［末期癌症］想喺屋企打嗎啡針 可以點做

問果個都唔方好得去邊
差唔多姐兩位

樓主爸爸幾年前係咩癌？肺癌？
今次復發係邊種腦癌？膠質瘤？

我而家都打緊六支嗎啡針

肺癌，今次擴散咗上腦，唔係膠質瘤，冇特別一個名，就係叫肺癌腦轉移

我都明白好無助 啱啱我爸爸都確診原發性腦癌 做完手術切除 等緊安排電療化療 雖然宜家情況穩定 但平均壽命都唔長 唔知仲有幾多日子 唔敢想像最後會點

樓主爸爸宜家經歷緊咩痛 周身都痛？

巴打你好啊，我有位朋友(佢係絲)識一啲spiritual既溝通，佢話有段message想我代佢send俾師兄

師兄你當係個祝福，如果有啲野岩用就最好。

衷心祝福

「Hello 巴打，見到你關於打嗎啡爸爸嘅post「雖然素未謀面，不過希望可以嘅話幫下我爸爸祈禱，我諗多啲人祈禱會有用」，希望你唔好介意我幫你做spiritual healing，最主要係清一啲糾結咗好耐嘅負能量。內容如下：

1. Perfectionist archetype (完美主義原型）- 清一啲關於爸爸完美主義底下嘅負能量： judgemental (批判, 可以係批判人哋嘅comment) excesses (精神層面上過激), Lying 及addiction (消曬呢d負能量）

2. Body healing (Etheric body) 好難用三言兩語解釋呢個，不過一般做咗手術嘅人都會指向需要healing

3. 給你們一家的正面訊息：Determination x3 （爸爸呢件事上面要有決心，果斷）Abundance (要相信係有資源，有唔同嘅方法幫到件事）Comfort (條路好似好辛苦，祝願大家搵到一個舒服嘅位唞吓氣）Life (保持生命活力，大家互相打氣）

4. 給爸爸的生活上訊息：World of Zen- 如果可以播一啲音樂， 大自然聲，雀仔樹木聲音， 好似喺花園咁樣。Water- 爸爸需要飲多啲水 Rest- 依家未能夠足夠休息

如有冒犯，請多多包涵。祝福你哋一家❤️🙇🏻‍♀️」

我見過的係另一個情況
雖然唔係腦癌或者其他癌
佢係脊椎有事，郁少少就痛，佢又係打止痛針打到一見姑娘就叫佢走，佢話打左係好返D，但一散就痛到飛起，好似過山車直衝上頂咁，大上大落攪到身心都好疲累，之後寧願唔打，佢話條命已經苦，不如就咁算，當還上世債，希望下世健健康康

知呀

但問題個病人唔想再打針，佢唔想日日輪迴係唔知幾時止痛藥一散果種劇痛
而姑娘又無可能每個鐘都同佢打針去無斷層咁止痛，佢話試過有晚半夜痛醒，叫左姑娘打針後，成晚都唔敢再瞓

佢只係我個過年先返鄉下見一次的親戚，果次都係佢屋企人特登叫我地返去見佢最後一面，從其他親戚口中知，果時醫院個主任都有問佢同家人洗唔洗俾D勁D的嗎啡針俾佢試下（佢地家庭都有少少地位，同院長都有交情），醫生講明雖然勁D時效長D，但有上癮效果，同埋會好易嘔同散效時比而家果種痛再勁D，一打就無得返轉頭，佢同家人商量過先決定唔要

一係樓主24小時每分每秒旁住佢爸爸，當佢一叫就馬上打，做到無鏠連接

如果係屋企照顧嘅話，醫生基本上都只會開口服
好難會俾家人打皮下嗎啡
醫生就話可以長期張嗎啡加落啲鹽水度不斷滴，咁樣止痛作用就唔會無端端冇咗
口服嗎啡嘅話，就可以開埋病人有需要時服用嘅劑量去應對突如其來嘅痛症
我覺得樓主可以搵吓私人寧養/舒緩治療院舍

最初主要喺頭痛，之後隻眼痛（慢慢睇唔到嘢）。做完一個手術放腦水之後，頭痛就少咗。而家就全身痛，話好辛苦好難頂，而家喺醫院24小時用嗎啡機

希望奇蹟會降臨，一齊加油撐落去

其實如果醫院真係唔俾你爸爸出院番屋企，話係醫院會控制得最好，咁真係可以去睇睇善寧之家。
以我所知佢地早排都仲有收緊係公立直接轉院入去嘅病人，所以樓主如果同醫院傾到可以同善寧之家個邊夾吓。
呢間可以有屋企人陪瞓可以探。陪瞓最多一個人，探嘅話唔太多人都冇問題，不過第一次要驗咗肺炎先。緊急情況個到都有啲快速測試劑即買即做，negative就可上病房探。陪瞓個個如果一直唔走，留係入面可以唔使再驗，探病有機會每次都要交驗肺炎嘅報告俾護士睇，每份報告每次好似有期限，不過唔記得咗幾多日，詳細你要問番個邊。
入面都有社工可以俾你地申請資助，財政上有困難會根據番你地嘅情況批唔同程度嘅資助俾你地。急嘅幾日就批到都唔出奇。如果本身有攞緊政府嘅資助都可以同佢地講聲，批嘅速度會再快啲。
醫生護士都唔差，有心機對病人，真係想做到holistic care，始終係最後一程，所以都唔使太擔心佢地會對你爸爸態度唔好。
知道你好迷惘，希望少少嘅資訊幫到你。

唔該哂師兄同絲打frd先
3 4都明，想問多1 2 即係同爸爸傾多啲呢方面嘅嘢？係咪要佢唔再有嗰啲諗法

加油樓主 一齊加油

朋友絲覆：

「唔需要同佢傾或者提起😊
1同2點，係想同你交代返已經清理左既negative energy block，有需要轉達呢個信息。或者等你爸爸情況好啲，可以輕輕同佢提起。

而家巴打可以做嘅，盡量幫助爸爸休息，聽吓啲輕鬆大自然嘅音樂，同埋爸爸好需要飲多啲水。🙏🏻」

search 家護
有做在家安辭服務 不過應該唔平

試下打俾啲請護士嘅agent
好似有得請私家看護上屋企
問醫生可唔可以種住個豆同拎瑪啡針返屋企
再由上門護士打針俾你爸爸

樓主加油
我阿爸都係癌症患者，上年呼吸困難入院，過咗一日已經話病危，但因為有肺炎病徵，入咗隔離房唔比見，要等出咗檢測結果，冇事再送返出普通病房先可以去睇佢，但佢最後嚴重到等唔切出報告，只可以用視像睇住佢走。
如果一早知，又可以的話，我寧願接佢返屋企，至少喺自己地方，同埋家人可以陪住佢走，唔使佢一個自己喺醫院走。
樓主盡做，最緊要唔好有遺憾。

老友舍醫 幫到你
但要收費既

push

希望你爸爸可以走得舒服啲
睇到好心酸
你地一家要好好享受剩底嘅日子
推

收下你把死人口

剩係加你id 係唔會知你電話號碼除非本身識你