今日先知我有一個病 Aphantasia (心盲症），係我幻想唔到任何圖像，合埋眼只有一遍黑色

但無EXPECT會諗到咁多天氣
我個腦剩係PICTURE到晴天嘅日出同埋大霧嘅日出
完全無諗到會落雨同出彩虹

諗到，但冇image

我可以幻想到聲但冇畫面咁姐係點

樓主會唔會發夢?

yes

咁我同你差唔多

開住眼諗野就有小小影
而合埋眼諗就黑色

即係你都係一份子

本身由細到大鐘意幻想，後來鐘意寫故，依加都仲有講故台寫緊
之前有唔少巴打話我寫既故好有畫面感
原因係我的確腦中出現畫面再寫
唔止係圖片，直頭係動態畫面，有晒運鏡，轉鏡頭，配樂咁
我諗自己想像力應該好過常人少少？

樓主話要幻想隻馬出黎，我合埋眼睇到既其實唔係一隻馬既圖片
因為寫故既幻想習慣，除左幻想目標，我要成埋成個場景
我係睇到一個草地，後面有河，河對面係森林
一隻馬由遠方走過黎，一步一步
風吹過，佢頸上既鬃毛飄下飄下
聽到馬既「嘶…」聲音
聽到馬蹄聲，見到佢馬既眼捷毛眨動，瞳孔中有自己既倒影，然後聞到馬既動物氣味，佢用個頭輕輕頂我一下，我感受到鬃毛既觸感，馬皮既溫度
同我哄近Ｄ睇，可以睇到馬皮既紋理

可能你覺得好誇張，但細個開始寫小說，練習「想像」呢件事就係咁，可能同心盲症既另一個極端

然後其實都有壞處，例如鬼片／恐怖類既野對我傷害極大，開門見鬼大家都係嚇一嚇，但因為想像力過強，我以後每次開門腦入面都會連音樂連感覺咁重現一次「開門見鬼」

見過意外，自己受傷遇到危險，發惡夢呢D好易產生心理陰影，到依加我都可以隨時見返當年有人係我面前跳樓著地個下，聽到個下超不安既「咔喀砰」既聲，會成日係日常生活上突然閃回，望住一片黑暗例如房間／荒野之類，成腦都係鬼，喪屍，殺人魔咁既恐怖野，又或者係唔妥當既時候開始想像，見上司，葬禮婚禮呢D有好有唔好

原來大部分人瞇埋眼諗住張圖會彈張.jpg出嚟

我得一片黑色

以前以為啲人話屌緊ff 同其他女人，係真係好用力咁諗

屌原來你地真係FF 到出黎

你既夢係會有image?

寫program /做數會唔會差啲

唔係啦你地講緊唔係同一樣野
佢話想像到某件野係咩樣
同physiologically 視覺上完全黑色係無關係咖喎

應該咁諗
首先你想像一隻狗
等半分鐘
然後我問你隻狗係咩色咩品種嘅
佢個 case 應該可以直接答得出 因為想像嗰刻已經知隻狗係咩色咩樣
而你個 case 就未必講得出
因為本身 “狗” 呢個 concept 無咁多 details

如果真係好似視覺刺激咁嘅大腦活動
咁我開住眼咁想像咪見到好多 image overlay

當年睇書教就係你點學合埋眼有圖像、就係叫你搵一幅圖
跟住望3-5分鐘，到你合埋眼，就有機會有殘影
咁你就會開始感受到個影相唔透過雙眼睇到影像，再慢慢訓練個腦點樣keep耐啲同清晰啲

我當年好迷吸引力法則，而依個能力係吸引力法則一定要學嘅能力，因為佢地成日提倡感受同腦入面要想像自己擁有啲咩
早幾日都見到有po討論，我就唔多講喇，依刻我唔信

想問下無畫面既巴打睇完金庸啲小說果陣會唔會諗到啲角色大嘅應該係咩樣？
見到真人版果陣會唔會有啲覺得有落差？

Vr 都唔需要
自己幻想個世界出嚟

假設你好急俾人送咗去隔離營，乜都無拎之下每晚掛住女朋友嗰陣，換言之係唔會諗得起佢個樣？

但你睇小說係唔會好似拍番套電影咁有畫面？咁你係點了解入面啲場景setting？

咁啲女人好鐘意問架嘛：未來間屋要有幾間房、張床要買幾大、梳化要買咩色、個窗出面係望海定望山、有冇露台、房洗唔洗整地台、個廳嘅feature wall價係點⋯呢啲咁你會唔會答到啊？

你哋見到「你個嘢壞咗呀」、「我真係恭喜你呀」呢啲句子唔會自動出返當事人把聲？

下 會睇到野架咩

我自己就3/4嘅，所有幻想、夢、回憶都係黑白色，我嘅幻想只可以「認知」到嗰件物品係咩色，而唔係真係「見」到物件顏色
所以反而想知有冇人可以諗到啲彩色嘅嘢？

啱啱睇完條果籽片發現自己係幻想唔到，你問我答
https://lih.kg/2357806
- 分享自 LIHKG 討論區

我係喺呢度發現的 可以睇下

問多一個問題
有心盲症既大家畫畫好唔好？

我畫到狗屎咁，因為完全腦海入面冇野可以跟住畫

多謝分享，真心唔明你呢個感覺
你會唔會好難冥想/好易被分心？

係咪連文字嘅樣都建構唔到?
如果我隨意講一隻字出嚟﹐叫你喺腦入面數下我講嗰隻字有幾多筆劃﹐係咪都全黑數唔到?