上年年尾前有個上司嚟緊移民
咁佢本身好睇我
可能係佢中學師弟
佢大我5年左右
佢就不停薦我畀老闆話我ready做佢個位
自問真係未ready
一來無用足10成力衝事業
覺得而家月入3皮尾有雙糧有不少於一個月bonus
唔使畀家用我覺得夠洗又有空閒時間撚吓狗拍吓拖不知幾開心
升咗又要睇住班撚樣又要孭鑊又要同其他department 周璇又要執屎
人工多12k 但時間一定無會撚晒外加壓力爆煲
唔好話拍拖
狗都無時間撚
咁我就年頭同條女講我有呢個諗法
佢就話我無為將來諗
浄係諗自己係自私行為
我解釋畀佢聽好多人因為咁樣無時間相處而最後都唔開心感情變淡同分手
佢話又唔係成世都係咁為咗將來點解唔捱吓
成晚僵持咗好耐
佢第二日開始無搵我
我同佢講咗好耐佢一係hea覆我一係就話我唔識諗之類話我要take 個offer
之後過年前嗰個禮拜公司有同事放大假就有啲忙
無時間理佢
喺唔理佢呢排我發現咗個世界好清靜
返工放工唔使交代去邊做乜
我體驗到真正嘅靜同自由
佢一搵我就會精神緊張
因為又會係無止境嘅撩交嗌
佢新年有不停叫我去拜年或嚟我度拜年
我同佢講要靜吓諗吓take 唔take 個offer
實際只係逃避唔想面對佢同佢講分手