屋企老人家唔想入護老院，有咩方法

起居照顧員係包看顧同少少家務

上網search長者安老，格下價先。 不過有質素嘅長者安老預咗貴，房協有類似project，難排得嚟仲都幾皮一個月。

請工人反而比較平，如果唔放心怕佢哋唔識照顧，試下approach社康護士，或者NGO睇下佢哋有無服務或者教到基本家居照護嘅知識。

儘量做啦，錢就慳唔到架喇。希望老人家身體健康。

好既 私人老人院最少幾皮一個月.不如請兩個工人再排政府.

多謝巴打回覆
是的，果種壓力真係大到喊

同佢講：咁對唔住，你係要過身！

謝謝你🙏

我以前婆婆係老人痴呆加行唔到，會半夜自己起身大喊同周圍行然後仆親，就算有工人睇住成家都好辛苦。

建議你排左日間護理院先，如果入到去，起碼你媽媽每朝多返5，6個鐘自己時間休息，晚上先有精神再照顧你爸爸，否則真係成家攬炒。不過依啲位一向都好緊張，亦都唔知covid 下安排有冇唔同左，所以你最好盡快打去問同排左隊先。

私人保建員好多都係院舍照顧員出身，佢地好有經驗照顧行動不便老人，如去廁所，餵食等佢地可以一腳踢，服務內容可以問清楚中介公司。不過如果你請足一至五都要兩萬幾蚊，負擔唔細。負擔唔起可以一星期請兩三日幫輕下。另外因為係每日計，所以用過唔啱可以隨時停。

直接送入醫院,有床位又平

唔係政府護老院既話 係咪都一皮幾一個月真係兩個工人抵玩啲

不過普通家庭要有地方俾多兩個工人住都係困難

尐你老母

巴打加油

我婆婆之前腰椎有事差 d 唔行得唔坐得, 都搞到我地全家出晒煙，婆婆都係唔想入老人院，所以好明白你感受。果時搵左 d NGO (我搵左新界東耀能: https://www.sahk1963.org.hk/b5_service.php?id=32) 有日間上門暫托服務，講緊幾十蚊一個鐘，可以幫下抹身餵食梳洗，但而家疫情都會暫停一下。不過你試下打去問定先，安排都要一段時間。

加油巴打，盡量搵左上門照顧/日間中心先，慢慢再從長計議

請工人好似仲平過入老人院喎

你請一個，跟住同佢講明呢到一定多野做同辛苦，但人工高囉

請兩個就咪啦，d野兩個推黎推去你自己搵黎搞

Btw 請工人都要幫CCTV

其實個情況真係幾兩難。
請工人，未必有足夠護理訓練、仲要兩個有病，基本上係24 standby
入老人院，又好似好殘忍，但起碼有夜更 （希望唔好去瞓覺）

個人提議，先試下揾工人、有心理準備未必做得好、做得長⋯⋯唔得先揾老人院。或者遊説埋伯母，揾下有冇啲能一房兩老一齊入去住。

樓主要辛苦啲多啲去探佢哋、無論老人院定屋企。

呢個時勢搵工人預返起碼一年
仲要未開工已經洗幾皮野 仲要隨時走
自己考慮清楚

加油！之前同你差唔多情況 呢個真係有錢都解決唔到嘅困難 解決方法樓上啲師兄都介紹咗了 我就唔重複了btw真係避免揀私營院舍 特別是對唔係好老嘅老人家來講 自尊心打擊好大

謝謝巴打
但屯門新界西有無呢？

樓主爸爸幾多歲？如果過60歲，可以試下去長者中心排下長者社區照顧服務先，搵社工評估同商量！可能有資源幫到你一家

83了

諗緊揾明愛果d，唔知我個case駛唔駛評估

護老者長期病患無力照顧

所有CASE都要經過統一評估的，而且就算評估合格左，社區照顧服務都至少等幾個月~半年以上不等

街邊私家每月九千一萬果d就可直入？

坦白講，照咁聽起上黎，爸爸都應該身體幾弱下
就算請到一個有照顧長者經驗既工人，都未必應付到
日常照顧上可能要用埋扶抱，無乜工人肯做，就算肯都好容易工傷
識得有CASE會請兩個工人黎照顧
如果唔係一方面要顧及老人家安全，一方面又要兼顧埋部呼吸機其實都幾困難