加拿大D樓真係有D少貴 (1)

有無講原因先

低息呀嘛

想知100萬港紙有冇可能係加拿大多倫多買樓？

有，100萬首期

咁之後供樓點計？
如果已有PR身份、從未買過樓、冇車+冇車牌
假設係想買condo的話
利申 唔知加拿大銀行利息點計

我而家喺溫哥華
睇樓睇咗半年
bid都落咗幾間
我發覺呢邊樓紙咁痴線嘅原因
主要係因為個暗標制度
而家基本上全部業主開價都係開一個好低嘅價錢
之後等你開
你落得少又一定買唔到
落得多又會好傻仔
但係當你落得幾次都買唔到嘅話
你就會開始心急
去到一個情況就係呢一啲心急嘅買家就會出一啲好痴線嘅價錢

如果你而家真係諗住要借錢買嘅話
就快啲搵定銀行
因為而家買到樓嘅offer全部都係no subject

我知道加拿大買樓形式係價高者得
我想知有冇100萬港紙想係加拿大多倫多買間condo可唔可行

以我所知呢個買樓模式係加拿大都用左好耐
佢哋係覺得公平既
不過對香港人黎講明碼實價就最公平

其實呢個唔係乜嘢固有嘅買賣模式
只係加拿大冇限制話唔畀暗標
當好似而家呢一啲極端seller market出現
暗標就會造成唔公平
因為一間樓會出現幾十個入票
買到嗰個經常性都會比第二高嗰個高出好多先會買到

多倫多我唔熟
但係如果你講大多地區嘅話都好大
你搵到好遠好舊好細
我諗都要三十萬cad起跳㗎喇…

屌你老味竟然有人話多倫多唔係加拿大最主要城市，溫哥華先係 條撚屌知唔知多倫多係北美除左紐約之外既最大金融中心，淨係一個GTA已經佔左成個加拿大超過1/5 GDP 講主要，計埋Montreal 都未到溫哥華喇

自己住邊就會話邊個城市係主要
其他城市都係唔好住
典型香港人
自己住果區永遠最好

你太睇小其他移民了，例如印度人買樓超爽手，因為佢地多數都做it已經人工高，再加上英文好過大陸人所以升職又快啲人工又再高啲。我識得啲印度同事先三字出頭已經手執三層gta樓唸緊買第四層，佢話以租養樓好抵。

如果city of toronto就唔得啦，總之依家condo平均價係400萬左右，你點平都好難100萬樓下，除非真係勁破舊+凶宅啦，以前都有聽地產經紀吹水講過有人專門買凶宅1x萬cad一間house，不過唔係多倫多市只係多倫多周邊城市，同埋個價係呢兩年瘋狂升值之前。

加拿大銀行借錢係要睇credit嘅，你需要做嘅係一到步就立即申請一張credit card（由於你係加拿大無credit score五大行可能唔肯出卡俾你第一張卡可能要搵啲唔check credit 嘅公司），個個月準時找數慢慢build up你個credit scrore，等到你個score係良好（通常需要1-2年）之後你就可以去貸款買樓。貸款嘅額度通常係你稅前年薪嘅5-6倍。咁假設你想買一層400萬嘅樓（condo平均價），減100萬首期借300萬嘅話你起碼需要要稅前50萬港紙嘅年薪先夠借，當然都可以係兩公婆加埋50萬年薪。

反而個息唔會因為你有無買過樓/有無車而改變，但如果你同時供緊車咁會影響你嘅貸款額。

CBC market place 報導過，暗標極唔公平，因為啲經紀/業主做馬。

然後節目講澳洲（如果無記錯）,喺物業現場拍賣最公開透明。

aurora newmarket其實幾好住不過 真係靜到仆街 同埋大部份居民都係西人 唔鍾意同外國人打交道會好悶

其實go train好方便

方便但貴呀嘛 班次唔密都係另一個問題

來回10幾蚊好平喎 泊車都要啦

首期得嘅

1,000,000樓下應該要去印度喎師兄