西蘭讀Master，但要兩年，佢想快D畢業就過左London了。因為佢，我Study break去左London陪左佢兩個月。

我都係第一次去英國，十一二月好凍啊，為左見佢，由奧克蘭飛11h到香港轉機，轉機等左半日，之後再飛London Gatwick，超過二十四小時，就係為左想見佢。

期間佢返左一轉屋企，原因系佢媽媽查出癌症末期。。。。但離學校考試又淨系得一兩個禮拜，佢都係返左屋企陪佢媽去左轉醫院，幾日後飛返英國。考完試後我地即刻訂機票飛香港了。

雖然系肺癌4a期，佢媽媽都現生活得很好。疫情爆發以來我都未出去繼續讀書，我一直留系屋企，日日照顧佢媽媽。

佢阿媽想食乜就出街去買，化療電療後佢好揀飮拾食，整日都想食埋d菜酸滷水之類嘅，整日都想飮可樂，但佢媽媽想食乜都盡量滿足佢啦。由於佢身體唔好，好多家務事我都幫佢地屋企人處理好，我Ex系獨生嘅，佢爸媽都上左年紀了，好多野都係我幫佢地跟。為左方便照顧佢媽媽，我同我Ex就住系佢屋企了。每日起身就要煮早餐，洗衫總之就好多野要做。

佢爸爸好忙嘅，想佢返公司幫手，我留系屋企繼續照顧佢媽媽，我都覺得無乜問題，但越覺得無問題，就真系會有問題。

一直到舊年嘅二月份，我同我Ex鬧交了，緣由系我淋花嘅時候，淋到花辦上，佢見到就話整日都做唔好。之後我一來火覺得委屈，幫你屋企做左咁多野，我無功勞都有苦勞啦，然之後佢話分手咯，佢都攰了。第二日佢就pack好晒我d野擺門口，就咁。我仲記得佢老豆同我講：“你上晝過來拿行李啦，下晝有個阿姨黎做野，見到唔好啊”。

二∅二一年二月份分手，分手前兩三個月我有性需求，佢都係直接話第二日要返工，佢好攰要訓推左我。

期間我都有日日Text佢，佢都話返咁工，一般都係夜晚先覆我信息，我系一間Cafe度撞過佢，佢同佢男同事打包咖啡返辦公室飮，打招呼時都係，你又系度嘅。

二∅二一年十一月，我見到佢ig post左求婚戒指，配左佢“I Do”。

二∅二二年二月，佢post左佢地影嘅相，就係我系Cafe度撞到嘅同事。

點講好咧，拍拖三四年，我無愧於你，我唔想留太多眼淚，你現已結婚作為人妻，祝你地幸福，再見了S。

系你老母呀

唔好笑

當免費雞就好

你乜唔係應該打「吾」好笑咩

唉，當唔到

比咗心力 又比咗錢

點算免費呢

或者免費先至係最貴

屌過人地老婆，仲想點

On9
時差21個鐘即係時差3個鐘

關你撚事咩, move on啦師主

淨睇時間系三個鐘，但慢差唔多整日

系你老母

走啦支那仔

合則來不合則去

感情唔講付唔付出，付出幾多

回憶是開心的，傷心的。精神自瀆用的，所以不要回憶太多，向前望，做下gym丫屌gym close左

或者你轉頭遇到個肯為你付出嘅人呢

可能無屌過呢

慘

Move on 其實好難

睇得出你當佢係最重要嘅人 或者比你自己更重要
唉 人就係咁 話變就變

等時間沖淡一切啦 你要記得 人哋唔愛你啦
你又何必諗反以前、緬懷過去呢

巴打似免費工人多啲

tldr

出個咁嘅post有撚用咩
有冇閃卡、甜片呀？有就開心share

是但啦，人地都係執你二灘
佢老豆老母都仆街架喇，你做咁多野分手都唔幫口

你ex個名叫ass?

發撚乜野ig 邊到落黎

叫你ex嚟講講佢嘅版本先啦

系你老母呀