屋企老人家唔想入護老院，有咩方法

如果屋企夠大，真係請兩個工人番來睇住兩老。

但最重要係兩老會唔會習慣有陌生人響屋企

請姐姐

最近都面對緊點樣解決照顧老人家呢個難題

聽移民撚巴打講拍拍屁股移民乾手淨腳

帶佢打毒針

不過有D有經驗既姐姐都古惑
我嫲嫲之前個工人
俾錢叫佢去買餸 佢去祕撈 帶埋另一個老人家去買
俾我阿媽見到

我太婆由我太公走果陣就開始排老人院
由我入小學 排到我中學就畢業先入到我屋企樓下間老人院
（又可能係要我屋企樓下果間佢先肯入）
未有疫情之前日日都探到 可以帶佢出街食下野咁
而家好難見
叫姑娘得閒幫佢打電話 開下cam俾佢望下

推正經回覆&留名

明白果種壓力，加油巴打

將心比己，他朝你自己一個人用佢地淨落嚟啲遺產令你自己唔洗入安老院

講到先得架

呢個時勢

一個工人係咪平啲

樓主照顧住先 照顧到請到工人為止

我諗請工人比較好，老人院你又探唔到，入到去衰退得好快。

你個問題歸根到底係一個字：窮

個個都話請工人 仲話一個唔夠就請兩個
而最起碼一個工人都6k起跳
仲要疫情請唔到人
工人或者樓主老豆又未必夾得黎

上面巴絲話排左政府資助既先 其實都岩
不過入日間護理中心 由排隊到有位個下起碼等半年
政府資助老人院起碼三至四年

可以試下搵日間or院舍暫托
幾十蚊一日 用住 睇下老豆習唔習慣先
習慣既再諗下用self-finance既服務（貴）

其實長遠黎講 老豆點都係要入老人院
佢身體真係弱 再加護老者照顧唔到 經濟上亦有可能負擔唔到
院舍無咁自由 但有護士 有照顧員 會熟手d

請大家唔好將送長者入老人院同拋棄父母劃上等號

樓主都要幫老豆睇到依家個狀況 要比媽媽講下佢既辛苦
要十分十分認真地同佢地討論呢件事

樓主辛苦哂 我地陪你！

多謝你

老豆好似又話想入護老院，唯有盡量找間好d

阿爸個情況係要入老人院，搵啲好啲既老人院，大概都要1.5萬。3-4萬以上當然會更好，但果啲已經係講緊享受，估計你可以無視。

阿媽就搵一個工人照顧，可以幫你睇佢食藥、帶睇醫生、做家務，仲輕鬆唔少，最低消費都要5000。另一個選擇就係直程比你阿媽自理，因為佢都仲行得走得。

所有解決方案最後都取決於有無錢，有錢家庭和睦、父慈子孝，無錢家嘈屋閉、神憎鬼厭。

問吓自己想唔想去香港啲老人院

現在入咗老人院唔俾探訪，你會唔知你屋企人嘅情況，老人院有無人手照顧到你屋企人，特別係要用到呼吸機，啲工友唔夠膽或唔想郁你屋企人，容易引致其他問題，如壓瘡、肺炎。

請工人又係一個問題，今時今日你想請個工人都好困難，本地完約嗰啲叫價高同埋會搵僱主，好大機會唔會做呢啲照顧病老工作，因為而家想請個海外嚟嘅都難，又要隔離酒店，好full，好難book，想請個海外工人搞得嚟都已經成年幾。

如果可以自己家人照顧到就最好，但香港地好難有人唔返工照顧家人。

我有朋友屋企人身體都係咁差，然後送咗入醫院，之後話搵唔到老人院肯收，一直由醫院照顧，不過都係唔俾探病，但起碼每日有醫生護士睇，同埋個價錢真係平好多。

非常唔建議你請工人照顧呢啲嚴重case，用呼吸機，轉身，換尿片起碼2個人，佢一偷懶好易會有傷口，餵飯個啲都係相當重要，佢一快得制/亂黎，好易吸入性肺炎，如果老人家醒目、識行/清醒先好請工人，唔係既話入院舍先係首選

呢個時勢係妹仔大過主人婆 唔會請到人
要照顧1.5個老人家
世伯情況又要咁多幫助咁辛苦
我係工人搵個得細路要湊 得閒放下狗既屋企唔好？

好明白樓主心情
之前爸爸病左 都係媽媽照顧
唔想媽媽24小時都要睇住爸爸咁辛苦
嗰陣都請左個護理員黎屋企
一日六個鐘 只返平日
都要17k 至 18k 一個月
不過真係好細心同熟手
同埋會同媽媽同聲同氣d
可以傾下計 同佢會分享下照顧經驗
護理員都好肯教屋企人去照顧老人家

諗過請工人 但agent都話冇咁快
一黎要有地方 二黎都要等佢搞好多野先黎到香港

樓主都要多d同媽媽傾下計 陪下佢
照顧者都唔可以忽略 因為真係好大壓力