有新offer 但撞正omicron爆緊 走唔走好

Fresh grad揾到依家呢份工，返咗差唔多兩年。除咗人工低咗啲(唔過17k)，都叫做返得幾開心，假又多，同事老細都好相處咁

早排新年前都有send下CV，睇下有冇機會轉下新環境咁，但點知in完一輪，就撞正omicron。原本都諗住凍過水，但點知呢兩日就有間公司出咗offer比我，人工多過依家2.5-3k，同埋又係大公司，福利好啲。但嗰邊就話最遲三月尾就要開始返

但我依家間公司就因為肺炎WFH緊，呢排都冇人返office咁濟，要請人in人都好煩下。同埋黎緊三四月叫做比較忙，依家遞信又好似好衰仔，變咗hand over做得差，啲野又未做晒咁 始終依家份工都返得開心，唔想話做到太難睇

依家都仲煩緊應該take新offer好，定喺呢間公司返多兩個月，搞掂埋手頭上啲野，同做好hand over，再揾其他新工 都唔知係咪自己奴性太重

想問下各位巴絲，如果係你地，呢啲時候會點揀？

唔好同公司講感情

一定走

走
就算新工比人炒
你做緊果份Junior工會有幾難搵

間公司唔會無左你唔得 一樣會運作到 唔洗諗到影響咁大

一定走

走左得20K一個月,
hand over得好D,
留返條路食回頭草

Take啦 而家交信佢都有一個月時間準備 趁呢段時間認真啲做好手頭上啲野 有咩咁衰仔

Opportunity cost咁低緊係走啦

你on9？

你做緊嘅野未就係人地辭職嘅蘇州屎

最撚on9嘅人就係為公司著想
公司咁好又唔見佢加人工比你？出到黎做左野兩年個人仲on99咁

除左人工低，有無其他原因想走？
或者呢家間公司做啲咩， 會令你留低？
如果有，不如試下傾下，睇佢地比唔比你你想要既野。

佢地比唔到你梣要既野，先再諗take新offer。

咪撚諗公司 由得佢地死
佢係好著緊你一定會比counter offer
冇既話佢都唔係真係覺得你好重要

唔洗唔知自己係咪奴性太重，你係呀

走

如果你走，而家公司加人工留你咪繼續，唔留你其實你對佢地冇乜用

一定走

開心就唔好走啦
17k u desire der

你唔想走就唔會搵工喇 戇鳩
而家先黎問埋d 偽善問題， 想個心好過d??
更何況你呢d Junior grade, 一個招牌dup 死幾萬人， 仲有一班人失緊業immediately available, 你洗同公司擔心？

同公司講感情

俾得17k 就唔好做多諗多，你只係一粒塵一隻蟻

不如你諗下有咩藉口唔走，說唔說服到自己

你真正既問題係， 邊到Career path 好d, Pay rise potential 高d, 邊間公司business model 好d
轉個工先加得3K, 人工就其次喇

照比信，跳下草裙舞，唔肯就轉

多謝大家嘅意見

其實出得呢個po，都係因為覺得自己好on9，諗得太多，想問下意見之餘，都想揾人屌醒我

睇錢份上嘅話，新公司點都好啲，始終之後再升嘅空間多大好多。爭在好似上邊有位巴打咁講，可能個人太偽善，臨轉工先黎諗埋呢啲野，想自己個心好過啲咁