唔想升職，但條女迫我升，好大壓力

你要做毒揀okay 但唔好害人好冇 30幾唔博唔通50先去？

巴打最後點

我直接同佢講話佢搞到我精神緊張
佢已經變成咗我壓力嘅源頭
每次諗起佢就變相等於壓力所以想逃避

佢話只係想我爭取個機會
而唔係試到未試過就放棄
佢唔知佢個表達方法會令我咁大壓力
佢以為咁樣我會肯去試吓
同我講對唔住
話知道每個人諗法都唔同
唔可以迫人去做一啲唔想做嘅嘢

而工作上有同老細傾
我話做3個月當試用期試吓
人工就由加12k變5k先
如果ok的話就先再傾返個offer 嗰啲
老細嘅意思係做生不如做熟
加上我喺公司咁多年佢覺得我係有potential
只係無乜再向上發展嘅心
佢話難得我話肯試都係一個肯改變嘅心態
所以佢覺得ok

所以最後就bbq
表面上就乜事都冇
但其實我對女朋友已經唔同以前咁
講白啲就已經無咁愛佢
大約係以前嘅7成左右
我估佢都feel到

另外就喺度多謝咁多位巴絲嘅意見
小弟真係有睇晒
大家今年搵多啲啦

其實你一開始拎得出來講就代表你係接受唔到你條女既諗法啦😂都反映你都唔係愛到不能自拔既地步
襯早分手，無謂晒大家時間，你又辛苦，條女又浪費青春

爸打我係絲，睇哂你d回覆估你唔係假膠所以突登開acc黎覆你。
其實就結果黎講就算你係連登開post問
佢地都係叫你升，所以你條女都唔錯得哂喎
叫你升先係人之常情，差在佢present得唔好所以令你個心唔舒服姐

見你咁後生搵到呢個數仲有得升職，睇你應該唔會搵d無腦mk 妹過人世，所以再同你分享多d

我後生果陣都成日同d男人講搵幾多唔重要，最緊要夠洗冇壓力，講呢d門面野好易架喳，大家又happy，不過真係happy完就bye bye囉。活在當下既女人係唔會諗你既未來同荷包。

講工作，除左政府工，有邊份工係可以確保到打到退休，求稱定就代表競爭力下降，人地睇得起你，只係因為你夠後生有潛能。所以你而家搵到三幾萬，唔代表你40歲都仲搵得到。

講屋企，你屋企人都會開始老，老左就多左好多開支，雖然唔駛你出哂，唔通你真係咁厚面皮一蚊都唔出咩

講仔女，三幾皮人工直頭少添啦，連好少少既學校都幫唔到你既仔女報，仲要報興趣班，如果你老婆要返工既話請工人你就要預左每個月比多7-8千蚊，間屋仲要唔可以太細，而家好難請工人

講住屋，你有諗結婚都唔駛我講要付出幾多錢啦，你地仲未結婚添，果度又一筆

仲未計你自己d個人洗費，計到呢度你真係覺得自己夠洗？你唔駛儲錢防老？你而家覺得夠洗，只係因為你仲後生，好多野都未殺到埋身，可能你會話大把人都搵得少過你都生活到，無錯，因為佢地冇得選擇丫嘛，你想唔想好似佢地咁先，住邊冇得揀，返咩工冇得揀，老婆冇乜得㨂，連食餐好少少都要左度右度。

如果你覺得我講既不無道理，咁我會勸你諗下點樣同你現任改善溝通，而唔係諗飛唔飛佢好
因為就算比你拍多十次⋯d女都係咁樣
完