［末期癌症］想喺屋企打嗎啡針 可以點做

推

唔識，但幫推

養和24小時探訪 可以一個陪訓

你呢個cm好撚偉大呀屌你老尾

會轉移去腦嘅肺癌好大機會係ALK，有好多標靶藥可以用。巴打會唔會試下私家搵一線生機？公立用藥好保守而且太新太貴嘅佢哋又無。
如果你屋企人有用醫健通，你可以自己去搵私家攞意見。

公立hospice幾乎唔使諗
等hospice team嚟assess都等成個星期
因為要有人過身先有一岀一入，等床再等幾個星期以上 仲未計太殘嘅case唔收 未有耐離世嘅case唔收

Push祝福樓主一家

另外 如果捨得放手 唔想世伯再suffer
我病房做法係喺屋企人同意之下開大劑量morphine infusion
咁1 2日之內就會無痛、慢慢呼吸變慢咁走
彌留之際就可以隻眼開隻眼閉陪耐啲
加油樓主

一個回覆令我知道連登仲有愛

建議比你爸爸飲甜甜既飲料 你知唔知病左咁耐真係口淡好辛苦。醫生會建議唔好比佢飲水或食野 但你爸爸已經是差不多要離開了 我建議你餵佢飲半樽蓋 趁在最後 可以一嘗甜意。 幸福。
記得！分幾次。半樽蓋！唔好太多。 親身經歷 我親人病重時 我餵佢飲左小小 佢個樣從痛苦既病中 表露左一陣陣興奮幸福既表情。 如果你聽完覺得可行 你可以咁做。 但風險要自行負責，當然你怕佢 「族」親 你可以用棉花棒沾飲料 茶落佢咀仔。
雖然幫唔到你關於媽啡 但都希望幫到你。
我都支持你帶爸爸回家 一家人陪伴在病患中離世
比起在醫院冷冰冰 寂寞 只舒服一點點離世更好。
最後祝你爸爸身體可以支持耐一D 加油。

好理解樓主而家嘅痛苦
祝福你同你爸爸

睇二戰片裡面D士兵直接用針打。。

如果早啲見到呢個post 就幫到你
以前老豆都係咁
佢走咗嗰陣仲淨好多嗎啡喺度
賣又唔係送俾人又唔係
最後放到移英前都係俾醫生朋友拎返醫院當醫療廢物處理丟咗

https://www.doctornowhome.com/%E7%B4%93%E7%B7%A9%E6%B2%BB%E7%99%82-%E7%99%8C%E7%97%87-%E6%99%9A%E6%9C%9F%E7%96%BE%E7%97%85.html
紓緩治療，你可以搵下。之前媽媽癌症望過下，但未試就悪化走咗。

通常打得嗎啡嘅話 口服應該止唔到痛
好似係

出面有私家上門醫生或護士服務，可search 一下，唔少機構有納入「在家照顧計劃」，可以申請服務券資助

離院支緩服務可以派姑娘上門，建議同醫生傾下可否安排打嗎啡

或留意一下善寧之家，可以有資助位，獨立房間套廁，要家人陪伴，每日有醫生巡房，可以陪佢走埋剩低日子

希望你可以好好珍惜同Daddy 剩低嘅時光

最重要係，情況許可的話，先出院

可以問醫務社工，善寧之家有聽過提供醫生上門服務。

我之前屋企人係入左寧實寧養院，如果有位，個時大概一星期到安排到入院，預10萬至15萬一個月，合資格可以申請資助（封頂32k 一個月），不過都要批核時間，未申請到前可能就要自資全費先。寧實個邊都有註院社工，資助/疫情安排真係要直接打去問先知。

加油！

加油 支持住

安辭在家嗰啲幫唔幫到手？

私家醫院有無得諗?

+1

外國好多人咁做

幫唔到樓主，但幫你推！
希望有有心人可以幫到樓主，都祝福樓主爸爸可以完成到最後心願！