今日先知我有一個病 Aphantasia (心盲症），係我幻想唔到任何圖像，合埋眼只有一遍黑色

你點化成影像去記？

睇左好多呢類人嘅講述，同幻想力無乜大關係
可以幻想，但幻想嗰樣野唔係以影像呈現出黎

比較大分別嘅係思考模式

舉例：
一個去母校探老師 講出當時談話內容丶身體語言丶點入學校等

佢一路，我就入腦形成一條短片，如果對方講埋老師樣就創造埋老師樣

有aphantasia嘅人就係講緊佢地腦海唔能夠以影像方式記事物
所以好奇你合埋眼全黑，但又可以以影像作為記憶，甚至可以化為影片，究竟係唔係aphantasia

我夾硬記一樣野就要靠死記，唔太識點形容，唔知咁講準唔準確
例如記書上面一句說話，就好似寫字咁寫落記憶
做一次唔會記得耐，背書就要不斷係心中默念
一般唔會記到好耐，除非經常要用返呢個知識

另一樣係經驗/經歷，做過嘅野會係以事實嘅形式記住
都係唔識點形容，但就唔係以影像方式記住
例如我尋日去左沙灘，個天係紅色，我隔離個人係黑色
我嘅記憶就係實實在在以上呢一句
你問我尋日沙灘個天係咩色，我係直接答你紅色，就好似1+1=2咁直接

我呢兩日問身邊嘅人，原來佢地回憶呢件事會係去左沙灘呢個畫面，佢地可以睇返個畫面入面個天係紅色
佢地讀完本書，考試嗰時可以記返逐頁翻開嘅影像

呢兩日先知有aphantasia，睇左好多唔同人點描述佢地係點記憶，唔介意你問多啲

越講越恐怖，已經唔知自己係點記嘢

樓豬係咪唔會發惡夢

lm

宜家先知以前試過想學啲光球冥想，
但一直做唔到，宜家先知唔係呢樣嘢難，
只係我做唔到啫⋯⋯

你形容嘅情況同我嘅情況係一樣,
宜家先知道我以為好難做到嘅嘢，
原來對於其他人來講係好簡單嘅事,
只係我冇呢方面嘅天份

由細到大都可以visualize其他野visualize得好仔細
但係唯獨有樣野我係做唔到 果樣野係人
呢個test第一part我幾乎全部都係1 後面全6
我visualize同comprehend同人體相關既野既能力係差到
上睇教做運動既片會完全一片空白跟唔到
有時朋友叫我隻手肘移上d之類
我都get唔到 亦都visualize唔到 要佢地親自郁我個身
但反而我做同人體唔相關既野時能力會好過大部份人好多

咁你訓覺會唔會易入睡？

唔係好明 我合埋眼諗嘢個腦係有6咁嘅完整畫面嘅 但你會知係腦海嘅畫面 唔會真係肉眼睇到
咁樣應該都唔算係心盲症？定係冇嘅人係連肉眼都會覺得睇到個影像？

未追哂post 如果有問過唔好意思

唔算心盲

腦有畫面 就唔係心盲

閉眼+眼前有畫面 係再進階啲嘅能力

開眼+眼前有畫面 係再強啲

我影像係冇顏色
曾經發生事記憶都係冇顔色，例如我媽媽買咗條桃紅色裙畀我，桃紅色只後記得桃紅色，影像係冇

問：
喺1-6你係咩?
你記嘢需要好努力 咁數學方面如何？小時候背乘數表困難嗎？

開咗個TG group 諗住比心盲嘅各位交換下資訊 睇下點樣可以解決個問題。。 有興趣可以join join 大家傾下
https://t.me/+B7KSBC9W61FjNTRl

我係1
定義上黎講2已經唔係aphantasia

記野係唔係要好努力，好難直接答
我諗普通人都有分記憶力好啲同記憶力差啲

以我為例，從小就係邏輯方面好過記野
計數比較好，幾何學我都無問題，但記生字比較差，連記公式都係差少少

記野非影像嘅野無問題，尤其是一直以來都以為大家都係咁記野
嗰樣野常用嘅話就會記得好深刻

記影像我記嗰刻就要將張圖轉化為文字或規則
例如右上角有一個紅色嘅太陽，中間有一個好高嘅白人，左下角有一堆三角色嘅草
記人樣自問特別差，我認到人樣
但見完面返屋企我唔可以係腦入面勾畫返對方個樣，甚至我阿媽都唔得

好似普遍1嘅人都有以下特徵：
邏輯較好
記生字比較差
面盲

想開個新post繼續討論

https://lihkg.com/thread/2894273/

我無面盲
面盲係另一樣野黎，直頭認唔到人樣

我係認到人樣，但腦海揾唔返嗰個人嘅樣嘅影像，只係大致有印象個樣係點
會有一啲concept (事實) ，例如長頭髮大嘴瓜子口面，兩隻眼相距特別闊等等

所以我見完一個人之後，要我畫返出黎我係幾乎做唔到
但你畀嗰個人嘅畫像問我佢係邊個，我會答得出

我覺得咁樣已經算接近面盲，統合都係面盲

例如新認識嘅，少見嘅，我諗你見到一樣或者差唔多特徵嘅人，會認錯或認唔到。（我係）

面盲有另一個定義啦
佢地認人唔可以靠樣，兩個人企埋一齊要靠聲、高度同場合去判斷
例如係課室度唔係著校服嗰個就係老師，而家上緊英文堂所以佢就係英文老師陳老師

啲樣我有保留
唔排除嗰啲面盲冇諗過用特徵去記樣。佢地死都諗住用圖像記樣所以點都記唔到

可以笑的話不會哭

你有無睇佢地個人經歷嘅說法
咁講係好唔尊重佢地，講到佢地白痴咁

想像av女優，然後腦海浮現「av女優」4隻大字

見唔到狗仔嘅五官，嗰四隻腳掂住地下嘅畫面我想像到，但再上望少少就黑晒